¹ Ku hororua kona akuhe kutja muna o ruvakiro mokati kenu, ndu hija munika nangarire mokati ko Viuana, uo mundu ngu jenena oku rara puena o mukaendu ua ihe. ² Nunguari ene mue ritongamisa, p ruveze ruo ku imba, kutja ingui ngua tjita o tjina tji a isameue mokati kenu. ³ Nu ami nan di mbi he rip o mo rutu, opu mbiri mo mbepo, nu tjiri mba pangura hapo otja ngu mbiri po o hunga na ingui ngua tjita o tjina tji; ⁴ Mena ra Muhona Jesu Kriste, ene tji mua uongarere pamue, no mbepo jandje, no masa uo Muhona uetu Jesu Kriste, ⁵ Oku jandja ingo ku Saatana ko njoneno jo njama je, kutja o mbepo je i jamue mejuva ra Muhona Jesu. ⁶ O merihiviro uenu ka maua. Kamuna ku tjiua kutja o kasurise o katiti ke surisa o tjisema atjihe? ⁷ Otji mua soku pitisa osurise indji onguru, kutja mu rire otjisema otjipe, orondu ene kamu surisirue. Orondu Kriste uina, oMarurumisiro uetu, ua punguhirua ete. ⁸ Otji tua soku takamisa omukandi, noku hina surise onguru, poo no surise jo uvi no urunde, nunguari no mboroto ndji ha surisirue jo uripura o ukohoke no uatjiri. ⁹ Mbe mu tjangera mo mbapira kutja amu ha kara no ruuano kuena imba mbe tjita o ruvakiro; ¹⁰ Nunguari ae heri oku ripora ku imba mbe tjita o ruvakiro avehe vo uje mbui, poo imba mbe nanukirua ku imbi mbi heri o viao, poo o vapunde; orondu imbo tjandje mape hee kutja mu pite mo uje mbui. ¹¹ Nunguari nambano me mu tjangere kutja, o mundu ngu ma isaneua o mukambure, nu aeri ouo tuvakiro, poo ae nanukirua ku imbi mbi heri o vie, poo o munavisenginina, poo omujamburure, poo o tjindoronge, poo o mupunde; kutja amu ri puena ingui nguri nao. ¹² Orondu mbi na o tjiungura tja tjike tjo ku pangura imba mberi pendje? Kamu pangura imba mbri moukoto are? ¹³ Nunguari Mukuru u pangura imba mbe ri pendje. Opu mua soku pitisa ingui o munauvi mokati kenu.