¹ परमेश्वर उठअ , ओनकर दुश्मन तितर - बितर होवअ ; अऊर ओनकर दुशमन ओनके सामने से भाग जाई ! ² जइसे धुआं उड़ जाला , वोसही तू ओनके उड़ा देहअ ; जइसे मोम आग के आँच से पिघल जाला , वोसही दुष्ट लोग परमेश्वर के उपस्थित से नष्ट होइहन । ³ लेकिन धर्मी खुश रहअ ; उ परमेश्वर के सामने प्रफुल्लित रहअ ; उ आनन्द मे मगन रहअ ! ⁴ परमेश्वर क गीत गावा , ओनकरे नाम क भजन गावा ; जवन निर्जल देश मे सवार होके चललन, ओनके बदे सड़क बनावा ; ओनकर नाम यहोवा हव , ऐहिसे तू ओनके सामने प्रफुल्लित होवअ ! ⁵ परमेश्वर अपने पवित्र धाम मे , अनाथन क पिता अऊर विधवा क न्यायी हयन । ⁶ परमेश्वर अनाथन क घर बसावलन ; अऊर बन्दि के छुड़ाके सम्पन्न करअलन ; लेकिन हठीला के सूखल भूमि पे रहअ के पड़ला । ⁷ हे परमेश्वर , जब तू अपने प्रजा के आगे - आगे चलत रहलअ , जब तू निर्जल भूमि मे सेना समेत चललअ , ( सेला ) ⁸ तब धरती काँप उठअल , अऊर आकाश भी परमेश्वर के सामने टपकअ लगल , उधर सीनै पर्वत पमेश्वर , हां इस्राएल क परमेश्वर के सामने काँप उठलअ । * ⁹ हे परमेश्वर , तू बहुतायत क बारिश कइलअ * ; तोहार निज भाग त बहुत सूखल रहल , लेकिन तू ओके हरा -भरा कइले हयअ ; ¹⁰ तोहार झुण्ड ओमे बसअ लगल ; हे परमेश्वर , तू अपने भलाई से दीन जन के बदे तैयारी कइले हयअ । ¹¹ प्रभु आज्ञा देलन , तब शुभ समाचार सुनाव वालीन क बड़ा सेना हो जाला । ¹² अपने अपने सेना समेत राजा भाग चलल जालन , अऊर गृहस्थिन लूट के बाँट लेवलीन । ¹³ का तू भेड़शालन के बीच लेट जइबअ , अऊर अइसन कबूतर के समान होइहन जेनकर पंख चांदी से अऊर जेकरे पे पीला सोना से मढल रहल होई ? ¹⁴ जब सर्वशक्तिमान ओमन राजाओ के तितर - बितर कइलन , तब माना सल्मोन पर्वत पे हिम पड़ल । ¹⁵ बाशान क पहाड़ परमेश्वर क पहाड़ हव ; बाशान क पहाड़ बहुत शिखरवाला पहाड़ हव । ¹⁶ लेकिन हे शिखरवाला पहाड़ , तू काहे ऊ पर्वत के घूरअलअ , जेके परमेश्वर अपने वास के बदे चहले हयन , अऊर जहाँ यहोवा सदा वास कइले रहीहन ? ¹⁷ परमेश्वर क रथ बीस हजार , बल्कि हजारो हजार हव ; प्रभु ओनके बीच मे हयन , जइसे सीनै पवित्रस्थान मे हव । ¹⁸ तू ऊँचा पे चढ़अल , तू लोगन के बँधुआई मे ले गइलअ ; * तू मनुष्य से , बल्कि हठीला मनुष्य से भी भेंट लेहलअ , जेसे यहोवा परमेश्वर ओनके मे वास करीहन । ¹⁹ धन्य हयन प्रभु , जवन रोज हमार बोझ उठावलन ; ऊँहअ हमार उद्धारकर्ता परमेश्वर हयन । ²⁰ ओनही हमरे बदे बचावअ वाला परमेश्वर ठहरलन ; यहोवा प्रभु मृत्यु से भी बलावलन । * ²¹ निश्चय परमेश्वर अपने दुश्मन के सिर पे , अऊर जवन अधर्म के मार्ग पे चलत रहअलन , ओनकर बाल भरी खोपड़ी पर मार मार के ओके चूर करीहन । ²² प्रभु कहले हयन , " हम ओनके बाशान से निकाल ले आइबला ; हम ओनके गहिरा सागर के तल से भी फेर ले आइबला , ²³ कि तू अपने पैर के खून मे डूबायअ , अऊर तोहार दुश्मन तोहरे कुत्ता क भाग ठहरीहन । " ²⁴ हे परमेश्वर , तोहर गति देखल गयल , हमार परमेश्वर ,अऊर राजा क गति पवित्रस्थान मे देखल गयल हव ; ²⁵ गाववाला आगे - आगे अऊर तारवाला बाजा के बजावअ वाला पीछे - पीछे गइलन , चारो ओर कुमारियन डफ बजावत रहलीन । ²⁶ सभा मे परमेश्वर क , हे इस्राएल के सोते से निकलल गयल लोगन प्रभु क धन्यवाद करअ । ²⁷ पहिला बिन्यामीन जवन सबसे छोटा गोत्र हव , फिर यहूदा क हाकिम अऊर ओनकर सभा जबूलून अऊर नप्ताली क हाकिम हयन । ²⁸ तोहार परमेश्वर तोहरे सामर्थ्य के बनयिले हयन; हे परमेश्वर , अपने सामर्थ्य के हमरे पे प्रगट करअ जईसे तू पहिले प्रगट कईले हयअ। ²⁹ तोहरे मन्दिर के कारण जवन यरुशलेम मे हव , राजा तोहरे बदे भेंट ले अइहन । ³⁰ नटकट मे रहअवालन जंगली पशुअन के साँड़न क झुण्ड के , अऊर देश - देश क बछड़न के झिड़क दअ । उ चाँदी क टुकड़ा लेके प्रमाण करीहन ; जवन लोग युद्ध से खुश रहअलन , ओनके ओन तितर - बितर कइले हयन । ³¹ मिस्र से अधिकारी अइहन ; कुशी अपने हाथ के परमेश्वर के ओर फुर्ती से फैईलईहन । ³² हे धरती पे क राज्य - राज्य क लोगन , परमेश्वर क गीत गावा ; प्रभु क भजन गावा , ( सेला ) ³³ जवन सबसे ऊँचा सनातन स्वर्ग मे सवार होके चलअलन ; देखा उ आपन वाणी सुनावअलन , उ गम्भीर वाणी शक्तिशाली हव । ³⁴ परमेश्वर के सामर्थ्य क स्तुति करअ , ओनकर प्रताप इस्राएल पे छायल हव , अऊर ओनकर सामर्थ्य आकाशमण्डल मे हव । ³⁵ हे परमेश्वर , तू अपने पवित्र जगह मे भययोग्य हयअ , इस्राएल क परमेश्वर ही अपने प्रजा के सामर्थ्य अऊर शक्ति के देवअवाला हयन । परमेश्वर धन्य हयन ।