¹ Igoe la tautau la ilo tegatou ea rovitia vea la golu ale etatou pou talia ge abia etato ge rovi tai me la golu isari tato gama iloa. ² Egite tutubu gatou egite tautau la ilo.Mea la tautau la ilo tegite ea tartigi ³ Ea sesele,tela tautau la ilo etato rova e God e vakara la golu tomi ea sibitala,mae la golu tomi etato iloa,ea igo la golu etato kama iloa. ⁴ Abel ea tautau la ilo te God ea igo la vabila ea muga te kein tela imamala alele ea sibitala mae la talo ale matata e God ea vakara vaikapopo me eia ea peo,ela moli la tautau lailo tetalo te tala ea vakara. ⁵ Enok ea tautau la ilo te God e God pulia,ea kama ilo la pileo,egite pamulia ea la moli egite kama tukurua la vula,e God abi rivtia.La imamala e God soku ma abi Enok,la tavulovulo le Enok ea tartigi tela mata ie God. ⁶ La talo ea kama tautau la ilo,God kama ge momoge ila ea tartigi mae la talo ge goio agavi te God ea ge tautau la ilo vea e God pou ea igo tigi egite ale pamulia. ⁷ Tela tautau la ilo moli e Noa abi la vakara matagagala tela golugolu tomi ale ea kama iloa,tela tavulovulo ale tartigi ea pa ea veo(ship)vea ge bomuli egite me la tatula. La imamala ea igoa mae ea vagotalo la masagagala tela magasa ea igoa mae ea e tutubu la tautau la ilo. ⁸ Abraham tautau la ilo,tela imamala ale God tolea, ea ge goio tela mautu ale God raragi tia vea ea ge pou vola , ea tuga ea kama rovia ea ge gove . ⁹ Ea tautau la ilo ea pou tela masaga alele mae ea la maratatila isa polo, ea pou tela kale(hausel)vaikapopo me Aisak me Jekop.Egite tomi ale la maratila e God vavalima vea ge abia giteu. ¹⁰ Tela logo tomi ea pou talia veage ilo la mautu auru ea pou vagari sesele, tela mautu auru alele e oto ea raragia vea ge igoa. ¹¹ Tela tautau la ilo moli,e Sara kama tige pigo Abraham tautau la ilo vagari vea ge tama le guliliki.Mae ea auru ti,ea tautau la ilo mae la imamala ale a tautau la ilo mae,God vavalima ti vea ea ge pigo isa guliliki. ¹² Mae moli,Tela talo isa moli ea auru ti agavi vea ea ge peo.Ea tama gete guliliki tomi egite sibitala ausu mae la matau tabu me la magasa la mago la talo isa kama kora muli ge gigia. ¹³ Egite la valalua metavivile ale tautau la ilo te God kara egite peo.Egite kama abi la golu isa ale tartigi e God vavalima vea ge abia giteu, ouka,egite magiri matata soio tela golu ale malau sesele teale egite iloa.Egite kama ela vea ge veia,emite pou mae la valalua metavivile la mosi. ¹⁴ Mae tatou ge lolo egiteu la valua metavivile egite vara mae,etato ge rovia, egite pa la magasa te giteu. ¹⁵ Mae egite kabutatala moli ile la magasa ale egite retaroa egite gomi, egite kora muli ge beu rivua. ¹⁶ Egite masaga seselea vea ge abi polo la,magasa teale ea isa polo ea tartigi sesele, ea la ilo lalage,mae moli e God kama mae la ile la varala te gite.La vula,ea rara gite la mautu isa te giteu. ¹⁷ Tela tautau la ilo moli Abram, imamala e God tovo lalaila ea vea ge sugu taro e Aisak mae la vabila,tela moli e guliliki ge sibitala. ¹⁸ La imamala ale God veale Abram, "te Aisak egite tutubula la isa gite ge sibitala " ¹⁹ Abram