¹ Mwami Leza wakaambila Moses: ² "Kobandika kubantu ba Isreal, ubaambile kuti, 'Aya ngamapobwe a Mwami Leza ngabikile, ngomweelele kwaambilizhya mbuli kubungana kusetekene; Mapobwe aangu azumanana. ³ Inga mwabeleka ukwa mazuba aali cisambomwi, pele buzuba ubwa ciloba mbuzuba ubwa Nsabata bwakulyookezhya kumaninine, ubwa kubungana imbungano isetekene. Tamweelele kubeleka mulimo nouba omwi nkaambo mbuzuba bwa Nsabata ya Mwami Leza mumasena oonse momukkala. ⁴ Aaya ngamapobwe a Mwami Leza ngabikile, kwakubungana imbungano isetekene nkoyelele kwaambilizhya muzhyiindi zhyibikilwe zhyangao: ⁵ Mumwezhyi wakutaanguna, mubuzuba ubwa ikumi aane mumwezhyi kuciindi camangolozhya acibbililo cazuba, ndi Pasika ilya Mwami Leza. ⁶ Mubuzuba ubwa ikumi amusanu mumwezhyi nguwena Ndipobwe ilya Cinkwa cinyina Bumena ilya Mwami Leza. Mazuba aali ciloba mweelele kulya cinkwa icinyina bumena. ⁷ Mubuzuba ubwakutaanguna amububike ambali kuti mubungane antoomwe; tamweelele kucita milimo ya lyoonse. ⁸ Mukacitile Mwami Leza mulumbo wazhyilyo mazuba aali ciloba. Buzuba ubwa ciloba mbwakubungana kubikilwe ambali ku Mwami Leza, alimwi mubuzuba ubo tamweelele kucita mulimo nouba omwi ya lyoonse.''' ⁹ Mwami Leza wakaambila Moses, kuti, ¹⁰ "Kobaambila bana ba Isreal kuti, Mwaakuhika kunyika eeyo njiyakumupa, alimwi mwamana kutebulazhyilyo zhyanjiyo, nkokwaamba muleelele kuleta kalwi kakabalwebalwe ka maila ku mupaizhyi. ¹¹ Walo mupaizhyi ulakatambika kalwi aako kamaila kumbele lya Mwami Leza akupa kuli nguwe Mwami Leza, kutewa katambulwe kwiimina ndimwe. Momubuzuba noyamana Insabata mupaizhyi nayakutambika kalwi kakabalwebalwe kuli ndime. ¹² Mubuzuba obo nomwatambika kalwi kakabalwebalwe ka maila akukaleta kuli ndime, mweelele kutuula kagutu kambelele komwe akali aa mwaka wakuzhyalwa akanyina kampenda mbuli cituulo cakutenta kupa ku Mwami Leza. ¹³ Cituuzhyo ica maila ceelele kuba zhyipaanzhyi zhyobile mwikumi ilya zhyitundu zhyabuhwu busete buhvwelelwe a mahuta aajihya, cituulo cibambwa aamulilo acipaililo kupa ku Mwami Leza, kutewa kube kununkilila kubotu, alimwi antoomwe acituulo cacinywiwa ica waini, cibeela icane ca hin. ¹⁴ Tamweelelekulya cinkwa, nokuba kulya maila aayokelwe naba mabohvwu, kuhikila mubuzuba oobu mbomuleta cituuzhyo eeci kuli Leza wenu. Ooyu ulkaba mulawo utamani kumazhyalani abantu bako, mumasena oonse momukkala. ¹⁵ Kutalikila buzuba kwamana Nsabata - ubu mbobuzuba mbomwakaleta kalwi kakabalwebalwe kamaila mbuli cituula cakutambika - kamubala insondo zhyili musanu azhyobile. ¹⁶ Mubale mazuba aali makumi asanwe, bwalo bulakaba buzuba ya mana Nsabata iya ciloba. Nkokuti muleelele kuleta buzuba oobu cituulo ica maila mapya ku Mwami Leza. ¹⁷ Muleelele kuleta kuhvwa mumaanda eenu