Ekondua oritja murongona mbari
1
Nu mo ruveze nduo o Mbara Heroda, ua umbire o make ue oku tatumisa tjiva va imba mbari ovo kereka.
2
Neje ua zepa Jakobasa e rumbi ra Johanesa ne ngaruvio.
3
Nu mena rokutja ua muna kutja, itji tja tjatera o Vajuuta, eje ua riama ko murungu na kambura Petrusa uina. Nu inga jari o majuva uo Mboroto ndji ha surisirue.
4
Nu tjaza no ku mu kambura, ue mu tua mo ndorongo, nemu jandja ko vikuata vine vio masorondate jane oku mu takamisa; tjinga aa tandere oku mu jandja ko vandu kombunda jo Marurumino.
5
Nu Petrusa, otja takamisirua mo ndorongo. Nunguari o keraka je tjitire o ngumbiro o namasa ku Mukuru.
6
Nambano Heroda tjari popezu no ku mu pitisa pendje, o utuku o tjingeuo Petrusa ua rarere po kati ko vasorondate vevari, aa pandekua no zoketanga mbari. Nu uina o vatjevere vo ndorongo vari po mujero uo ndorongo.
7
Nu tara! O muengeri ua Muhona ua kuramene mbo, no ndjerera ja jerere mo ndjiuo. No muengeri ua pambara Petrusa mo rupati, ne mu pendura, ama tja, Sekama tjimanga! Nu tjimanga ouketanga arire tji ua zuko ko make ue nau uire pehi.
8
No muengeri otja tja ku je, Ri huikika nu tuako o vikapuite vioje. Neje ua tjita nao. Neje ua tja ku je, Ri varanga no mbanda jo je jo ko mbanda nu u ndji kongorere.
9
Nu Petrusa ua pita pendje na kongorere omujengeri. Nunguari eje ka tjivirue kutja itji tjija tji tjitua ijo muengeri jari otjina tja katjiri. Eje tjinga ija tjangovasi ma munu o mbunikisiro.
10
Novo tji va kapita o mutjevere o mutenga no utjavari, veja ko mujero uo tjitenda imbui mbu tuara ko tjihuro, nouo au rijezurukire kuuo o uini. Novo va pita pendje nave kaenda mo ndjira imue jo tjihuro, nu tjimanga o muengeri a zapo pu je.
11
Nu Petrusa tja kotokerue ijo urizemburuka ue, ua tja, ''Nambano me tjiua tjiri kutja Muhona ua hindi o muengeri ue, ne ndji kutura keke ra Heroda na ko zondero zo Vajuuta.''
12
Nu ngunda ame ripura no tjina tji, eje ue ja ko ndjiuo ja Maria inaa Johanesa, ingui o uo sano ja Marukusa, ovandu ovengi pu va uongarerere ama ve kumbu.
13
Nu Petrusa tja kongora po mujero uo ruhito, o musukona o mukarere uena Roda ue ja oku zira.
14
Nu eje tja zemburuka e raka ra Petrusa, eje mena ro ndjoroka ka jezururire o mujero; nunguari eje ua purukuta a jaruka mo ukoto; naka horora kutja Petrusa u ripo murungu uo ruhito.
15
Novo va tja ku je, ''Ua vere o viuoze.'' Nunguari eje ua kara po ku ve raera kutja o tji peri. Novo va tja, ''O muengeri ue!''
16
Nunguari Petrusa ua kara po ku kongora, novo tji va jezurura omuvero, nu ve mu muna, arire tjiva himua.
17
Nunguari Petrusa ue ve nangere neke kutja ve muine, ne ve serekarere kutja Muhona ue mu pitisa vi mo ndorongo. Nu atja, ''Ka serekarere o vina mbi ku Jakobasa no ko vakambure o vakuetu.'' Neje ua sekamene nai kona kuarue.
18
Nambano tji pa za noku tja, pa kara ezunganeno e nene mokati ko vasorondate ohunga no kutja pa tjitua tjike ku Petrusa.
19
Nu Heruda ue mu paha ne he mu munu, ua nongonona o vatjevere na pangura kutja nga ve te. Neje uaza mo Judea nai ko Sesaria aka kara ngo.
20
Nu Heroda ua pindikisirue I imba o va Tirana a Sidona tjinene. Nunguari ovo ve ja ku je no mbepo imue, tji vaza no ku pangasana na Blastasa, o mutjevere ue tuuo ro mara ro mbara, oku ve vatera, uo ku paha o hange, orondu ehi rao ija ri risiua i indo ro mbara.
21
Me juva rorive Heroda ua haamene ko tjihavero tje tjo uhona, aa zara o zombanda ze zo uhona, na hungire o mambo kuvo.
22
No vandu va ravaerere, ''indi e raka ro o mukuru, ka raka ro mundu!''
23
Nu tjimanga o muengeri ua Muhona ue mu kuapiza, orondu ka jandjere o ujere ku Mukuru; neje ua riua ijo mativa na tu.
24
Nunguari Embo ra Mukuru re kura na ri ningipara.
25
Nu Barnabasa na Saulusa tji vaza noku mana otjiungura tjao, va jaruka ko Jerusalema,*** na ve tuaerere Johanesa uo sano ja Marukusa.