gabutala mea,mae Aisak ge peo,God koramuli ge vaimaulia,ea sesele etatou umala ge taitaro la golu ale sibitala. Abram abi rivu e latula tela pileo. ²⁰ Tela tautau la ilo moli,la golu tomi sibitala te Aisak ea vaibalavala e Jekop me Iso. ²¹ Jekop ea tautau tela imamala ea agaviti ge peo.Ea vaibalavala e latula ilua tamale te Josep. Jekop ea la gutua oata la to tetala ea lotu tavu God. ²² Josep ea tautau la ilo tela imamala ea agaviti ge peo ea vela,vamuli egite Israel la rova egite ge igoa tela tuala. ²³ Tela tautau la ilo moli,Moses abi tala egite taukokovua la talo itolu ea guliliki ale tartigi sesele. Egite kama taga la vakarala te King. ²⁴ Tela tautau la ilo,Moses, vamuli ea auru ti,ea katima taga vea ge vea palaea vea kama e latu le rutu le parao. ²⁵ Ea la moli,ea masaga vea ge abi la itigumula vaikapopo mae la valua metavivile te God ea kama masagea vea ge tilimuli la tavulovulo te la maututu la. ²⁶ Ea rovia mea la tavulovulo la tilimuli la uru ea tartigi sesele ea muga tela golu tomi oio Isip."La vula"ea mamata te la mapa la . ²⁷ Tela tautau la ilo moli, Moses retaro e Isip. ea kama taga la tia itikumula te King, la vula la rovia ea iloa mae la uru ea pou vaikapopo eia. ²⁸ Tela tautau la iloa moli,ea rovia mae God abi lele la valua metavivile loio Isip vaikapopo mela kasoso oio tela mata galuma. Mae moli latalo bili e latou giteu la matalagu ale tamale ea kama bili egiteu. ²⁹ Tela tautau la ilo moli,egite tulu polo la maga ale meme goio tela magasa,egiteu Isip tovo tovolalaila veage tilimuli egiteu la mago sali taro egiteu. ³⁰ Tela tautau la ilo moli,la bigomu le Jeriko paru, Tela imamala ale egite la logo iviru. ³¹ Tela tautau la ilo moli,Remab la tavele ale polopolo ogala ea kama peo vaikapopo me giteu teale egite vulo la vakarala. Tela ea puli egiteu la valua ale vege mata lailai me la tia makovula. ³² Ere golu isa lou eau ge veia?eau ige kama ge pou tela imamala alele.Mae eau ge veia Gidion,Barak,Samson,Jeptai,David,Samuel egite la Profet. ³³ Tela tautau la ilo moli,egite abi la maututula ale. Gogolu mela tavulovolo ale tartigi ge abi ala vaibalavala egite sautola la are la laion, ³⁴ la vagagarila avi kama abi egiteu gaga taro la viso,egite tartigi tela to tegiteu egite vaikue gite muga egite la valua la vaikuela tela mautu alele. ³⁵ Egite tavivile ale peo ti egite iliti riu lou. Egite isari igo bara la vovogiteu amaratamara vea ge iliti rivu lou. ³⁶ Egite isari, vaimari la gililo,egite kue egiteu kisi tola la lima giteu la va giteu tave giteu soilo te la luma la kapirobi. ³⁷ Egite bili egite la vo. Egite barautu egite la mave vila ilua tela viso. egite avurobo egite la kulikuli la sipsip me. Egite la golu isa ouka,egite savelea. ³⁸ Egitale kama masaga la magasa ale. Egite tuga bubulau moli,soata la vo lulu otala la magasa. ³⁹ Ea sesele egite tomi la valalua me tavivile God momoge ile la tautau la ilo tegite,ea lamoli egite sokoma abi la vaiputumulia,God veia. ⁴⁰ God la vaiputumulia ale tartigi somai tegatou la vula mae eto kama pou,la golu tomi kama ge tartigi.