zhyinkwa zhyobile nzhyomwakapanga kuhvwa ku zhyipaanzhyi zhyobile mwikumi ilya zhyitundu. Zhyeelele kuti zhyakabambwa kuhvwa ku buhu busete alimwi cakayokwa kacikwete bumena; eezhyi zhyinkwa zhyilakaba cituuzhyo cakutambika icakabalwebalwe ku Mwami Leza. ¹⁸ Muleelele kupa antoomwe acinkwa eeci bana bambelele abali musani abobile bakwete buyo mwaka omwi wa kuzhyalwa kabatakwete akampenda, amoombe mucende omwi uuhvwa mulutanga, alimwi abagutu bobile ba mbelele. Eezhyi zhyilaba cituulo cakutenta ku Mwami Leza, kacipelwa antoomwe acituulo ca maila alimwi azhyituulo zhyazhyinywiwa, cibe cituuzhyo icipewa amulilo waacipaililo alimwi kacikwete akununkililila kubotu ku Mwami Leza. ¹⁹ Mweelele kupa mujembwe wa mpongo omwi wiiminina cituulo icazhyinyonyoono, alimwi kubika atugutu tobile twambelele itwa mwaka omwe wakuzhyalwa kwiiminina cipo, ica zhyiituulo zhyakuswaangana mubulongwe. ²⁰ Eezhyi zhyoonse mupaizhyi ulazhyitambika antoomwe acinkwa camaila akabalwebalwe ku Mwami Leza, akuzhyileta kuli nguwe mbuli cituuzhyo antoomwe abana bambelele boblile. Eezhyi zhyilaba zhyituulo izhyisalala ku Mwami Leza pesi zhya mupaizhyi. ²¹ Uleelele kwaambilizhya mubuzuba ubo. Kulaba imbungano isalala, alimwi mutaciti milimo yabuyobuyo. Ooyu mulawo ngwalyoonse mumazhyalani oonse abantu bako mumasena oonse momukkala. ²² Ciindi nomutebula zhyilyo izhyanyika yenu, tamweelele kumanininzhya kutebula mabahvwu oonse aamyuunda yenu, alimwi mutabwezeleli twakupupula twabutebuzhyi bwenu. Kamuhiila bacete abeenzu. Ndime Mwami Leza Leza wenu.''' ²³ Mwami Leza wakaambila Moses, ulaamba, ²⁴ "Kokanana kubana ba Isreal akwaamba kuti, 'Mumwezhyi wa ciloba, buzuba ibwakutaanguna ubwamwezhyi uyu kulakaba kulyookezhya kwabulemu kuli ndimwe, ciibaluhyo icikwete akulizhya impeta, akunkomba imbungano iisalala. ²⁵ Mutabi nomubeleka milimo yenu yalyoonse, alimwi mweelele kupa muyasilo uubambwa amulilo acipaililo ku Mwami leza.''' ²⁶ Mpoona Mwami Leza wakaambila Moses, ulaamba, ²⁷ ''Ono mubuzuba ubwakumi mumwezhyi nguwena uyu wa ciloba Mbuzuba ubwa Kuzhyimaanya milandu yabantu. Bweelele kuba aimbungano iisalala, alimwi mwebo muleelele kulitola anhyi cakulibombya akupa cituulo cakutenta amulilo acipaililo. ²⁸ Mutabi nomubeleka mulimo nouba omwi mubuzuba ubo nkaambo mbobuzuba Ubwakuzhyimaanya milandu yabantu, kutewa mulekelelwe milandu yenu kubuhyu bwa Mwami Leza Leza wenu. ²⁹ Kuhwumbwa muntu uutalitoli anhyi icakulibombya mubuzuba ubo weelele kukwihyiwa kuhvwa kubana kwabo. ³⁰ Kuhwumbwa muntu uubeleka mubuzuba ubo, Mebo, Nde Mwami Leza, ndakamunyonyoona kuhvwa akati kabantu bakwabo. ³¹ Tamweelele kucita kuhwumbwa muhyobo wa mulimo mubuzuba ubu. Ooyu ulakaba ngo mulawo wa lyoonse mumazhyalani aabantu bako oonse