¹ हे परमेश्वर, हमने अपने कानन से सुनली, हमने क बाप-दादा लोग हमने से वर्णन कईले हयन, की तू ओन सबके दिन में अउर प्राचीनकाल में का-का काम कईले हयअ। ² तू अपने हाथ से जातियन के निकाल देहलअ, अउर एन सबके बसईलअ; तू देश-देश के लोगन के दुःख देहलअ, अउर एन सबके चारों ओरी फईला देहलअ; ³ काहे की उ न त अपने तलवार के बल से ए देश क अधिकारी भईलन, अउर न अपने बाहुबल से; लेकिन तोहरे दहीने हाथ अउर तोहरे भुजा अउर तोहरे खुश मुख के वजह से जयवन्त भईलन काहे की तू ओनके चाहत रहलअ। ⁴ हे परमेश्वर, तोहीं हमने क महाराजा हयअ, तू याकूब के उद्धार क आज्ञा देलअ। ⁵ तोहरे सहारे से हमने अपने द्रोहीयन के ढकेलके गिरा देबला; तोहरे नाम के प्रताप से हमने अपने विरोधियन के रौंदबला। ⁶ काहे कि हम अपने धनुष पे भरोसा न रखबला, अउर न अपने तलवार के बल से बचबला। ⁷ लेकिन तोंही हमने के द्रोहियन से बचईले हयअ, अउर हमने के बैरियन के निराश अउर लज्जित कईले हयअ। ⁸ हमने परमेश्वर क बड़ाई दिन भर करत रहीला, अउर हमेशा तोहरे नाम क धन्यवाद करत रहब। (सेला) ⁹ तभो तू अब हमने के छोड़ देहलअ अउर हमने क अनादर कईले हयअ, अउर हमने के दलन के संगे आगे नाही जालअ। ¹⁰ तू हमने के दुश्मन के सामने से हटा देवअलअ, अउर हमने क बैरी मनमाना लूट मार करअलन।" ¹¹ तू हमने के कसाई के भेड़न के तरे कर देहले हयअ, अउर हमने के अन्यजातियन मे तितर-बितर कईले हयअ। ¹² तू अपने प्रजा के सेंत-मेंत में बेच डालअलअ, लेकिन ओनके मोल से तू धनी नाही होलअ। ¹³ तू हमने के पड़ोसियन से हमने क करावलअ, अउर हमने के चारों ओरी रहअवाले हमने से ठट्ठा करअलन। ¹⁴ तू हमने के अन्यजातियन के बीच में अपमान ठहरइले हयअ, अउर देश-देश के लोग हमने के कारण आपन सिर हिलावअलन। ¹⁵ दिन भर हमने के तिरस्कार सहअ के पड़अला*, अउर कलंक लगावअ अउर निन्दा करअ वालन के बोली से, ¹⁶ दुश्मन अउर बदला लेवअवालन के चलते, बुरा-भला कहअ वालन अउर निंदा करअवालन के चलते। ¹⁷ ई सब कुछ हमने पे बितल तभो हमने तोहके ना भूले, न तोहरे वाचा के विषय विश्वासघात कईले हई।" ¹⁸ हमने क मन न बहकल, न हमने क पैर तोहरे रस्ता से मुड़ल; ¹⁹ तभो तू हमने के गीदड़न के जगह में पीस डललअ, अउर हमने के घोर अंहियारे मे छिपा देहले हयअ। ²⁰ अगर हमने अपने परमेश्वर क नाम भुला जाइत, या कउनों पराए देवता के ओरी आपन हाथ फइलाईत,। ²¹ त का परमेश्वर एकर विचार न करअतन? काहेकि ओन त मन के गुप्त बातन के जानअलन। ²² लेकिन हमने दिन भर तोहरे नाम के निमित्त मार डालल जाईला, अउर ओ भेड़न के तरे समझल जाईला जवन वध होवअ पे हव। (रोम8:36) ²³ हे प्रभु, जागा! तू काहे सुतत हय? उठा! हमने के हमेशा बदे त्याग न द! ²⁴ तू काहे आपन चेहरा छिपा लेवलअ*? अउर हमने क दुःख अउर सतावल गयल भूला जालअ? ²⁵ हमने क प्राण मट्टी से लग गयल; हमने क शरीर जमीनी से सट गयल हव। ²⁶ हमने क सहायता के बदे उठ के खड़ा होवा। अउर अपने करुणा के निमित्त हमने के छुड़ा लअ।