¹ Nu opu mba tiera mu ami o muini kutja e he ja ku ene mo ruhoze rukuao. ² Orondu ami tji mbe mu tuako o ruhoze, o uani ngu me ndji jorokisa, tje he ri ingui ngu mba tuako o ruhoze. ³ Nu ami mba tjangere o tjina tji ku ene, kutja tjimbeja, eha kara no ruhoze oku za ku imba mba soku ndji jorokisa, otja tji mbi na o ngambguriro mu ene amuhe kutja o ndjoroka jandje o ndjoroke jenu amuhe. ⁴ Orondu mbe mu tjangererere a mbiri mo ngondjero o nene, no ruhoze mo mutima, no mahoze o mengi, ae he ri kutja mu kare no ruhoze, nunguari ae ri kutja mu tjiue o rusuvero o runene ndu mbi naro ku ene amuhe. ⁵ Nunguari tji pena umue ngua tjita kutja pe kare o ruhoze, eje ke ndji tjitire kutja mbi kare no ruhoze, andu katiti uriri, kutja ami eha tuako o ndjo kuene. ⁶ O mberero jo uingi uo vandu ja jenene ku ingui ngu ri nao. ⁷ Nunguari tjinene ene mua soku isira noku hekununa ingui nguri nao, kutja o ruhoze o ruingi ndua takavara kombanda je aru he mu nina. ⁸ Opu me zu oku rijarikana ku ene kutja mu mu raisire kutja mue mu suvera. ⁹ Orondu o tjina tji uina otji mbe mu tjangerera, oku tjiua kutja tjii ene mua takama, nokutja muna o nduviro mo vina avihe. ¹⁰ Nunguari ingui ngu mua isire ami uina me isire. Orondu ami uina tji mba isire o tjina, ku ingui ngu mbe mu isire motjimbe tjenu, mbe mu isirire mo uripo no moukarepo ua Kriste. ¹¹ Kutja Saatana ehe tu taara no vineja, orondu ete kakutja katuna ndjiviro jo urizemburuka ue. ¹² Nu tji mbe ere ko Troas, oku zuvarisa o Mbuze o Mbua ja Kriste, Muhona Ue ndji jezururira o mujero. ¹³ Hi karere no rusuvo mo mutima orondu hi vazere o mukuetu Titus. Nu otjimbe vesa ei ko Makedonia. ¹⁴ Nambano okuhepa ku Mukuru, ngu tjita kutja aruhe tu tone mu Kriste. Mu ete unjaturura ese eua ro ndjiviro Je pona apehe. ¹⁵ Orondu ete o uete ku Mukuru ese eua ra Kriste, mu imba mbu mave jamua na mu imba mbu mave pandjara. ¹⁶ Ku vandu mbu mave pandjara, ese ro ndiro oku tuara ko ndiro. Ku imba ovajamua, ese ro muijo oku tuara ko muinjo. Ouani ngua jenenena o vina mbi? ¹⁷ Nunguari ka tu ri otja imba o vengi mbe randisa Embo ra Mukuru. Nunguari, otja mo usemba uo uripura, tu hungira mu Kriste, otja tjitua hindua okuza ku Mukuru, po murungu ua Mukuru.