¹ Efrain ahuaruhuä o'cotömä pä'inätö̧ Gedeónrö̧ "¿Däjejä̧tö̧ ujuturu pa̧'a̧nö̧ jȩcuä̧ji̧mä̧? Ujuturu'inä huopocö päjijä Madián ttö̧ja̧cu̧ curohuähua'anämä ja̧hua̧nö̧ pä'ö pä̧'i̧cu̧nä̧ huopäcuähuinätö̧ ja̧u̧cu̧. ² Ja̧u̧ pä'inö jahuätörö: ¿Abiezer u̧ju̧nä̧huä̧ uvattö'inä abonänömä adihuoca'a tä̧ji̧ Efrain u̧cuä̧ uva ko̧cui̧pä̧ji̧ttö̧ adicuämä? ¡Diosmä iyinö ucuturu Madián - Oreb ja̧hua̧ta̧'a̧nö̧ Zeeb ruhutä tti̧tti̧mö̧rö̧ rohuäu cujuruhuätuca pä'ö! ³ ¿Däje jä̧ttö̧ tö iso juodepäjimä ucutu jȩcui̧nä̧tu̧cu̧ttu̧ topömä? ⁴ Gedeón ichö kähuächinö̧ Jordán aje, u̧muhuäyotö trescientonö u̧mä̧tuö̧cu̧ chutäcu ka̧cuä̧tu̧cu̧. Ja̧huätumä juiyo 'cuä'ächi'inätö jina'a, ja̧hua̧ta̧'a̧nö̧ ja̧'a̧nä̧ ru̧huä̧ri̧nä̧tö̧. ⁵ Ja̧u̧ päi'nö sucot ttö̧ja̧rö̧: " ppä'ädipittö, ttucua iyiyätucuitö chu̧mu̧huä̧torö, juiyo tijiyuhuächi'iyäcusä, ja̧hua̧ta̧'a̧nö̧ ttomä ru'usä zebarö' inä ja̧hua̧ta̧'a̧nö̧ zalmunarö 'inä, Madián hueähuä ruhuotörö. ⁶ Ja̧hua̧ta̧'a̧nö̧ su̧ro̧da̧u̧ tturuhuotö pä'inätö: "¿jitämä zeba'inä zalmuna 'inämä ucutö cu̧mu̧nä̧ kä̧cuä̧tö̧ttö̧ ¿tta̧'a̧nö̧ pä̧'ö̧ ttu̧cuä̧ ttiyiyäcu cu̧mu̧huä̧yotö su̧ro̧da̧u̧ru̧mä̧?" ⁷ Gedeón pä'inö:" ttö̧ä̧na̧hua̧ salbarö'inä ,salmunarö 'inä rohuäu isojuhuotepunä ppädomenä, ttö cua̧cua̧cha̧cua̧sä̧ sö̧ä̧'cuanä ucuturu dea juiyä̧nä̧ ka̧cunä̧. ⁸ Ja̧u̧mä̧ juhuorömä̧ Peniel jubö 'chi̧nö̧, ja̧'hua̧nö̧ ja̧'a̧ ju̧huȩnȩ ka̧cuä̧tö̧ ttö̧ja̧rö̧mä̧ ucuocuäjitä ppa̧'a̧di̧pö̧ ucuocuinö, ja̧'hua̧nö̧ ucuocua'anä Peniel ttö̧ja̧mä̧ Sucot ttö̧ja̧ ttädätäjita'anötä̧ ädätinätö. ⁹ Ja̧'hua̧nö̧ ji̧yä̧cu̧ ja̧u̧mä̧ Peniel ttö̧ja̧rö̧ pä'inö: "Pä'äjita'anö cuyä juiyönä chichomenä, ttömä ju'toju to̧pä̧rö̧ pä̧cuä̧huo̧mȩ ki'opö chi̧chä̧cua̧sä̧." ¹⁰ Ja̧'hua̧nö̧ ja̧'a̧ Zebamä̧ ja̧'hua̧ta̧'a̧nö̧ Zalmunamä̧ ttu̧mö̧huäyotö suroda̧u̧cu̧ Karkornä kä̧cui̧nä̧tö̧, kä̧hua̧ räopa'acu ka̧cuä̧tö̧ suroda̧u̧ o'catoi'önättö̧ o'catoi'önä ka̧cui̧pä̧tö̧ u̧mä̧tö̧mä̧ quincenö̧ jo̧mȩnä̧ huotötä ji̧na̧'a̧, isopäi'önä 120.000nö u̧mä̧tö̧ curä'chunä tturohuähua pä'ö huo̧juȩcuo̧tö̧mä̧ totte'ächa'attö. ¹¹ Gedeónmä isotö tti̧jȩti̧yu̧ttö̧ 'tö̧ä̧huä̧ odehuiyänä ttö̧ja̧cuo̧mȩnä̧ rä̧mä̧nä̧ 'chä̧nö̧, Noba ötahuiyänä'inä, Jogbeha ötahuiyänä'inä 'cuä'opinö. Ja̧u̧mä̧ ttaboiyotö suroda̧u̧rö̧ rohuäu icuinö, juhua'amä tturohuähuäcuotöjä̧ pä'ömä tta̧ttä̧ro̧ca̧'a̧ttö̧. ¹² Zebamä Zalmunacu̧ du'ecuächinätö̧, duttecuächa'anä Gedeónmä tto'ca'anä ru'i'ö, Madián rȩjȩttö̧ ruhuotö ta̧ju̧rö̧- Zebarö'inä ja̧'hua̧ta̧'a̧nö̧ Zalmunarö̧'i̧nä̧ 'chu'ädinö, ja̧'hua̧nö̧ päi'omenä̧ jahuätö ttu̧mö̧hu̧äyotö suroda̧u̧mä̧ o'catoi'önätä rö̧ȩnä̧ ye'ähui'inätö̧. ¹³ Joás i̧tti̧ Gedeónmä̧ curä rohuäu i̧huä̧ji̧'ca̧mä̧ Heres mänänä 'chä̧nö̧ ppa̧'ä̧chi̧nö̧. ¹⁴ Ja̧u̧mä̧ Sucot ötahuiyättö ya̧tȩ mö̧ä̧ya̧rö̧ po̧cui̧pö̧, jiähuarö pä'ö jä'epinö̧. Mö̧ä̧ya̧mä̧ setenta sietenö huotö Sucot ötahuiyättö tturuhuotö ttötö'cö'inä ja̧'hua̧ta̧'a̧nö̧ tturuhuotö tä̧mö̧ ttötö'inä ji'ähuinäcu̧. ¹⁵ Gedeón chähui'inö Socut ötahuiyä ruhuotö ttö̧jo̧cuo̧mȩcu̧ ja̧hua̧nö̧ ja̧'a̧ pä'inö: "Topätucui pitörö zebarö'inä ja̧'hua̧ta̧'a̧nö̧ Zalmunarö'inä, ucutumä ttörömä ya̧'a̧huä̧chi̧nä̧tö̧jä̧ pa'anö pä'ö: ¿Täcö chuädäjijä̧ Zerbarö'inä ja̧'hua̧ta̧'a̧nö̧ Zlmunarö'inämä? jerupätöjä ucu chumuhuäyotörö ttu̧cuä̧ tiya pä'ömä". ¹⁶ Ja̧hua̧nö̧ ja̧'a̧ Gedeón ötahuiyä tä̧mu̧rö̧ 'chuädö ro̧ȩpi̧nö̧ so̧'ö̧ rädo'ocänä Sucut ttö̧ja̧ ttu̧huo̧ju̧huä̧chi̧a̧ pä'ö. ¹⁷ Ja̧hua̧ta̧'a̧nö̧ Peniel pä'ö micuä'ca pparöicu suri juoepinö ja̧hua̧nö̧ jȩpu̧ cuä'äu icuinö ja̧u̧ ötahuiyä ttö̧ja̧rö̧mä̧. ¹⁸ Ja̧u̧nu̧ o'ca'a, Gedeón pä'inö Zebarä ja̧hua̧ta̧'a̧nö̧ Zalmunarö'inä: "¿ucutumä tocu huottörö cuä'ö cuicuäjätucuättö tabo'iyotörömä?" jahuätömä adätinätö̧ ucu jö̧ta̧'a̧nö̧ ja̧hua̧nö̧ huäjätö jahuätömä. ya̧cu̧pö̧nä̧ jahuätömä