¹ Ja̧u̧nö̧ o'ca'a Efrain: umuhuäyotö rä'opinätö̧ ji̧nä̧ yo̧mȩtȩ päi'inätö̧ Jefterömä, "¿Ta̧'a̧nö̧ pä'ö cuä'cuopäjättö Amón ttö̧ja̧cu̧ curohuähua pä'ömä ja̧'hua̧nö̧ ja̧'a̧nä̧'i̧nä̧ jiähuocö päjijä ucucu ti̧cha̧ pä'ömä?. Ja̧'hua̧nö̧ ja̧'a̧ttö̧ ku ti̧cuä̧cua̧jä̧ cuojusode o'ca juiyönä". ² Jefte ädätinö jahuätörö, "ttömä ä̧tȩpi̧nö̧sä̧ ucuturumä huȩnȩ pä'iäcua'a ä'canä Amón ttö̧ja̧cu̧". Ja̧'hua̧nö̧ ja̧'a̧nä̧ ucutumä järodinä tö̧jä̧ cuichätucua pä'ömä, ppäcuädätucua pä'öinä jarodinätö̧jä̧ jahuätucu rohuä'umä. ³ Topinösä ucutu cuichätucua ca'a ujuturu pä'ädö'inä jahuanö chamonä chu̧cuarö iyäu'icu rohuähuinösä Amón ttöja̧cu̧, ucutu ppäcuädätucuica'anä'inö, jueönämä TöANAHUATä jina'a rohua'u iso huodepunä ppä'ädinömä. ¿ tocu pä'ö cuichätucuä jitä mo̧ro̧ hucu rohuä umä.? ⁴ Efrain umuhuäyotö ädätinä̧ttö̧: ucutu Galaad ttöju̧mä töipächä'chö ko̧co̧töjä̧ tȩji̧ Efrain ttöja̧tö̧'inä Manasés ttöja̧ttö̧'onä. Jahuanö ja̧'a̧ Efté ca̧ca̧tipinö o'ca to'iönä Galaadttö, su̧ro̧da̧u̧rö̧, ja̧hua̧nö jȩpu rohuähuinö Efrain umuhuäyotörö rohuä'uicu iso juepinö. ⁵ Galaad ttö̧ja̧mä̧ Jordán aje jäyotonä̧ Efraín ahuaruhuä 'cotö tti̧rȩjä̧ra̧'a̧cu̧ rä̧mä̧ tto'epinätö̧. Efraín ahuaruhuä 'cotöttö totte'ächa'anä ki̧'i̧pi̧nö̧, "Ajenä 'cuädopa'anä ja̧'a̧tä̧ topittö." päomenä, Galaad ttö̧ja̧mä̧ jättepinäcu̧, "¿Ucumä Efraín ahuaruhua 'cotö pinä̧tö̧ i̧sa̧jä̧? Jahuätö i̧sa̧mä̧cö̧sä̧ päomenämä ⁶ jahuätömä ja̧u̧rö̧ pä'inätö̧, "Shibolet" pä'i, ja̧'hua̧nö̧ ja̧'a̧ "Sibolet" pä'örömä (adiu oähuächönä pä'ocörö) Galaad ttö̧ja̧mä̧ 'chu'ädö Jordán aje jäyotottö cuä'äu icui'änätö̧. Ja̧u̧nö̧ pä̧nä̧mä̧ Cuarenta dos milnö jo̧mȩnä̧ huotörö cuä'äu iucuinätö̧ Efraín ahuaruhuä 'cotörömä. ⁷ Jeftemä̧ Israelttö röjí pähuä i̧sa̧ päi'önä̧ ki̧nö̧ ji̧mutȩ ya'atenö̧ a̧'ȩ jo̧mȩ. Ja̧u̧nu o'ca'a Jefté Galaad ttö̧ja̧'i̧sa̧mä̧ 'corujuo'ächinö̧, ja̧hua̧nö̧ ja̧'a̧ttö̧ Galaad ötähuiyänä̧tä̧ 'turepö tticuinä̧cu̧. ⁸ jua̧u̧ o'comenä̧, Ibzán Belen ttö̧ja̧'isa̧ röjí pähuä i̧sa̧ päi'önä̧ ki̧nö̧. ⁹ Ja̧u̧mä̧ treintanö̧ jo̧menä̧ ku̧nä̧rinö̧ i̧tti̧murö̧mä̧. jua̧u̧mä̧ i̧tti̧mö̧ nä̧tö̧rö̧ iyö ö'cätinö̧, ja̧hua̧ta̧'a̧nö̧ ja̧u̧mä̧ koromettö̧ ikächinö̧, treintanö̧ nä̧tö̧rö̧ korotö tti̧tti̧mö̧ttö̧ i̧tti̧mö̧rö̧ hue'a pä'ö. Ja̧u̧mä̧ ji̧mutȩ ta'are a̧'ȩ jo̧me hue'inö̧ Israelnä̧. ¹⁰ Ibzán 'coru päi'äja'amä, Belén ötahuiyänä ttö'törinäcu̧. ¹¹ Ja̧u̧ o'comenä Zabulon ttö̧ja̧sa̧ Elón pä'ö micua̧ Israel ttö̧ja̧rö̧ röji pä'ö icuähuä i̧sa̧ jö̧nä̧ hue'inö, ja̧u̧mä̧ 10nö̧ a̧'ȩ jo̧mȩnä̧ hue'inö Israel ttö̧ja̧rö̧mä̧. ¹² Zabulon ttö̧ja̧sa̧ Elón pä'ö micua̧ 'coru päi'äja'amä, Zabulón i̧rȩjä̧ttö̧mä̧ Ajalón ötahuiyänä ttö'törinäcu̧. ¹³ Ja̧u̧ 'corujuächinö o'ca'a, Abdón i̧tti̧ Hilelmä ki̧nö̧ Israel ttö̧ja̧rö̧ juhuenö päi'önä ki̧nö̧. ¹⁴ Ja̧u̧ ku̧nä̧ri̧nö̧ 40nö̧ i̧tti̧mö̧ u̧mä̧tö̧rö̧ ja̧hua̧ta̧'a̧nö̧ 30nö̧ ö̧nä̧mu̧, ja̧hua̧ta̧'a̧nö̧ huä̧ji̧nä̧tö̧ 70nö̧ Burrottönä. Ja̧u̧mä̧ jueönä hueähuä i̧sa̧mä̧ hueinö 8 a̧'ȩ jo̧mȩnä̧. ¹⁵ Ja̧'hua̧nö̧ 'corujuhuochoji o'ca 'turu tticuinäcu̧ Piratónä, ju̧huä̧jä̧mä̧ ka̧'a̧ Efrain i̧ri̧jä̧nä̧ Amalec de'iyunä.