¹ Nu pa kara nai ko Ikoniuma kutja Paurusa na Barnabasa ovo va hitire pamue mo sinangonge tjo Vajuuta, nave hungire kutja otjimbumba o tjinene tjo Vajuuta no Vahirika tji kambure. ² Nunguari o Vajuuta ova hazuva va zunganisire o ozndunge za imba ovo viuana, nave pirukire o vakambure. ³ Novo va kara imbo o rure, ama ve hungire no uvande mo masa ua Muhona, nunguari ama jandja ouhatoi ohunga ne mbo ro tjari Tje. A tjiti tji noku tjita o vikaneno no vihimisise no make ua Paurusa na Barnabasa. ⁴ Nunguari ovandu vo tjihuro va hanikire mokati; O rumbembera rumue rua ri kuena o Vajuuta,nu indui o rukuao kuena o vaapostolo. ⁵ Nu vo viuana no Vajuuta (puena o vanane vao), va harere oku ve tatumisa noku ve veta no maue, ⁶ Novo va zuvire tji nave taurire ko vihuro via Likoniana, mbiri Listra na Derbe, na kehi o ngondoroka, ⁷ Nu ingo uina ave zuvarisa o Mbuze o Mbua. ⁸ Nu mo Listra muari o murumendu ngua haamene, ngua hari no masa mo zombaze ze, tjinga a jendere no upu o kuza mo tjikuatero tja ina, ngu he na pa kaendere. ⁹ Nu omurumendu ingui, ua zuva Paurusa ama hungire. Nu Paulusa ua huiririkire o meho mu je na munu kutja eje uari no ngamburiro joku verukisiua. ¹⁰ Na tja kuje neraka enene, ''Sekama u kurame ko zombaze zoje.'' Neje ua tuka na kaenda. ¹¹ No tjimbumba tjo vandu tjiva muna Paurusa tja tjita, va jerera omaraka uao kombanda na ve tja, me raka ro tji Likaonia, ''oo mukuru va herukire ku ete mo saneno jo vandu.'' ¹² Nu va isanene Barnabasa kutja o ''Zeusa'' nu Paurusa o ''Hermesa'', orondu eje uari o muhungire o hongora. ¹³ No mupristeri ua Zeusa, nguari po murungu uo tjihuro, ua etere o zonduezu no zongara ko mujero; eje novakuao ama ve zeri oku ungura o mbunguhiro. ¹⁴ Nunguari ovaapostolo, Barnabasa na Paurusa tjiva zuvire tji, arire tjiva njondorora o mituaro viao na ve tupuka mo kati ko vandu ama ve ravaere, ¹⁵ Na ma ve tja, ''Varumendu, onguae tji mamu tjiti o vina mbi? Ete uina o uete o vandu, vo zonduma tjimuna o zenu. Nu matu zuvarisa ku ene o Mbuze o Mbua kutja mu tanaukire ovina mbi heno ombatero, nunguari mu tare ku Mukuru o Munamuinjo, ngua memene e juru, ne hi, no kuvare, na imbi avihe mbiri mu vio. ¹⁶ Mo tuveze tu tua kapita Eje ngua jandjerere o viuana oku kaenda mo zondjira za vio o vini, ¹⁷ Nunguari na tji pari nai, Eje ke ri jesire uriri noku hina o uhatoi, orondu Eje Ua tjita o uua, a jandja o mbura no tuveze tuo vihape o vingi, nu E urisa o mitima vienu no vikuria no ndjoroka. ¹⁸ Nangarire kutja va hungira o vina mbi, Paurusa na Barnabasa ovo ngunda va tjaera o vandu po uzeu oku ve punguhira. ¹⁹ No Vajuuta mba zire ko Antioka na ko Ikoniuma va ire ngo, nave popo o vandu. Nu ave vete Paurusa no maue na ve mu umba pendje no tjihuro, ama ve tjangovasi ua koka. ²⁰ Nunguari o vahongeua tji ve mu kondorokere, eje ua sekama na hiti mo tjihuro. Nu mependukirua eje ua sekama puena Barnabasa na vei ko Derbe. ²¹ Tji vaza noku zuvarisa o Mbuze o Mbua no ku ungura o vahongeua o vengi mo tjihuro tjo, va jaruka ko Listra, na, ko Ikoniuma, na ko Antioka, ²² Ama ve zeuparisa o minjo vio vahongeua, no ku ve ronga kutja ve pandere po ngamburiro no kutja, tuso oku hita mo Uhona ua Mukuru mo kati kozo mbamisiro ozengi.'' ²³ Nu tji vaza noku toorora o vanene mo kereka aihe, nu tji vaza no ku kumba no ku ritjaera ko vikuria ve ve jandjere ku Muhona ngu va itaverere mu Je. ²⁴ Novo va tuvakanene o Pisidia na ve ja ko Pamfilia. ²⁵ Nu va zuvarisire Embo mo Perga, na vei ko Atalia. ²⁶ Nu o kuzambo va ja ko Antioka mo skepi, ovo rutenga ku va jandjerue ijo tjari tja Mukuru ko tjiungura, tji va mana tji. ²⁷ Nu tji vaza no ku vaza ko Antioka nave uongarisire o kereka kumue, na ve serekarere avihe imbi Mukuru mbia ungurira mu vo, nokutja Ua jezurura vi o mujero uo ngamburiro kovo viuana. ²⁸ Novo va kara o rure puena o vahongeua.