¹ Mae moli egite la valua valolo ausu sesele magiri Galili emiteu,etatou ge abi lele tomi la golu ale ge vogatalo etatou abi lele la iruru ale ge sautola la mulia tegatou.Etato ge pou makovo ge tete tela vaipepela. ² Etatou ge mata soio te Iesu,ea la vula golu tomi ea la vula tautau la ilo.La vula momoge la oio poutalia mae ea bole la tau valautu kama maela,ea pou oio tela lima la egato oata la ilo la lalage. ³ Etato ge gabutala vagari soio tetala,egite la valua la iruru igo bara tia,ea la moli ea magiri vagari bole tomi la ilikum telala.Mae moli ea tatou ge gabutala ge retaroa toge tilimulia. ⁴ A mutu magiri vagari tela tolo la laila karatela igagala tela tigi taro la kasoso. ⁵ Umala amuto ge gabutala taro la vakarala ale,egite vea murou.Ela tola talo,amutou kama gabu la itikumula kama bare la uru ea vaimatata amutou. ⁶ La uru ea vaimatata egite valua me tavivile tetala ale ea masaga egiteu ea kue egite baisisi ea abi rivu egiteu. ⁷ A muto ge magiri vagari pou makovu. God ge vaimatata amuto mae gite baisisi.God vaimatata etatou mae moli etama gatou otalo la magasa igoa? ⁸ Mae tato kama abi matata la vaiputumulia tela vakarala mae egite isari abia,etato ge sibitala mae gite ale tama gite kama vaimatata giteu. V 9 Egite ausu ge peo etama miteu otalo la magasa vaimatata emiteu emite lotalo moli tegiteu,kara emite ge lotalo moli tela vaiputumulia tela karulu me la maulila! Tela gabutatala isasa,God vaimatata etatou tela taro imila tegatou ge maroka mae ea maroka. ¹¹ Tela imamala ale God vaimatata etatou,ea la moli ea vailigi etatou.Ea la moli ea vaisibitala lou la tia malumalula lou tegiteu. ¹² Mae moli vaimata la limamu ea paruti sotalo la tutuvula ea kama vagari. ¹³ Vaimatata la tuluga taume eme ge tuga vola,tela tuluga taume ale eme toga vola ea koma kora ea ge tartigi lou. ¹⁴ Eme ge tia vaikapopo mae gete la valua metavivile eme maroka tela mata God,la tatalo isa kama ge ilo God mae ea taola la iruru. ¹⁵ Vaibomuli umala ge retaro la gilogo te God la tia itikumula umala ge pou tela tiam ea ge igo bara la tiamu. ¹⁶ Vaibomuli umala la tavulovulo la iruru ge pou taume ka egite ale kama rovi e God mae Iso,tela Kupapa(plet) isasa ea baiea vea ea la gama maratatila. ¹⁷ Eme rovia vamuli,ea ge abi la vabila tetala,la rovi lala ouka,la vula ea kama ilo mamisi kama vakarala gilo go God kama lolo vakarala tetala tilali tela la. ¹⁸ Eme kama loata la gove vea sautolea ka eme ge gabua,la avi la gove ea karere,la masori, la itikumula puru,laura auru. ¹⁹ Eme kama gomai la mautu la mautu la mare rego la ea auru egite pusu la vaivai(bugel)ka egite lolo la tilola isa egite lolo la tilola isasa egite siala ila ilo lea. ²⁰ Egite kama ti lolo lua:"La vakara vagagarila loata te God,mae la bolo isa gomai agavi tela gove,egite ge abia la vo." ²¹ La uru ea taga la itikumula ea pou oio tela ba alele Moses vela,"Eau taga la vovogu ea pariri." ²² Mae,eme gomai la gove Saion maroka la mautu te God ere ea pou mauli,Jerusalem ea te ilo lalage egite la ensel ausu sesele egite momoge. ²³ Eme gomai la lotu tela muga le latua tamale,ere ma iteu la isa gite oata la ilo lalage,e gomai te God,ea vaimatata egite la valua metavivile ea ge vaimatata la kalulu giteu la valua metavivile. ²⁴ Gomai te Iesu,ea isa moli tela vaiputumulia ale alaba tela kasoso la pagegele vakarakara ile la golu ale tartigi,ea muga tela kasoso le Abel. ²⁵ Eme ge vaibomuli umala ge polo lele poketaro ere vakarakara amutou,egite kama ele tela imamala ale egite koli la vakarala ere vakara vagari tavu egiteu. ²⁶ Tela imamala isasa la bargorula igo la magasa malugu,ea la moli igoe e vavalima ea veia,tela imamala isasa,"eau ge igo la magasa ge malogu ea la moli kama la magasa moli,la ilo lalage tai." ²⁷ Egite la vakarala, "Tela imamala isa lou,"la masovala mae ge abi lele tomi,la golugolu tomi la malugulugu ge sibitala,ea mae,la golu ale God vaipoua ea ge vakari ea ge pou. ²⁸ Mae moli etatou ge abi la mautu la mauli sosoula ale kama ge poru,tato ge momoge tela tavulovolo ale ge lotu tavu e God me ge tagea. ²⁹ God tegatou ea God la avi ea ge vakau tomia.