³ Davidmä̧ päinä̧cu̧: "¿Ucumä̧ tottö cuichäjättö̧?" Ja̧u̧mä̧ ädätinö̧: "Ttömä̧ Israel ttö̧ja̧ ttä'ähuarättö dajahuächö tö'ipächäjäjisä." ⁴ Davidmä̧ ädätinä̧tinä̧cu̧: "Ppä'ädipönö̧ jiähuipittö huȩnȩmä̧ tocu jä̧ja̧'a̧cuä̧ttö̧." Ja̧u̧mä̧ ädätinö̧: "Ttö̧ja̧mä̧ curä tturohuähuomȩttö̧ dö'ecuächäjätö. Recuätö mattä̧cha̧'a̧nä̧ ja̧'hua̧ta̧'a̧nö̧ recuätö 'corujuo'ächäjätö, ja̧'hua̧ta̧'a̧nö̧ Saul'i̧nä̧ i̧tti̧ Jonatáncu̧ 'corujuo'ächäji. ⁵ Davidmä̧ ja̧u̧ mö̧ä̧ya̧rö̧ pä'inö̧: ¿Tocu cu̧huo̧juä̧ttö̧ Saulmä̧ i̧tti̧ Jonatáncu̧ 'corujuo'ächäji pä'ömä̧? ⁸ a̧umä̧ ttörö pä'inö̧: "¿Di cu'ättö ucumä̧.?" ttömä̧ Amalec ttö̧ja̧sa̧sä̧ pä'ö chädätäjäcu. ⁹ Ja̧u̧ päjäcusä: cuarodoca'a pocu ichiö cuä'ö icuittö, ji̧nä̧ cha̧'cua̧ra̧'a̧nä̧, juiyó rö'ä̧nä̧ surähuiösä. ¹⁰ Ja̧hua̧nö̧ päcu ö̧ja̧'a̧cu̧ 'chä̧hui̧ö̧ cuä'ö chicuäjäcu, ttömä̧ täcö huo̧juä̧ji̧sä̧ ja̧hua̧nö̧ tattäjäcu pu̧mä̧ po yabocumä̧ a̧'cua̧rocö̧ pä'ö. Ja̧hua̧nö̧ ja̧,a̧ttö̧ ȩmä̧ji̧sä̧ unä̧ huo̧bö̧ pö̧ttä̧huo̧bu̧ ja̧hua̧ta̧'a̧nö̧ pö̧jä̧ta̧ öjonä̧ uhuä̧nä̧rä̧ta̧'i̧nä̧ i'cächäjisä ucu cuä'ca jo̧mȩ, chu̧ru̧hua̧." ¹¹ Ja̧'hua̧nö̧ ja̧'a̧ Davidmä̧ ö̧'ca̧tä̧huä̧ta̧ sȩro̧cu̧ icuiyä̧u̧, u̧mä̧tö̧mä̧ o'catoi'önä̧tä̧ ja̧u̧ jȩö̧ta̧'a̧nö̧ jȩpi̧nä̧tö̧. ¹² Jahuätömä̧ ba̧rä̧huä̧u̧ ajaumä̧ ttu̧cuȩ a̧do̧chi̧nä̧tö̧ nipä̧chomȩ jubö päi'önä̧ Saúlrö'i̧nä̧, i̧tti̧ Jonatánrö̧'i̧nä̧, TTÖ̧Ä̧NÄ̧HUA̧ u̧mö̧huäyotörö'i̧nä̧ ja̧'hua̧ta̧'a̧nö̧ Israel ttö̧ja̧rö̧'i̧nä̧ a̧mö̧cuädö. Juhua'amä̧ jahuätörö curä o'chunä̧ cuä'äu tticuäjiyä̧u̧. ¹³ Davidmä̧ ja̧u̧ mö̧ä̧ya̧rö pä̧'inö̧: "¿Ucumä̧ tottö cuichäjättö? Ja̧u̧mä̧ ädätinö̧: "Ttömä̧ korojä̧ amalec