¹ Ovita vi za pi no virua mokati kenu? Ka vi zu mu itji, mo zonduma zenu tji ma ze rum ovinepo vienu? ² Mu zera, nu amu ha kara na tjo. Mu zepa ovandu, a mu zeri tjinene oku kara no tjina, nu a mu he tji munu. Mu rua, nu amu hanga ovita, nu amu ha munu otjina, tjinga mu ha ningire. ³ Mu ningira nu amu ha jakura mena ro kutja mu ningira posio, kutja mu manene mo zonduma zenu. ⁴ Vavakirasane uene o varumendu no vakaendu, ka mu tjiua kutja o upanga kueena o uje o vita kueena Mukuru? Auhe ngu ma zeri o upanga kueena o uje, o munavita kueena Mukuru. ⁵ Poo mu ripura kutja o Matjangua je tja nai o mungandjo, “O mbepo ndje je ku tura muete i tu zera no ukoze? ⁶ Nunguari Eje u jandja o tjari oku kapita. Opu ma tjere, Mukuru u pirukira o veritongamise, nunguari u jandja o tjari ko verisusuparise. ⁷ Opu mua soku riuisa o veni kehi ja Mukuru. Pirukiree Saatana, nu eje ma taura a zupo puene. ⁸ Riamee popezu ku Mukuru, nu Eje ma riama popezu ku ene. Kohee o make uenu vanauvi uene; nu kohororee o mitima vienu o uene vo mitima o vikapevari. ⁹ Hihamuee, karee mo mutambo, nu riree. O zondjora zenu nga ze tanaurirue ko mutambo, no ndjoroka jenu ko muhihamuatima. ¹⁰ Risusuparisee o veni po murungu ua Muhona, nu Eje me mu jere kombanda. ¹¹ A mu hungirasana o uvi, vakuetu. Ingui ngu ma hungire navi o hunga no mukambure, ma hungire navi o hunga no veta, nu ma pangura o veta: nunguari tji mo pangura o vet aka ove o mu tjite uo veta nunguari oove o mupangure. ¹² Pena o mujandje uo veta umue, ngu jenena oku jama noku njona: O ove une oku pangura o mukuenu? ¹³ Puratenee nambano ene mbu mu tja, Ndinondi, poo muhuka ma tu i ko tjihuro tjo rive na atu ka kara ngo o mbura nu atu ka randisa noku randa nu atu ka muna o ndjambi, ¹⁴ A mu hina ndjiviro ja Muhuka. Orondu o muinjo uoje o tjikuae? O uo tjinga au ri o mbundu ndji munika o karuveze o kasupi kuzambo ai zengi. ¹⁵ Nunguari mua soku tja, Muhona tji ma vanga matu kara no muinjo nu atu tjiti itji poo tjina. ¹⁶ Nunguari nambano mu rihiva mo meriraerero uenu: O me rihiviro ajehe nge ri nao o urunde. ¹⁷ O kutja ingui ngu ma tjiua oku tjita o uua nu e he u tjiti, eje ua tjiti o uvi.