¹ Kabili ba Yawe balimwasukile Yobo, nekulabila ati, ² "kanshi uwakupata angalwa na wabo abamakosa onse? uyo ulukupikisha naba Lesa, ngaasuke-po'' ³ Elyo Yobo angabasuka ba Yawe nekulabila ati, " ⁴ Boneni, nebo ninewalukoso; mbasuke ni shani nebo? Naibika iinwe yandi pakanwa kandi. ⁵ Nalabile limo teti ngasuke; icine imindi shibili nalabila, sombi teti inje kutangile. ⁶ Kabili ba Yawe bangamwasuka Yobo ukufuma mukati mucitonga, nekulabila ati, ⁷ "kopimpengubo yobe pano koti mwalalume nakukwipushisha, umbulishishe. ⁸ Kanshi webo ungakanya ati kubulo kucitwa ukusololola kwandi? unganshinina nebo ati webo ulungikwe? ⁹ Uli nekuboko koti ni ba Lesa? kani uliishi ukululuma neshiwi koti nibo? ¹⁰ Kolifwika pano ukuwama nebulemu;ufwale amatangalo amulemyo nebu fumu. ¹¹ Koitulula ifyakwitulula fyakukalipa kobe ubatambe bonse abalitota ubaselushishe panshi. ¹² Kobatamba bonse balitota ubucefye, ubanyantale abakubifya apa bena kanine. ¹³ Ubafise mwisonde pamo; ukake napa menso pabo kumfiso. ¹⁴ Eli ningakufisulwila ati ukuboko kobe wemwine ukwa kulwine kuliishi ukukuupu lusha. ¹⁵ Kobona lomba insofu,iyo nalengele pamo nanebo; ilyalya icani koti niŋombe. ¹⁶ Kobona, amakosa aiyo ali mulibunda ukukosa kwaiyo kabili kuli mutushinga utwa mukapafu. ¹⁷ Ilatembelesha umucila koti niyeleshi; utushinga utwamutusolo twaiyo tulipambeni pamo. ¹⁸ Amafup yaiko miyengo yalubemba; ifiso fyaiko fili koti mitanti yamfitwe. ¹⁹ Niyo eikulu pamicitilo yaba Lesa. Abo abailengele, ebangapalamisha impoko yabo. ²⁰ Icine amapili alaibwenesha ifyakulya apalukufukamina ifilwani fyonse ifyamu panga. ²¹ Ilalala munshi yamiti yacinto umufisememu matete, na mubunene. ²² Imiti yacinto ilafimba-po necishingwa caiko; imyalabimi yakukanika ileshinguluka. ²³ Bona ,nangaba iituluke inika, taitutuma-po ilateka umutima nangaba inika ya Jodeni iisule ukufika namukanwa kaiyo. ²⁴ Kani umuntu angaikata pakulukucencenta yo; neli kwitibula umona necakwiteyako.