ttö̧ja̧ tti̧rȩjä̧ ttö̧ja̧sa̧ i̧tti̧sä̧." ¹⁴ Davidmä̧ ja̧u̧rö̧ pä'inö̧: ¿Tta̧'a̧nö̧ pä'ö yecuecuoca'a cuä'ö cuicuättö ru̧hua̧ TÖ̧Ä̧NÄ̧HUA̧ pojopö ȩminä̧cu̧ru̧mä̧?" ¹⁵ Davidmä̧ mö̧ä̧yotöttö ya̧tȩrö̧ huopo ö pä'inö: "Cuä'öicuäjirö." Ja̧'hua̧nö̧ ja̧'a̧ttö̧ ja̧u̧ mö̧ä̧ya̧mä̧ 'chä̧ji̧'ca̧ cuä'ö icuinä̧cu̧, cuä'ö icuäcu amalec ttö̧ja̧sa̧mä̧ 'coru pä'i'inö̧. ¹⁶ Ja̧u̧ jä̧ji̧ o'ca'a amalec ttö̧ja̧sa̧ 'corujuo'ächäjirö pä'inö̧: cucuojamä̧ cunä̧tä̧ ka̧'a̧, juhua'amä̧ ucutä cuabo jähuä ji'äcuäu ru̧hua̧ TTÖ̧Ä̧NÄ̧HUA̧ pojopö ȩmi̧nä̧cu̧rö̧ cuä'ö icuäjisä päcuäja'attö̧." ¹⁷ Ja̧u̧nu̧ o'ca'a Davidmä̧ pi̧yȩ hua'are ra̧huä̧huä̧ ötö'cö ra̧'i̧nö̧ Saul ja̧hua̧ta̧'a̧nö̧ i̧tti̧cu̧ ö̧'o̧me. ¹⁸ Ja̧u̧mä̧ ötahuiyä ttö̧ja̧rö̧ hue'inö̧ ttu̧huo̧juȩti̧ya̧rö̧ pä'ö Juda i̧tti̧mö̧rö̧ ppo'obu pä'ö ra̧huä̧huä̧, ja̧umä̧ huȩyu̧tu̧ röthuina'a̧ Jaser Cuyäruttänä̧. ¹⁹ "! Ucu cuadihuä jä̧jí̧, Israel, pȩnȩbutä beipa'a, cuä'ö icuä̧hua̧jä̧ mö̧ä'quiyu ju'toju jo̧mettö̧! !juruhuätö totte'ä̧ijö̧ta̧'anö̧! ²⁰ Gat ötahuiyättömä̧ päcuó, ja̧hua̧ta̧'a̧nö̧ Ascalon ötahuiyä mä̧niyä̧ttö̧'i̧nä̧ jicuähuó, Filisteo ttö̧ja̧ tti̧tti̧mö̧ ttesehua'acu, ²³ Saúl Jonatáncu̧mä̧ ji̧nä̧ tta̧'cua̧rä̧i̧mä̧ eseäcuäu ka̧cuinä̧tö̧ 'corujuottächomȩ'i̧nä̧ yometȩnä̧ 'corujuo'ächinä̧tö̧. Jahuätömä̧ pa̧rȩtö̧ ttujuruhuomettö̧'i̧nä̧ yabonä̧nö̧ juruhuinä̧tö̧, jochä̧yu̧tu̧ttö̧'i̧nä̧ abonä̧nö̧ juruhuinä̧tö̧. ²⁴ Ucutu Israel ttö̧ja̧ tti̧tti̧mö̧ nä̧tö̧mä̧ Saúl minä̧rö̧ a̧mö̧cuädö ajahuätucui, adihuä̧ta̧ rö̧ȩnä̧ micuähuä̧ta̧ 'ca̧tä̧hui̧nö̧rö̧ ja̧'hua̧ta̧'a̧nö̧ ö̧'ca̧tä̧huä̧ta̧'inä̧ orottö a̧'cua̧tö̧ ttu̧niniyä̧cu̧rö̧.