¹ Jitämä ja̧'hua̧ta̧nö̧ ju̧da̧'i̧nä̧ , Benjamin'inä̧ ttaboiyotö ä̧jucuinä̧tö̧ korotö tti̧rejä̧ra̧'a̧ttö̧ ttumuäyotö päiönä huinätömä jitämä Dios i̧jode aditätödo israel ttöjä̧ ttö̧a̧na̧hua̧ Dios. ² jaunö o'ca'a zorobabel'inä ja̧'hua̧ta̧nö̧ ahuaruhuä ttö päionä huotö'inä ttö̧ja̧cuo̧mecu̧ 'chä̧hui'ö̧ jahuätö päinätö̧ ucutucu tadita'anä ja'atä̧ topätöcuitö ja̧'hua̧ta̧nö̧ ucutu ju̧ta̧'a̧nö̧ ujutu'inä ja̧u̧tä̧ ja̧'a̧ tö̧ä̧nä̧hua̧mä̧ ja̧u̧ru̧tä̧ töäre köicu iyähuä'inä jepä̧tö̧jä̧ Asiria rȩjȩ ru̧hua̧ Esar-Hadon po ötahuiyänä i'cächinöme jubu. ³ Ja̧'hua̧nö̧ ja'a̧nä̧ Zorobabel'inä, Jesua'inä ja̧'hua̧ta̧nö̧ ttahuäruhuä ttö päiönä huotö'inä pä'inä̧tö̧ ucutumäcö̧, ujutu ja̧'a̧ ji̧nä̧'iso DIOS i̧jo̧de tadita pä'ö huotömä jitämä ujutumä tö̧ä̧nä̧hua̧ DIOS i̧jode taditäcuotöjä̧ Israel ttö̧ja̧ ttö̧ä̧nä̧hua̧ DIOS. Persia rȩjȩ ru̧hua̧ Ciro hueinöta'anötä̧. ⁴ Juene ötähuiyä ttö̧ja̧, judaro'inä̧ ahuäruhuärö'inä 'cuättächiönä jepinä̧tö̧ jahuätömä judarö'inä ahuäruhuäro'inä ttaditö juiyönä ye'epe'ä'chö ra̧huä̧ri̧nä̧tö̧. ⁵ Jua'a yabonö̧ ru̧hua̧ umuhuäyotörö mitö hue'inä̧tö̧ DIOS i̧jode ttaditöjuiyönä jȩtta̧ pä'ö piyȩmä̧ Persia rȩjȩ ruhuotö Ciro'inä, Dario'inä, huettinö pänä 'cuäopina'a. ⁶ A̧cuo̧mȩnä̧ Asuero, Persia rȩjȩ ru̧hua̧ päiönä ö̧jä̧mä̧do̧menä pä'äjita'anö hueyu̧tu̧ hue'inätö̧do Juda ttö̧ja̧rö̧'i̧nä̧ Jerusalen'nä kacuä̧tö̧rö̧'i̧nä̧ ttamisura'attö. ⁷ Ja'huatanö ru̧hua̧ Artajerjes a̧cuo̧mȩnä̧ hueinö pänä Bislan'inä, Mitridates'inä , Tabeel'inä Ja̧'hua̧ta̧nö̧ ahuäruhuä'inä ru̧hua̧rö̧ huȩyu̧tu̧ huȩi̧nä̧tö̧ ⁸ juojä cuiyäru'isojämä arameo ttihuenenä'inä hueyu̧cua̧'a̧nä̧ Persia ttö̧ja̧ tti̧huȩnȩnä̧ räepicu hueyu̧ti̧nä̧tö̧. ⁹ ja̧'hua̧nö̧ ja̧'a̧ ru̧hua̧ u̧mu̧a̧ya̧ Rehum'inä ja̧'hua̧ta̧nö̧ huȩyu̧cuä̧ isa̧ simsai'inä Jua'a yabo ahuaruhuä'inä ja'huatömä hueähuä raotö jina̧'a̧, ja̧'hua̧ta̧nö̧ ru̧hua̧ Erec umuäyotö soro̧da̧u'inä̧, Babilonia ttö̧ja̧'inä̧, susa ttö̧ja̧'i̧nä̧, cuiyäru isojä huȩyu̧tu̧ hueinä̧tö̧. ¹⁰ ja̧'hua̧ta̧nö korome ötahuiyä pönä ka̧cuä̧to̧ Asnapar räepöicuinä̧u̧ Samaria ttö̧ja̧ ttidepiyumä kacuinätö'inä, korotö aje jijenä̧ ka̧cuä̧tö̧'inä̧ huȩyu̧tu̧ huei̧nätö̧. ¹¹ Pojämä ru̧hua̧ Artajerjes'rö huȩyu̧tu̧ huettinojä ppächojä ja̧'a̧, ucu cumuäyotö aje jijenä̧ ka̧cuä̧tö̧mä̧ pa'anö huȩyu̧tu̧ hucätäjä̧. ¹² Tu̧ru̧hua̧ ucu cu̧huo̧ja̧ pä'ö pä̧huä̧röjä̧u̧jä̧ judio ttö̧ja̧ Babilonia rȩjȩra̧'a̧ttö̧ räopö jerusalenra̧'a̧ rȩbȩhuä'cotö jarodä'chö suronä jeä̧cuä̧huä̧ ötahuiyä aditätö ja̧'hua̧ta̧nö̧ quiyujuäi kadaquiya