¹ Nu ene Eje mba kotora ko muinjo, mbu mua kokerere mo zongatukiro no mauve, ² Ene hapo mbi ja mu kaenda mo otja ko ngaro jo uje mbui, otja ko munane uo masa uo mbepo, o mbepo ndji ungura mo vanatje o vehinanduviro, ³ Mokati kavo uina mu tua hupiririre mo zonduma zo njama mo tuveze tu tua kapita, atu tjita o vina mbi zerua ijo njama no uripura, nu mongaro jetu tuari o vanatje vo mazenge tjimuna vo avehe. ⁴ Nunguari Mukuru ngua tumba o tjari, motjimbe tjo rusuvero rue o runene ndue tu suverere naro, ⁵ Nangarire ete tji tua tiririre mo mauve, uetu kotorere ko muinjo pueena Kriste-mua jamua motjimbe tjo tjari. ⁶ Mukuru uetu pendura pamue kuna Kriste, nu Mukuru e tu haamisa pamue mo tuveze tuo majuru mu Kriste Jesu, ⁷ Kutja mo tuveze tu ma tu ja a raise o mautumbe o manene oku kapita uo tjari Tje mo unjanutima Ue ku ete mu Kriste Jesu. ⁸ Orondu ene mua jamua no tjari ijo ngamburiro, nu itji ka tji zire mu ene o veni, otjo o tjijandjeua tja Mukuru, ⁹ Nu ka mo viungura, kutja ape ha ningi ngu me rihivi. ¹⁰ Orondu o uete o viungurua va Mukuru, mbia utirua mu Kristus Jesus ko viungura o viua, Mukuru mbia tunine rukuru kutja ete tu kaende mu vio. ¹¹ Motjimbe tja ijti, zemburukeje ene viuana, kutja mo ruveze ndua kapita ene monjama mua isanenue o Vahasukara i imba mba ja ve isaneua o Masukarero mo njama nga ungurirue no make; ¹² Kutja mo ruveze nduo, tji mu hari na Kriste, ene mua konderererue pendje no utumbeuamumue ua Israel, nu amu ri ovo viuana ko zongutasaneno zo makuizikiro, noku hina maundjiro, nu amu rim o uje noku hina Mukuru. ¹³ Nunguari nambano mu Kriste Jesu, ene rukuru mbu mua ri kokure mua riamisiua popezu mo mbindu ja Kriste. ¹⁴ Orondu Eje o nguri o hange jetu, ngua tjita ete po urvari uetu umue, nu a tejere pehi o rumbo ruo hani, ¹⁵ Otja indi Eje tja mana oku rira o vanavita mo njama Je, o veta jo matuako ndji ri mo marakiza, kutja mu Je o muini a jenene oku ungurira imba o vevari mo mundu umue o mupe, ama jeta o hange pokati kao, ¹⁶ No kutja a hanganise avejevari ku Mukuru mo rutu rumue mo tjikoroise, Eje tjinga a kozera o vita pokati kavo mu Je o muini. ¹⁷ Nu Eje ue ja na zuvarisa o hange ku ene mbu mua ri kokure, na ku imba mbar i popezu. ¹⁸ Nu mu Je atu jevari tuna o mahitiro mo Mbepo imue ku Tate. ¹⁹ Nambano otji mu hetjiri o vambangu no vozonganda, nunguari o uene o vakuatera pamue pueena o vajapuke, nu ve tundu ra Mukuru; ²⁰ Mbu mamu tungirue kombanda uo mazikiro uo vaapostele no vaprofete, Jesu Kriste o muini aeri eue o hongora ro mauaneno uo ko tjikoro; ²¹ O ndungiro aihe mu i hindjisirua kumue oku kura kutja i rire o ndemberi o ndjapuke mu Muhona; ²² Ene uina mu mu tungirua mumue oku rira o maturiro ua Mukuru mu Mbepo.