¹ Ea la moli e tau ge vaibomuli, komakora vea e tatu ge polo lele la vavalimala te God vea ge abi la mailala. ² Emite lolo valolo ale tartigi mae moli egite valu metavivile lolo pala ea .Eala moli valolo ale ea kama sule egite, erere maiteu kama tia vaikapopo oilo tela tautau la ilo kama lolo vakarala. ³ Emite la valua metavivile ale tautau la ilo,emite ge abi la mautu la mailala mae moli ea veia,ea ge vei pala la tia ltikumula taku,vei sesele mae,egite kama koramuli vea ge tiroro soilo te la mautu la mailala,la imamala eau ge vaikaluvu tomi la igogolu taku tela siloko la otalo la maututu la. ⁴ Ea vakaravakara ile la ba isari te la vai vitu la logo:"God maila tela vaivitu la logo.vamuli te la igogolu ale ea igoa. " ⁵ Ea veia mae,egite kama koramuli ge goilo tela mautu ale eau vavalima vea ge abia geteu ge maila vola." ⁶ Mae moli,la valua metavivile isari kama koramuli,vea ge tilo ta mautu la maulila tetala ,mae moli la valua metavivile Israel egite lolo la valolo ale tartigi, egite kama abi la mautu la mailala la vula, egite putu lulu la vakarala tetala. ⁷ Ea la moli e God ge rovi lala la logo isasa vea ge emiteu ge goilo tela mautu la mailala, la imamala alele "Igoe,"vamuli tela logo isari,mae amutou ge lolo la are le God :"ioge amutou umala ge kisi vagari la tia mutou." ⁸ Mae losua ge abia giteu la mautu la mailala, ioge God kama ge vei lou la logo isasa. ⁹ Mae moli la logo la mailala isa soku oio,te giteu la valua me tavivile te God. ¹⁰ Ere maiteu la valua metavivile egite goma te la mautu la mailala te God,ea tai ge maila tela itikumu la tetale, mae moli God igo ti soio tetala. ¹¹ Mae moli etatou ge vagari vea etatou ge goilo te la mautu la mailala, mae la talo isasa kama ge vagari umala ge tou,mae moli egite igo tia. ¹² La vakarala te God ea pou ea mauli ea sautola la vagagarila ea vagari sesele tela kirara la viso tela ba ilua. Ea garautu posa sesele kabili posa tela gabutatala me la kalulu mela tua gatou .la vakarala ale ea mae la ilevila tela gabutatala tela valua metavivile. ¹³ La golu isasa kamage magiri kokovu tela mata la,la golu tomi ea magiri mata ea ilo tomi la rova ale etato igoa. ¹⁴ Logo e tatou sautola ba la uru la mulugaluga ea pou ea goilo tela ilolalage, Iesu latu la talo te God. ¹⁵ Mae moli etato ge sautola la tautau la ilo ale etau vei pala ea la mulugaluga te gatou ea gogo etatou,la vula,etato la vagagari ouka vea ge vago talo la gima,la imamala tomi ea sautola tegatou.Ale tomi ea sibitala tetala,ge tovo lalaia,eala moli ea kama igo la iruru. ¹⁶ Umala etato getaga, etatou ge goio agavi tela pulou te King me la gilogo tetala,etato ge goio tetala,la vula,ea latalo la gilogo.Ea ge igo imi etatou,mae etato ge sautola la itikumula, la gilogo tetala ge suli etatou.