¹ यहोवा राजा भयल हयन धरती मगन होआ अऊर द्वीप जवन बहुत हयन, ऊ भी आनंद करअ! ² बादल अऊर अंधकार ओनके चारों ओरि हव ओनके सिंहासन क मूल धर्म अऊर न्याय हव। ³ ओनके आगे-आगे आग चलत-चलत ओनके विरोधियन के चारों ओरी भस्म करअला। ⁴ ओनके बिजलियन से जगत प्रकाशित भयल धरती देखके थरथरा गयल हव! ⁵ पहाड़ यहोवा के सामने मोम के तरे पिघल गयल मतलब पुरा धरती क परमेश्वर के सामने। ⁶ आकाश ओनके धर्म क साक्षी देहलेस अऊर देश-देश का सब लोगन ओनकर महिमा देखले हयन। ⁷ जेतना खोदल मूर्तियन क उपासना करअलन अऊर मूर्तियन पे फूलअलन ऊ लज्जित होवअ हे सब देवतावन तू ओनहीं के दंडवत करा। ⁸ सिय्योन सुनके आनन्दित भयल, अऊर यहूदा क बेटियन मगन भईलिन हे यहोवा, ई तोहरे नियमन के वजह से भयल। ⁹ काहे कि यहोवा तू पूरा धरती के ऊपर परमप्रधान हयअ तू सब देवतावन से अधिक महान ठहरल हयअ। ¹⁰ हे यहोवा क प्रेमियन, बुराई से घृणा करा ऊ अपने भक्तन के प्राणन क रक्षा करअलन अऊर ओनके दुष्टन के हाथ से बचावअलन। ¹¹ धार्मिक के बदे ज्योति अऊर सीधा मनवाले के बदे आनन्द बोयल गयल हव। ¹² हे धर्मीयन यहोवा के कारण आनंदित होआ; अऊर जऊने पवित्र नाम से ओनकर स्मरण होला ओनकर धन्यवाद करा।