¹ Ouami, Paulus o muapostolo ua Muhona Jesu Kristu otja ko matiero ua Mukuru o mujame uetu, na Muhona Jesu Kristu, o maundjiro uetu, ² Me tjangere Timotiasa, o muna uandje tjiri , mo ngamburiro, a mbe tja: Nga pekare no tjari, no ku tirua ondjenda, no hange oku za ku Mukuru Tate uetu no Muhona uetu Jesu Kristu. ³ Otja indi tji mbe ku ningirire tji jei ko Makedonia, kutja u kare mo Efesus, u tie ovandu tjiva kutja ave ha hongo o mahongero uarue uoposio. ⁴ Poo oku tuako o mbango ko vihambarere, no ma varero uo vakuru nge hina ndjandero. Imbi vijeta ozombata nu kavijeta ondando ja Mukuru, ojo ndji jiungurua mo ngamburiro. ⁵ Nunguari o ndjandero jo matuako nga ,o rusuvero ndu ma ru zu mo mutima o mujapuke, no urizemburuka o uua, no ngamburiro ndji hina tjavivi. ⁶ Ovina mbi tjiva va katuka ko, nu ave tanaukire ko mahungiriro uo ujova, ⁷ Amave zeri oku rira o vahonge vo veta, nu ave hina ndjiviro ja imbi mbi ma ve hungire poo mbi ma ve zikamisa. ⁸ Nunguari ete matu tjiua kutja o veta o mbua, o mundu tji me ji ungurisa otja ko ngaro ja jo. ⁹ Tjinga a ma tu tjiua kutja o veta ka i unguririrue omundu omusemba, nunguari imba mbehina veta, no vandu mbe hazuu, no vandu mbe hatira Mukuku, no varunde, na imba mbe ha japukire, no vandu mbu ve tambaura, na mbe zepa ooihe no oina, imba mbe zepa o vandu, ¹⁰ mbu veno tuvakiro, no vasodoma, na imba mbe vaka ovandu oku ve huura, o vanavizeze, na imba mbe hatuapo ouhatoi uo uatjiri, na kotjina atjihe tji tji pirura o mahongero uo uatjiri. ¹¹ Nu ombuze ndji mba jeta otja ko ujere uo mambo ua Mukuru ngua serua o ndaja ndji mba peua. ¹² Nu me jandja o ndangi ku Jesu o Muhona uetu. Uendji zeuparisa, Eje tjinga E ndji varere o mutakame, E ndji tua ko tjiungura tje. ¹³ Ingui rutenga ngu mbari o mujamburure ua Mukuru, o mutatumise no muzunde. Nunguari mba jakura o tjari orondu imbi e viungura moku hina kutjiua na mo ku hina ku kambura. ¹⁴ Nunguari o tjari tjo Muhona uetu tja takavarere tjinene pueena o ngamburiro no rusuvero ndu ri mu Kristu Jesu. ¹⁵ Embo indi o uatjiri nu ra puirua ijoku jakurua akuhe, kutja Kristu Jesu ue era mo uje oku je ku jama o varunde, ami mu mbiri o munaivi oku kapita. ¹⁶ Nunguari mezeva ndi mba muna ondjamo, kutja Jesu Kriste a raise mu ami rutenga o muretima auhe, otja o tjisanekero ku imba mbu mavee ku itavera mu Je ko muinjo ua aruhe. ¹⁷ Nu nambano ko mbara jaaruhe, ngu hakoka, o mu hamunika, Mukuru erike, nga rire o ndjozikiro no ujere aruhe ngaaruhe. Amen. ¹⁸ Otjitiero tji me jandja ko ve, Timotiasa, muatje uandje, otja ko maporofetero nga pitire mo ruveze ndua kapita o hunga na ove, kutja ove mo ku jenena oku rua o tjirua o tjiua, ¹⁹ a ua takamisa o ngamburiro no merizemburukiro o maua. Nu oku hina okujakura imbi tjiva va imbirahi nu ave tejaurire po o ngamburiro jao. ²⁰ Mokati ka imba muna Himeniasa na Alekesanda, imba mbu mba jandja ku Satana kutja ve hongue oku hina ku jamburura Mukuru.