⁴ Ja̧hua̧nö̧ ja̧'a̧, Juda ttö̧ja̧mä̧ ichinä̧tö̧ Davidrö Juda rȩjȩnä̧ ru̧hua̧ ö̧ji̧ya̧tö̧ pä'ö a̧deja da'epö 'cä̧'ȩpö̧ ku̧nu̧. Jahuätö pä'inä̧tö̧ David'rö: "Jabes Galaad ttö̧ja̧mä̧ täcö rȩa̧dö̧ icuäjätö Saulru." ⁵ Ja̧hua̧nö̧ ja̧'a̧ttö̧ Davib'mä̧ hue'inö̧ Jabes Galaad ttö̧ja̧rö̧ jahuätörö pä'inö: "Ucutumä̧ TU̧RU̧HUA̧TÄ̧ ppä̧dä̧u̧jä̧, isopäi'önä̧ repe'ö ucuotönö̧ käcuä̧huä̧ i̧jȩpä̧ttö̧jä̧ cu̧ru̧hua̧tu̧cu̧ Saul päjirö'inä̧ adiunä̧tä̧ rȩä̧dö̧ icuäjätöjä. ⁶ Ja̧'hua̧nö̧ ja̧'a̧ TTÖ̧Ä̧NÄ̧HUA̧ ucuturu eseu repe'ö esetäcuähuänä̧ utodecuinö̧nä̧ i̧jȩpä̧tu̧cuä̧cu̧. Ttö'i̧nä̧ ucuturö adihuäjuei i̧jȩpö̧sä̧, ucutumä̧ Saúl o'co jähuä 'turu cuicuätucua'attö. ⁷ Ja̧'hua̧nö̧ ja̧'a̧ttö̧ yabonö juruhuächi'ätucui yecuäcuähuä juiyönä̧, isopäi'önä cu̧ru̧hua̧tu̧cu̧ Saúlmä täcö 'corujuo'ächäji, ja̧'hua̧ta̧'a̧nö̧ Judá ahuaruhuä 'cotömä̧ jitötä ttu̧ru̧hua̧ pädi'önä a̧dȩja da'epö 'cä̧'ȩpö̧ ttu̧ju̧nä̧cu̧sä̧." ⁸ Ja̧'hua̧nö̧ ja̧'a̧nä̧ Ner i̧tti̧ Abner, Saúl u̧mö̧huäyotö su̧ro̧da̧u̧ ttu̧ru̧hua̧mä̧, Saúl i̧tti̧ Isbosetrö ȩmä̧ji̧'ca̧ Mahanaim pä'ö micuomecu̧ i'cächinö̧. ⁹ Ja̧u̧mä̧ , Galaad rȩjȩ ttö̧ja̧'i̧nä̧, Gesuri ttö̧ja̧'i̧nä̧, Jezreel ötahuiyä ttö̧ja̧'i̧nä̧, Efraín ahuaruhuä 'cotö'i̧nä̧, Benjamín ahuaruhuä 'cotö'i̧nä̧, ja̧'hua̧ta̧'a̧nö̧ Israel ttö̧ja̧mä̧ o'catoi'önä̧ ttu̧ru̧hua̧ päi'önä̧ rutinö̧ Isbosetrömä̧. ¹⁴ Abnermä̧ Joabrö pä'inö̧: U̧mä̧tö̧ mö̧ä̧yotö ä̧rä̧mi̧'ö̧ ujutu tä'ca jo̧mȩttö̧ tturuhuähua'anä̧ ja̧'a̧tä̧ topitö." Ja̧'hua̧nö̧ päcu Joabmä̧ pä'inö̧: "Ä̧rä̧mi̧'ä̧tu̧cui̧." ¹⁵ Ja̧'hua̧nö̧ ja̧'a̧ u̧mä̧tö̧ mö̧ä̧yotömä ä̧rä̧mi̧'ö̧ ji̧nä̧ yo̧mȩtȩ pä'i'ö, Benjamín ahuaruhuä 'cotöttö'i̧nä̧, Saúl i̧tti̧ Isboset ahuaruhuättö'inä̧ docenö huotö ja̧'hua̧ta̧'a̧nö̧ David u̧mö̧huäyotöttö doce huotömä̧. ¹⁸ Sarvia i̧tti̧mö̧ huämetucuämä̧ juȩnȩtä̧ ka̧cui̧nä̧tö̧: Joab'i̧nä̧, Abisai'i̧nä̧ ja̧'hua̧ta̧'a̧nö̧ Asael'i̧nä̧. Asaelmä̧ de'a i̧sa̧ gacela jä̧'i̧nö̧'a̧nö̧ jurunä jopö ji̧na̧'a̧. ¹⁹ Asaelmä̧, tö'cönä̧nö̧ Abne o'ca'a ru'inö̧ ja̧'hua̧nö̧ ru'umä jäyäcu'i̧nä̧ yorö'iso cä̧'i̧pä̧cho̧ca̧'a̧ ja̧u̧ o'ca'anä̧tä̧ ru'inö. ²⁰ Abner ja̧u̧ru̧ kärächiö topö pä'inö̧: "¿Ucu ä̧'a̧, Asael?" Ja̧u̧ ädätinö̧: "Ttötäsä." ²¹ Abnermä̧ pä̧i̧nä̧u̧: "Cu̧huo̧jua̧'a̧cu̧ cuieruhua'acu'inä̧ kärächiö topö, 'chu'ädi yotöte u̧mä̧tö̧ mö̧äyotöttö ja̧hua̧nö̧tä̧ ȩmä̧tu̧cui curä rohuäu 'ca̧täcuä̧huä̧tä̧ cuȩmä̧tucua̧ja̧." Ja̧hua̧nö̧ ja̧'a̧nä̧ Asaelmä̧ jäyäcumä̧ amöcuädocö pinö̧. ^{22 23} Ja̧'hua̧nö̧ ja̧'a̧nä̧ Absalónmä jȩa̧ päjimä̧ cädia pä'ocö pinö̧, ja̧'hua̧nö̧ ji̧yä̧cu̧ Abner dacuäbi so̧ä̧binä̧ pätetö ta'ö icuinä̧cu̧, dacuodämä kara'anä̧'i̧nä̧ ppörahui'ö räoi'önä. Asaelmä rȩjȩ ma̧'ö̧ ja̧'hua̧ta̧'a̧nö̧ juhuorötä 'coru pä'i'inö. Ja̧'hua̧nö̧ ja̧'a̧ttö̧ Asel 'coru pä'i'ö ma̧i̧no̧mȩ ju̧huȩnȩ korotö 'chä̧hui̧'ä̧tö̧rö̧mä̧, 'chu'ädu ja̧'hua̧ta̧'a̧nö̧ jä̧rö̧nä̧ ttö̧jö̧nä̧ jȩpi̧nä̧tö̧. ²⁴ Ja̧'hua̧nö̧ ja̧'a̧nä̧ Joab'i̧nä̧, Abisai'i̧nä̧, Abner o'ca'anä̧ ru'inä̧tö̧. Kä̧hua̧ ma̧ä̧cha̧'a̧ jahuätömä Ammattö̧ pämäroppä päi'omecu̧, Gíattömä̧ tö'cönä̧nö̧ jo̧mȩ, Gabaón ötahuiyära̧'a̧cu̧ de'a jui̧yä̧jä̧nä̧ 'chä̧cuä̧huä̧mä̧nä̧ ichinätö̧. ²⁵ Benjamín ahuäruhuä 'cotömä̧ o'catoi'önä Abnercu̧ o'ca'anä ji̧nä̧ yo̧mȩtȩ ca̧ca̧cui̧pö̧, mö̧ä̧'ca ju'tä ka̧cuä̧mi̧nä̧tö̧. ²⁶ Ja̧hua̧nö̧ ji̧yä̧bcu̧ Abnermä̧ Joab'rö ichi'önä̧ a̧tȩpä̧ji̧'ca̧ pä'inö̧: "¿Ujutu ta̧mo̧nä̧ tödacuodänä̧tä̧ cuä'äcuäu tö̧jä̧cua̧'a̧ tä̧jí̧ 'cuäopönä̧tä̧? ¿Jerupätöjä̧ tä̧jí̧ po röjicumä̧ surojönä̧ 'cuopäcua'a pä'ömä̧?¿Tta̧'a̧nö̧ recuó 'cuopäcua'a jä̧tö̧ cuahuaruhuärö jicuähua pä'ömä̧ tta̧monä̧ tti̧jä̧hua̧tö̧rö̧ ru̧huä̧rö̧ ttörohuäujuiya pä'ömä̧?" ²⁷ Joab ädätinö̧: "Diomä̧ kö̧, ja̧hua̧nö̧ jicuäju juiyäjittömä̧, chumöhuäyottö su̧ro̧do̧u̧mä̧ ru̧huä̧ra̧ja̧tö tti̧jä̧hua̧ttö̧rö̧mä̧ mo̧ro̧ päi'ome jubutä!"