¹ Opu mua soku rira o vahorere va Mukuru, otja o vanatje o vasuverua, ² Nu amu kaenda mo rusuvero tjimuna Kriste uina tje tu suverere nu E rijandjere ete o Muini, otja o tjijandjeua no mbunguhiro ku Mukuru jo tjinuke o muzeze o tjiua. ³ Nunguari o ruvakiro, no uhakohoke auhe, poo o mananukiro aehe, a je isaneua ko mokati kenu, otja indi tji pa puira o vajapuke; ⁴ Poo o mambo o mavi uo mauhahu uina, o mahungi uo maujova, poo o rombe, pu pe ha puiririre: nunguari nga rire o majandjero uo ndangi. ⁵ Orondu itji mu tjiua, auhe uo ruvakiro, poo o muhakohoke, poo ngu nanukirua, ngu ri o munavisenginina kena eta mo uhona ua Kriste no ua Mukuru. ⁶ Ape ningi o mundu ngu me mu pukisa no mambo o mungandjo, orondu mena ro vina mbi o mazenge ua Mukuru otji je era kombanda jo vanatje mbe hina nduviro. ⁷ Opu mu ha sere oku tjita imbi pueena vo. ⁸ Orondu ene rukuru mua ri o ndorera, nunguari nambano o uene o ndjerera mu Muhona; Kaendeje otja o vanatje vo ndjerera. ⁹ Orondu o tjihape tjo Mbepo tjiri m uua auhe no usemba no uatjiri, ¹⁰ Oku raisa imbi mbi tjata ku Mukuru.gnv ¹¹ Amu kara no ruuano no vitjitua mbi hina tji vikora vio ndorera, nunguari kandaizeje vio. ¹² Orondu ku jandja o honi nangarire oku hungira komunda ua imbi mbi ve tjita mo horeka ¹³ Nunguari o vina avihe mbi kandaiziua vi raisiua ijo nderera, orondu o ndjerera o ndji raisa. ¹⁴ Mena ra itji, Eje ma tja, Pendukeje ene varare, nu pendukeje mo vakoke, nu Kriste me mu pe o ndjerera. ¹⁵ Opu mua soku tjevera kutja mu kaende no zondunge, arire otja o majova, nunguari nga rire otja o zonongo, ¹⁶ Amamu ungurisa o ruveze aruhe ndu mu na ro, o majuva tjinga jeri o marunde. ¹⁷ Opu mu ha sere oku rira o vehinaunongo, nunguari pangununeje kutja o mbango ja Muhona o ije. ¹⁸ Nu amu purukisiua ijo mavinu, ngena e hambaneno, nunguari urisiueje ijo Mbepo, ¹⁹ Amamu rihungirire ku ene o veni no mapialme, no matangero, no maimburiro uo mbepo, noku imburira noku posisira Muhona o mbosiro o nanjune mo mitima vienu; ²⁰ Aruhe amamu jandjere o vina avihe o ndangi ku Mukuru Tate, mena ro Muhona uetu Jesu Kriste, ²¹ Amamu riuisa, auhe kehi jo mukuao, mo ndira ku Mukuru. ²² Vakaendu riuiseje kehi jo varumendu venu mbe mu kupa o veni, tjimuna ku Muhona. ²³ Orondu o murumendu ngua kupa eje o tjiuru tjo mukaendu tjimuna Kriste tjeri o tjiuru tjo kereka; nu Eje o nguri o mujame uo rutu. ²⁴ Nu otja indji o kereka tji iri kehi jo uvara ua Kriste, o vakaendu otji va soku kara ko varumendu vao o veni mbe ve kupa mo vina avihe. ²⁵ Varumendu mbu mua kupa, suvereje o vakaendu venu, otja Kriste tja suverere o kereka nu E rijandjere jo; ²⁶ Kutja E i japure noku i kohorora no mahohero uo meja Membo, ²⁷ Kutja a jenene oku i rijandjera ku Je o muini o kereka o ngenangene ndji hina kavara ko ndova, poo o maonja, poo o tjina o hamukueena imbi, nunguari a irir o ndjapuke noku hina tjipo. ²⁸ Okutja o varumendu mba kupa otji va soku suvera o vakaendu vao tjimuna otutu tuao o veni. Ingui ngua suvera o mukaendu ue risuvera o muini. ²⁹ Orondu kapena mundu ngua njengerue ko o njama je o muini, nunguari u i risa nu ei tjevere no rusuvero, tjimuna Muhona tja suvera o kereka. ³⁰ Orondu o uete o unepo uo rutu Rue, uo njama Je, no matupa Ue. ³¹ O murumendu opu ma zu jesa ihe na ina nu a uanekua ko mukaendu ue, nu po uvari uao aver ire o njama imue. ³² Itji o tjiundikua o tjinene, nunguari me hungire o hunga na Kriste no kereka. ³³ Nunguari mo muano o tjingeuo, auhe uenu nga suvere o mukaendu ue ngua kupa tjimuna je o muini, nu o mukaendu ngua kupua nga kare no ndira ko murumendu ue ngue mu kupa.