ru̧hua̧ i̧tti̧mä̧ a̧'cua̧rö̧nä̧ huäjätö. ¹⁹ Gedeón pä'inö: "Jahuätömä ttö chi̧jä̧hua̧tö̧ ji̧a̧na̧'a̧. Ttötä cha̧ju̧ ki̧tti̧mö̧. TÖ̧Ä̧NÄ̧HUA̧MÄ̧ kö̧, ucutumä jahuätö tta̧'a̧cua̧rö̧ cuä'ö cuicuptucu juiyäjittömä, ttö'inä ucuturumä cuä'ö icuicö päjisä. ²⁰ Ja̧u̧mä̧ pä'inö Jeterö (ä̧cuo̧mȩnä̧ji̧ i̧tti̧): "¡Ä̧rä̧mi̧'ö̧ cuä'ö icuittö! Ja̧hua̧nö̧ ja̧'a̧nä̧ ja̧u̧ mu̧'ä̧ya̧mä̧ ye'ecuiö ucurä'chu 'cho'ähuo'cö pi̧nö̧, ja̧u̧mä̧ pä'ö mu̧ä̧ya̧ juo'ö ji̧na̧'a̧. ²¹ Ja̧hua̧nö̧ ja̧'a̧ Zeba'inä, Zalmunä'inä pä'inätö̧: "¡Ucutä ä̧rä̧mȩ'ö̧ cuä'ö icuitö!" Iso pä'inö ubo cuttömä, ja̧u̧tä̧ ja̧'a̧ttö̧ tujurumä. "Gedeónmä ä̧rä̧mi̧'ö̧ cuä'ö icuinä Zebarö'inä ja̧hua̧ta̧'a̧nö̧ Zalmunarö'inä, ja̧hua̧nö̧ ja̧nä̧ cabeyu̧tu̧ ttu̧rȩ'quȩnä̧ adihuä ppä'i kaco'önä ä̧mi̧nö̧. ²² Ja̧u̧nö̧ o'ca'a, Israel ttö̧ja̧ u̧mä̧tö̧mä̧ pä'inätö̧ Gedeónrö: "ucutä ruhuo huei ujuturu- cutä, cui̧ttö̧mö̧'i̧nä̧ ja̧hua̧nö̧ ja̧'a̧ cutä cui̧nä̧mu̧'i̧nä̧- Isopä'inä ucutä ja̧'a̧ti̧ ujuturu Madián ttö̧ja̧ ttu̧mu̧ttö̧ ppä'ädäjimä. ²³ Gedeónmä̧ päinä̧u̧: "Ttömä ucuturumä ruhuonämä hue'ocö chä̧cua̧sä̧, chi̧tti̧'i̧nä̧ ucuturumä ruhuonämä hue'ocöjä̧cua̧. TU̧RU̧HUA̧TÄ̧ jä̧cua̧'a̧ ucuturu ruhuonä huȩä̧cua̧mä̧. ²⁴ Gedeónmä̧ päinä̧u̧: Ucuturu ji̧yȩtȩ jädepa pä'ösä: Ucututtö ya̧cu̧pö̧nä̧ curä ruhuäu 'chocuipinätö̧cu̧ttö̧ iyätucuittö." (Madián ttö̧ja̧mä̧ ttä̧ja̧nä̧ rö̧nä̧cuä̧huä̧mä̧ oro jähuätä ku̧nä̧ri̧nä̧tö̧, jahuätömä Ismaelista ji̧na̧'a̧ttö̧.) ²⁵ Jahuätömä ttädätinäcu̧: "Ucuru tiya pä'ömä teseunä päi'ä̧u̧jä̧." Jahuätömä pö̧jä̧ta̧ setadö rötö yotucupönä tta̧ja̧nä̧ rö̧nä̧cuä̧huä̧ curä ruhuäu 'chottipäjimä icuähuinätö̧. ²⁶ Tta̧ja̧hui̧yä̧nä̧ rö̧jö̧ jä'epinö Oro o̧cä̧mä̧ a̧määquina'a 18.7 kilogramos jo̧mȩnä̧ pi̧yȩmä̧ rohuäuicu 'chottipinumä ppächönämä a̧'cuä̧tä̧cuä̧huä̧ media luna pähuä'inä, täji̧ ttä̧ja̧ o̧bu̧'i̧nä̧, pu̧jä̧ti̧yu̧ a̧diu tädönä tu̧huä̧ta̧ Madián