mumasena moonse ngomukkala. ³² Ubu buzuba bweelele kumubela Insabata yakulyookezhya kwabulemu, alimwi mweelele kulitola anhyi icakulibombya mubuzuba bwa musanu aane mumwezhyi kumangolezhya. kuhvwa mangolezhya acibbililo akuhyikila aamwi mangolezhya aatobela acibbillilo cazuba muleelele kubamba Insabata. ³³ Mwami Leza wakakanana kuli Moses, ulaamba, ³⁴ ''Kokanana kubana ba Isreal, ubaambile kuti, 'Mubuzuba bwaikumi aosanwe mumwezhyi wa ciloba kulakaba ipobwe lya mahvwuka ilya Mwami Leza. Ipobwe lyamahvwuka lilakatola mazuba aali ciloba kumana. ³⁵ Mubuzuba bwakutaanguna kulaba kuswaangana imbungano isalala. Mutaciti mulimo wabuyo walyoonse. ³⁶ Kwa mazuba aali ciloba mweelele kutuula muyasilo ubambwa amulilo ku Mwami Leza. Mubuzuba ibwalusele kuleelele kube kuswaangana imbungano isalala, alimwi mweelele kutuula muyasilo wa mulilo ku Mwami Leza. Ooku nkuswaangana kwambungano iisalalahya, alimwi mutabi nomucita mulimo uumbi walyoonse. ³⁷ Aaya ngamapobwe aabikilwe a Mwami Leza, ngoyelele kwaambila mbuli imbungano isalala kukutuula muyasilo wamulilo kupa ku Mwami Leza, cituulo cakutenta alimwi a cituulo ca maila, miyasilo alimwi azyituulo zhya zhyinywiwa., alimwi ipobwe libe mubuzuba ububikilwe kucitwa. ³⁸ Aaya mapobwe alakaba akuyungizhya atala aama Nsabata a Mwami Leza alimwi azhyipo zhyenu, azhyikonke zhyenu, alimwi amilumbo yakutuula njomupa ku Mwami Leza. ³⁹ Kukwatikizhya ipobwe lya mahvwuka, mubuzuba ubwa ikumi amusanu mumwezhyi wa ciloba, lilya nomwamana kutebula michelo iya nyika yenu, muleelele kubamba ipobwe ili ilya Mwami Leza ikwa mazuba aali ciloba. Buzuba bwakutaanguna bulakaba ubwa kulyookezhya kwabulemu, alimwi mubuzuba ubwa lusele abwalo bulakaba ubwa kulyookezhya kwabulemu. ⁴⁰ Mubuzuba ubwakutaanguna muleelele kusalaula akubweza michelo iinda kubota kuhvwa kumasamu, mitabi yazhyisamu zhyatunhvwuma, alimwi amitabi yazhyisamu zhyikwata matuhvwu manji, alimwi amalubaluba aahvwa kutulonga, kwamana mulakakondwa kumbele ilya Mwami Leza Leza wenu ikwa mazuba aali ciloba. ⁴¹ Mazuba aali ciloba mwaka a mwaka, mweelele kusekelela ipobwe ili lya Mwami Leza. Ooyu ulakaba mulawo walyoonse mumazhyalani oonse aabantu bako mumasena oonse momukkala. Mweelele kusekelela ipobwe ili mumwezhyi iwa ciloba. ⁴² Kamuponena mutuhvwukahvwuka ukwa mazuba aali ciloba. Bantu boonse abakazhyalilwa mu Isreal beelele kuponena mutuhvwuka ikwa mazuba aali ciloba, ⁴³ kutewa lunyungu lwenu ,luza munhyi kumazhyalani a mazhyalani atobela, bakaiye mbwindakacita bantu ba Isreal kuti baponene mutuhvwukahvwuka tulibo boobu lilya nindakabakwihya munyika iya Egypt. Ndime Mwami Leza Leza wenu..''' ⁴⁴ Umbona buya, Moses mbwakaambilizhya kubantu ba Isreal mapobwe asalilwe akubikwa ambali aa Mwami Leza.