¹ यहोवा के बदे एक नया गीत गावा, काहेकि ओन आश्चकर्मन के कइले हयन! ओकरे दहिना हाथ आऊर पवित्र भूजा ओनकरे बदे उद्धार कइले हयन! ² यहोवा आपन कयल उद्धार प्रकाशित कइलन, ओन अन्यजातियन के नजर मे आपन धर्म प्रगट कइले हयन। ³ ओन इजरायल के घराने पे क आपन करूणा आऊर सच्चाई क सुधि लेहलन, आऊर धरती के सब दूर-दूर देशन हमने के परमेश्वर क कयल उद्धार देखले हयन। ⁴ हे पुरा धरती क लोगन, यहोवा क जयजकार करा; उत्साहपूर्वक जयजयकार करा, आऊर भजन गावा! ⁵ वीणा बजाके यहोवा क भजन गावा, वीणा बजाके भजन क स्वर सुनावा। ⁶ तुरहियन आऊर नरसिगन के फूँक-फूँक के यहोवा राजा क जयजयकार करा। ⁷ समुन्दर आऊर ओमे क सब समान गरज उठअ; जगत आऊर ओकर निवासी महाशब्द करअ! ⁸ नदियन तालियन के बजावअ; पहाड़ मिलके जयजयकार करअ। ⁹ इ यहोवा के सामने होवअ, काहे की ओन धरती क न्याय करअ के आवअ वाला हयन। ओन धर्म से जगत क, आऊर सच्चाई से देश-देश के लोगन क न्याय करीहन।