ttö̧ja̧ ruhuotö ttö̧'ca̧tä̧huä̧ti̧yu̧ ji̧na̧'a̧, jahuata'anö ppächönämä ttä̧jimö̧ ca̧mȩyu̧tö̧ ttöräu ttu̧ru̧pä̧'quȩnä̧ sobucuächönä rö̧ji̧nö̧ ji̧nö̧'i̧nä̧. ²⁷ Ja̧hu̧a̧nö̧ ja̧'a̧ Gedeónmä aditinö oro pi̧yȩtä̧ 'catäcuähuä̧ta̧ jahuätömä ku̧ni̧nö̧ chutä idepiyu ofranä, o'cato'iönä israel ttöja̧mä ju̧huä̧ta̧tä̧ tta̧'cua̧huȩnä̧rö̧ ttidepä iyä'chacuäu surojuhuoächinätö. ²⁸ pi̧yȩmä̧ Gedeónrö'inä ahuaruhuäru'inä surojuhuottepa pä'ö jȩtti̧nö̧. Ja̧hua̧nö̧ ja̧'attö̧ madián ttö̧jamä̧ Israel ttö̧ja̧ huetta'anätä ka̧cui̧nä̧tö̧ pä'ajita'amä ttörohuahua pä'ömä yoriisotä usocotö pinätö. ja̧hua̧nö̧ ja̧'a̧ttö̧ ja̧huä̧ja̧ rȩjȩmä̧ 40 a̧'ȩ jo̧mȩnä̧ cu̧rä̧ juiyunä ka̧cui̧na̧tö̧ Gedeón ö̧ji̧nö̧ mo̧ro̧ jubu. ²⁹ Joás i̧tti̧ Jerobaal (Gedeón), 'chä̧ji̧'ca̧ chutä a̧mo̧nä̧ ojusodenä ki̧nö̧. ³⁰ Gedeónmä ku̧nä̧ri̧nö̧ i̧tti̧mu̧mä̧ Setentanö jo̧mȩnä̧ jahuätötä ji̧na̧'a̧ ahuaruhuä o'co tömä, isopä'inä yoriso recuätörö ku̧nä̧ri̧nö̧ i̧rȩcua̧mu̧rö̧mä̧. ³¹ Yajute amonätä̧ irecuarö ku̧nä̧ri̧nö̧ Siquem ötahuiyänä kä̧ju̧ru̧, ki̧tti̧rö̧ kiyinäcu̧ ja̧hua̧nö̧ ja̧'a̧ ja̧u̧ru̧mä̧ o'inö Gedeónmä i̧mi̧mä̧ Abimelec pä'ö. ³² Joás i̧tti̧ Gedeón 'corujuochinö a̧'ȩttö̧mä̧ jo̧mȩnö̧ hua̧ jaumä Ofranä rȩ'a̧dö̧ tticuinäcu̧, Jä'o Toas uhuapäreba po̧mȩ. Abiezer ttö̧ja̧cu̧ ji̧na̧ jo̧mȩtȩ päi'inmätö̧ ttö̧ja̧cuo̧mȩ. ³³ Gedeon 'corupäi'ö ta̧'a̧nö̧ ja̧hua̧nö̧ 'cuäopina'a, Israel ttö̧ja̧mä̧ pä'äji ta̧'a̧nö̧ ppa̧'a̧chö̧ TÖ̧Ä̧NÄ̧HUA̧ öjö'cocomenä jȩpi̧nä̧tö̧ ucuotö Berit'rötä yapare ttö̧ä̧nä̧hua̧ jö̧nä̧. ³⁴ Israel ttö̧ja̧ päjätömä ttö̧ä̧nä̧hua̧rö̧mä̧ ucuotäcuähuämä amucuädocotö pi̧nä̧tö̧. TTÖ̧Ä̧NÄ̧HUA̧, ttabo'iyotö ttumunä sabucuänö ttu̧ju̧nä̧ro̧mȩttö̧ ppä̧'ä̧di̧nö̧rö̧'i̧nä̧ ³⁵ Jahuätömä Jerobaal (Gedeón pä'ö'inä micuinö) i̧tti̧mö̧rö̧ ppätädäcuotöjä̧ pättinömä jȩpo̧cö̧tö̧ pinätö̧, pärocua'acu ja̧u̧mä̧ o'cajuiyönä adiutä jȩi̧na̧'a̧nä̧ Israel ttö̧ja̧rö̧mä̧.