jueittö öttahuiyä jäyänä ttoecuäbä'inä̧ aditätö. ¹³ Jitämä pi̧yȩ'inä cu̧huo̧ja̧pä'ätöjä̧ po ötahuiyä pitö cättäda'a ju̧ttö̧mä̧ ja̧'hua̧ta̧nö̧ ötahuiyä ttoecuäbä'inä̧ cättäda'a ju̧tto̧i̧nä̧ ucuru korojuäittö'inä tto̧ja̧ ttöare pärätä'inä ttimitä'ayumä pitömä ttimitiyacua'atä ja̧'a̧ rahuotörömä ttöja̧ ttoare pärätä jä̧'ä̧yu̧mä̧ täcö rȩbȩhui̧ya̧cua̧'a. ¹⁴ Ja'huano ja̧'a̧ttö̧ ujuti cu cumuäyotömä ru̧hua̧ ucuru pitö suronä jȩtta̧'a̧nä̧ ja̧'a̧tä̧ totöjuiya'anö ja'a pä'ö amocuädö cuiyäru isojä huȩyu̧tu̧ hueätöjä̧. Täbojähuä cuyäru cu̧ju̧nä̧rö̧nä̧ ttä̧no̧tö̧minä̧ ttoto'cu ttösa päö huecua'anö ja̧'a̧, ja̧ö̧täbojahuä cuiyaruttötä cu̧'o̧cuia̧cua̧ja̧, ¹⁵ co̧cui̧pö̧ iso päiönätä̧ ja'a pä'ö pitömä kadattötä jarodäcuähuä ttö̧ja̧ ruhuotörö'inä̧ ötahuiyänä ka̧cua̧tö̧ro̧'iinä̧ ra̧huȩpiju̧nä̧ huottö päömä, ja̧'hua̧nö̧ ja̧'a̧ttö̧ täbocumä suronä jȩttä̧'chi̧yä̧'ö̧ siepö tticuinä̧'ö. ¹⁶ ¡Ruhua! ja̧'hua̧nö̧ pä'ö cu̧huo̧jä̧ pä'ätö̧jä̧ pitö po otahuiyä cättäda'a jo̧ttömä̧ ja̧'hua̧ta̧nö̧ ötahuiyä ttoecuäba'inä cattada'a jottömä ucumä ötahuiyä aje ji̧jȩnä̧ ka̧hua̧ moa̧cha̧'a̧cu̧ ka̧cuä̧törömä̧ huȩcui̧yä̧cua̧jä̧. ¹⁷ Cuiyäru isojä huettojä topö ru̧hua̧ ädätö hue'inö huene ötahuiyä ru̧hua̧ Rehumru'inä̧ ja̧'hua̧ta̧nö̧ huȩyu̧cuä i̧sa̧ Simsayru'inä̧ jua yabo ahuäruhuä Samaria ötahuiyänä kacuätörö'inä̧ aje ji̧jȩnä̧ ka̧cuä̧tö̧rö̧'inä jahuanötä ja̧'a̧cua̧jä̧ pä'ö. ¹⁸ Cuiyäru isojä huȩyu̧tu̧ huecuätöcuojämä räepicu jittähuäjäcusä. ¹⁹ Ja̧'hua̧nö̧ ja̧'a̧ttö̧ ttösa pä'ö hueäjisä täbo cuiyärunä, iso päiönä co̧cui̧päjätöjä̧ täbocutä päiönä huene ötahuiyä ttö̧ja̧mä̧ ruhuotöru jarodä'chö, rohuähuä'chö jȩpä̧yä̧tö̧ ja̧'a̧ ²⁰ Jerusalen ötähuiyänä ä̧tȩcui̧nä̧tä̧ täbocutä päiönä ucuo ruhuotö huettinömä ja̧'a̧ ttöruhuömä aje ji̧jä̧bö cäa̧dö hueinä̧tö̧ jua yaboinä ttöruhuä̧ korojuäittö'inä ttöäre pärätättö'inä̧ mitinä̧tö̧ ja'huätö ruhuotörömä. ²¹ Ja̧'hua̧nö̧ ja̧'a̧ttö̧ jitämä hueusä jua'a ötahuiyä ttadita'a cattadia pä'ö jiähuätöcui jareö hueahua huedomejubö. ²² Ucutu'inä ttö̧ȩcuä̧nänö̧ ttöȩpä̧rä̧cuä̧huö̧nö̧ jȩpä̧tö̧cuijo ¿ya'acu huene rö̧ä̧nä̧ joacha'anä ja̧'a̧tä̧ totöjuiya'anö ja̧'a̧ juayabo ruhuotorö'inä ppädoca'a ja'huanö jomenämä? ²³ Jaunö̧ o'ca'a ötahuiyä Ru̧hua̧ Rehum'inä̧, hueyucuä̧ i̧sa̧ Simsay'inä̧ juayabo ahuäruhuä'inä̧ ru̧hua̧ Artajerjes huȩyu̧tu̧ hueäji ä̧ju̧cu̧ yotäcu Jerusalen. ²⁴ Ja̧'hua̧nö̧ ja'attö̧ Jerusalen'inä̧ Dios i̧jode ttadita'amä ca'adi'inätö, ja̧rȩpa̧ Persia rȩjȩ ru̧hua̧ Dario todare a̧'ȩ hueu pätecuächomejubö.