¹ ttöänahuạ Dios tọ'ä̧rọmẹttö suronä jẹpịnä̧tö̧ pä'äjita'anö israel ttịttịmu Jahuanö jạ'ạttö filisteo ttöjạ huetta'anä kọhuịnätö 40 a̧ȩ jo̧mȩnä. ² ya̧tȩ ki̧nö Zora ttöja̧sa̧ Danitas ttöja̧ tta̧hua̧ru̧hua̧, i̧mi̧mä mihuinö jina'a̧ Manoa pä'ö.Ja̧u̧ irecuamä muchaju juojiyönä huinäju̧ ja̧hua'anö ja̧'a̧ttö uhuä̧becuocoju pinäju̧. ³ Tųrųhua̧ huȩ'ä̧hua̧ isoppahua̧ jahuäju isajuru i̧jȩcuä̧chö̧ pä'inö:"jitämä̧ ä̧ju̧cui̧, muchaju cu̧ja̧ pä'ömä hueähuocojujätó ja̧hua̧na̧'nö̧ ucumä̧ tȩa̧u̧ iyähuiococuajä, ja̧hua̧nö̧ ja̧'a̧ttö̧ cui̧tti̧ tȩa̧u̧tä̧ hua̧rö̧ cu̧ju̧nä̧ra̧cua̧ju̧jä̧. ⁴ ja̧hua̧nö̧ ja̧'a̧ttö̧ jitämä̧ vino isoya juruhuoya inä cuahuoca'atä ttu̧'ȩcuä̧nä̧ tta̧'ä̧ri̧, ja̧hua̧ta̧nö̧ koro surojuepö juäimä cucuä. ⁵ ä̧ju̧cui̧, ucumä̧ mu̧chajö cu̧ja̧cua̧ju̧jä̧ ja̧hua̧nö̧ ja̧'a̧ttö̧ tȩa̧u̧ ju̧nä̧ hua̧ cui̧tti̧rö̧ iyäcuajujä. uhuo'che huä̧mȩttömä̧ yautenä̧ i̧nä̧ 'cuiö i̧cuä̧hui̧ya̧cua̧, ja̧hua̧nö̧ ja̧'a̧ttö̧ ja̧u̧ ji̧'qui̧cha̧huamä ja̧cua̧ba̧nä̧ttö̧ kä̧mä̧dö̧ nazareo i̧sa̧ Dios u̧mu̧hua̧ya̧tä̧ huinö̧, ja̧hua̧nö̧ ja̧'a̧ttö̧ ja̧u̧mä̧ i̧jä̧ma̧da̧cua̧ Israel ttö̧ja̧ja̧rö̧ filisteos 'chuttä̧romȩttö̧ huȩnȩ juiyönä̧ pättia pä'ö" ⁶ Ja̧hua̧'a̧nö̧ ja̧'a̧ jahuäju kirecuorö ichiö pä'nä̧ju̧: "ya̧tȩ Dios hue'ä̧hua̧ ttörö ichi'äji ja̧u̧mä̧ isoppa hua̧ Dios huȩ'ä̧hua̧ 'cua̧rä̧ji̧, juiyó ro̧huä̧pi̧huäji. cuichäjä pä'ö'inä̧ jä'epocoju päjäjusä, ja̧hua̧nö̧ ja̧'a̧ ja̧u̧mä̧ i̧mi̧'i̧nä̧ ji'ähuocö päjí. ⁷ Ja̧u̧mä̧ pä'jäcuasä !topi! möchaju juocuäcuajujä, Jua'amä̧ cui̧tti̧rö̧ o'cajuocuäcuajujä. ja̧hua̧nö̧ ja̧'a̧ttö̧ vino isoya'inä̧ a̧'ti̧poya'inä̧ cuando, ja̧hua̧ta'anö̧ cu̧cuä̧ttö̧'inä̧ ja̧'a̧tä̧mä̧ cucuä hueähuä huȩnȩttö̧ cuäcuähuocö pä'ömä̧, iso päi'önä̧ Ja̧u̧ ji̧'chi̧chä̧hua̧mä̧ Diottö 'cä̧'ȩpö̧ ku̧nä̧hua̧ kucuä̧ba̧ jacuättötä 'corujuoächö mo̧ro̧ pä'iome jubu. ⁹ Jahua'anö ja̧'a̧ Manoamä ÖÄNÄHUA̧CU̧ ucuocu pä'inö Oh, Dios ppä'ädirö ucutä huecuinä̧cu̧ pinörö ppa̧hua̧cha̧ ujutucu öja̧,ja̧u̧tä̧ u̧huo̧juȩta̧tö jȩta̧cuȩ pide uhuäpächapäö hua̧rö. ⁸ Dios ädätinö Manoa jäepäji jä̧ji̧mä ja̧hua̧nö ja̧'a̧ Dios huȩä̧cua̧ Ángelmä ichinö jahuäju juajaränä kömȩcu̧ pä'äjitanö . Jahua'anö ja'nö ja̧'anä kirehuo Manoamä ko̧co̧ pinö jahuäjucu. ¹⁰ Ja̧hua̧nö̧ ja̧'a̧ jahuäjumä̧ pä̧'i̧cu̧nä̧ jopö kirecuorö ji'ähuinä̧ju̧: "!Topí! ya̧tȩ ubo i̧jȩcuä̧chä̧'jä̧cua̧sä̧ ja̧u̧tä̧ ji̧na̧'a̧ ji̧yȩnö̧ mo̧ro̧ ttörö ichinö̧mä̧!" ¹¹ Manoamä̧u ä̧rä̧mä̧chö̧ irecua ko'ca'anä̧ 'chi̧nö̧. Ja̧u̧ ö̧jo̧mecu̧ 'chä̧hui'ö̧, päinä̧cu̧: "¿Ucutä ja̧'a̧ chirecuacu ucuocuäji päjimä̧?" ja̧hua̧nö̧ päcu ädätinö̧: " ttötäsä." ¹² Jahua'anö ja̧'a̧ Manoa päinö:"Ucu hui̧huȩ nȩ päcumä isotä jä̧cua̧'a̧. Jitämä ¿tti̧yȩ'ja̧ttö ja̧u̧ ji̧'kicha̧cua̧rö tu'u'ttädäcuä̧mä̧ , jahua'anö ja̧'a̧nä'i̧nä tti̧yȩjä̧ttö aditcuämä?". ¹³ TTÖA̧NAHUA̧ hueä̧cua̧ Ángel päinö Manoarö: "jahuäju jȩja̧päötä ja̧'a̧ o'cajuiyönä ttö jidähuäjimä. ¹⁴ Jahuäju kucuapäömä juiya'a uva jahuättömä, röä̧'i̧nä̧ a̧'tti̧poya'inä̧ kahuapäömä juiya'a;hueä̧huä huȩnȩttö cuäcuähuo'cö surojö päö 'cu̧ä̧nä̧cuä̧ 'cu'cu juiyö'anö ja̧'a̧. Jahuä̧jumä ttö jidä̧huäji o'cajuiyö esettö jȩja̧ päö ja̧'a̧." ¹⁵ Manoamä TU̧RU̧HUA̧ ucuocu jiäcuähuä i̧sa̧rö̧ pä'inö: "Jurunätä̧'i̧nä̧ cu̧ji̧'a̧ pä'ösä, cabra i̧tti̧ mö̧ä̧ya̧rö̧ cucua dadopa'anä." ¹⁶ TU̧RU̧HUA̧ ucuocu jiäcuähuä i̧sa̧mä̧ Manoarö pä'inö: A̧'u̧cuo̧mȩ chö̧ji̧'a̧nä̧'i̧nä̧ cu̧cuȩmä̧ cuocö chä̧cua̧sä̧. Ja̧'hua̧nö̧ ja̧'a̧nä̧ Tu̧ru̧hua̧ iäre cuhuö icu iyähuä jȩ'cu̧ttö̧mä̧ TÖ̧Ä̧NÄ̧HUA̧RÖ̧TÄ̧ iyi." (Manoamä TU̧RU̧HUA̧ ucuocu jiäcuähuä i̧sa̧ ja̧'a̧ pä'ömä jerupinö ja̧u̧rö̧mä̧ ) ¹⁷ Manoamä TU̧RU̧HUA̧ ucuocu jiäcuähuä i̧sa̧rö̧ pä'inö: "¿Cui̧mi̧mä̧ tocu micua̧jä̧ttö̧?" Cucuocuäji isojuhuomenä tesehuäcua'anö̧. ¹⁸ TU̧RU̧HUA̧ ucuocu jiäcuähuä i̧sa̧mä̧ pä'inö: "¿Tta̧'a̧nö̧ pä'ö chi̧mi̧ jäcuepäcusättö̧? ¡Juiyo adihuäjuei ja̧'a̧!" ¹⁹ Ja̧hua̧nö̧ ja̧'a̧ Manoamä̧ cabra i̧tti̧ mö̧ä̧ya̧ttö̧ 'chu'ädö ttiäre iyähuä u̧huä̧ju̧ otecu yo̧metȩnä̧ iyinö̧ u̧ru̧hua̧rö̧ iyähuome inä̧huä ju'tä. Ja̧u̧mä̧ adiunä̧ jȩpinö̧ Manoa ja̧hua̧ta'anö̧ irecua'inä̧ to̧ttä̧ra̧'a̧nä̧. ²⁰ Ja̧hua̧nö̧ ja̧'a̧ ttiäre iyähuome ju'tättö ocurä mo̧ro̧jä̧ra̧'a̧cu̧ cäepomenä̧ ttu̧ru̧hua̧ ttö̧ä̧nä̧hua̧ hue'ähua̧ isoppa hua̧'i̧nä̧ yo̧metȩnä̧ cä'ecuinö̧. Manoa irecua'inä̧ topinä̧tö̧ ja̧hua̧nö̧ ji̧yä̧u̧ ttuyu rȩjȩ päi'önä̧ ucuotö jȩpi̧nä̧ttö̧. ²¹ TU̧RU̧HUA̧ ucuocu jiäcuähuä i̧sa̧mä̧ pä'äjita'anö̧mä̧ i̧jȩcuo̧cö̧ pinö Manoarö'i̧nä̧ ja̧'hua̧ta̧'a̧nö̧ ja̧u̧tä̧ irecuarö'inä. Ja̧'hua̧nö̧ jo̧mȩnä̧ Manoamä̧ ja̧u̧ päjimä TU̧RU̧HUA̧ ucuocu jiäcuähuä i̧sa̧ jä̧ja̧'a̧ pä'ö huo̧jui̧'i̧nö̧. ²² Manoamä̧ irecuarö pä'inö: "¡TU̧RU̧HUA̧RÖ̧ totäja'attö̧mä̧ isopä'önätä̧ 'corujuotächäcuotöjä̧!" ²³ Ja̧'hua̧nö̧ päcua irecuamä päjinäcu̧: "TU̧RU̧HUA̧ ujuturu cuä'ö icua päöttömä, ja̧u̧mä̧ TU̧RU̧HUA̧ öäre cuhuö icu iyähuämä ȩmö̧ juiyö'anö ja̧'a̧ ja̧'hua̧ta̧'a̧nö̧ u̧huä̧ju̧ ote tiyäji'inä. Ja̧u̧mä̧ pi̧yȩ o'cajuiyönä ujuturumä i̧jȩpö̧ juiyö'anö ja̧'a̧, pi̧yȩ pä̧nä̧'i̧nä̧ pi̧yȩ tä̧ju̧cu̧nä̧mä̧ jiähuo̧co̧u̧ pajatöjä̧." ²⁴ Ja̧u̧nö̧ o'ca'a Manoa irecuamä̧ ki̧tti̧rö̧ uhuäbecuinäju̧, ja̧u̧ i̧mi̧mä̧ Sansón pä'ö o'inä̧ju̧, ja̧u̧ ji̧'ki̧cha̧hua̧mä̧ böo juoöta'anö TÖ̧Ä̧NÄ̧HUA̧MÄ̧ adihuomenä ppädinä̧cu̧. ²⁵ TU̧RU̧HUA̧ a̧'cua̧ru̧hua̧mä̧ ja̧u̧nä̧ i̧jȩcuä̧chu̧nä̧ jȩpi̧nö̧, Zoracu ja̧'hua̧ta̧'a̧nö̧ Estaolcu 'kä̧tȩ jo̧mȩ ä'ähuarä Majané Dan pä'ö micuomȩttö̧.