¹ Egite la valua la Lotu,amutou la tilota isa loata la ilo lalage. Amuto kabutala Iesu,ea la bialala me la talo la vaibomuli etoto tautau la ilo tela me vei pala ea. ² Ea tilimuli sesele la vakarala te God ,eia ere ea ilevia,mae moli Moses ea tilimuli la vakara sesele la oilote la luma te God. ³ La isa le Iesu abia ea loata lou te Moses,la vula,la talo ale tigi la luma ea isa polo ea loata tela luma alele. ⁴ Tela luma tomi la talo isa tigia,ea lamoli la golugolu tomi God ea igoa. ⁵ Moses tilimuli sesele la vakarala mae la talo la igogolu oito tela lumu te God .Ea ge vei pala la golu ale ge sibitala vamuli. ⁶ Ealamoli karisito ea tilimuli sesele la vakarala mae latula talo ale bomuli la luma te God.Etatou la luma tetala mae tatou ge sautola vagari la golu ale etato momoge ila putalia. ⁷ Mae la kalulu la Marokala veia mae:"Igoe amutou ge lolo la arela,amutou umala ge sautola vagari la tia mutou, mae pala egite tutubu motou igoa teale egite pou tela tovo lalaila tela mautu bubu lau moli. ⁹ Ale tela imamala te tutubu gatou egite mera oli la vakarala me tovo lalai eau oilo tela leavala savulu vakarala rob egite ilo la igogolu taku, ¹⁰ mae au igototolo soio te gite la valua metavivile eau vea gite mae .Oilo tela tia giteu,'egite tuga taro eau.Egite kama rovi la gauru eau ile via te giteu. ' ¹¹ Me au igototolo me eau vavalim:"Egite kama koramuli ge goilo tela mautu la mailala taku." ¹² Amuto e tabarabaragu, amuto ge vaibomuli tigi,kabili talo mutou,koma kokora isasa sokou ma ge tia itikumu ea kama ke tautau la ilo ea ge poke taro God ale ea mauti. ¹³ Vai vagari amutou to teia logo tomi,egite teia," igoe "mae isasa kabili ta mutou,la tiala ge vagari tela visigogola tela iruru. ¹⁴ Etatu taume tabara sesele te karisito mae,mae tatou ge sautola vagari la tautau la ilo te gatou oilo tetala tela siloko la igogolu tetala karala ta pasila. ¹⁵ Tela vakarala ale ea pou,"Igoe mae amuto ge lolo la arela,amutou ge umala ge sautola vagari la tia mutou,mae tutubu mutou igoa." ¹⁶ Ere lolo la are le God eo tou?kama egite tomi la valu me tavivile tomi te God ere Moses abi egite loilo e Isip? ¹⁷ Ere lolo la le God ea toua tela leavala savulu varobo?Egite la valua metavivile te God ale igo la iruru, egite peo la vovo giteu tabulibubu iau moli tela ba bub moli? ¹⁸ Ea vavalima soio tere isasa veage poute la mautu la maila, egite la valua metavivile ale kama lolo la vakarala tetala. ¹⁹ Etato rovia mae egite kama koramuli veage tiroro soilo tela mautu la mailala te tala la vula, egite kama tautau lailo.