1 हम धीरज से यहोवा क बाट जोहत रहे; अउर ओन हमरे ओरी झुक के हमार दुहाई सुनलन। 2 ओन हमके सत्यानाश के गड्ढा अउर दलदल के कीच मे से निकलअलन*, अउर हमके चट्टान पे खड़ा करके हमरे पैरन के मजबूत कईले हयन। 3 ओन हमके एक नया गीत सिखईलन जवन हमने क परमेश्वर के स्तुति क हव। बहुत लोग ई देखिहन अउर ओनकर महिमा करिहन, अउर यहोवा पे भरोसा रखिहन (प्रका. 5:9, प्रका.14:3, भज 52:6) 4 का ही धन्य हव उ आदमी, जे यहोवा पे भरोसा करअला, अउर अभिमानियन अउर मिथ्या के ओरी मुड़अवाले के ओरी मुँह न फेरत होवअ। 5 हे हमार परमेश्वर यहोवा, तू बहुत सा काम कइले हयअ! जवन आश्चर्यकर्मन अउर विचार के तू हमने बदे करअलअ उ मजे क हव; तोहरे तुल्य केहु नाहीं! हम चाहत हई की खुलके ओकर चर्चा करी, लेकिन उ सब क गिनती ना हो सकत। 6 मेलबलि अउर अन्नबलि से तू खुश ना होवअ लअ तू हमार कान खोदके खोलले हयअ। होमबलि अउर पापबलि तू ना चहलअ*। 7 तब हम कहली, "देखा, हम आल हई; काहे कि किताब में हमरे बारे में अईसनअ लिखल हव।' 8 हे हमार परमेश्वर, हम तोहार इच्छा पूरा करअ से खुश हई; अउर तोहार नियम हमरे अन्तःकरण में बसल हव।"(इब्रा.10:5-7) 9 हम बड़ा सभा में धार्मिकता के शुभ समाचार क प्रचार कईले हई; देखा, हम आपन मुँह बन्द नाहीं कईली हे यहोवा, तू एके जानअलअ। 10 हम तोहरे धार्मिकता के मन में ही नाही रखली; हम तोहरे सच्चाई अउर तोहरे करल हुअल उद्धार क चर्चा कईले हई; हम तोहरे करुणा अउर सत्यता के बड़ा सभा से आड़े नाही रखली। 11 हे यहोवा, तोंहु आपन बड़ा दया हमरे पे से मत हटा लअ, तोहरे करुणा अउर सत्यता से हमेशा हमार रक्षा होत रहअ ! 12 काहे कि हम अनगिनत बुराइयन से घेरल हुअल हई; हमरे अधर्म क कामन हमके आके पकड़लन अउर हम नजर ना उठा सकित; उ गिनती में हमरे सिर के बाल से भी ज्यादा हयन; ए बदे हमार दिल टूट गयल। 13 हे यहोवा, कृपा करके हमके छोड़ा ल! हे यहोवा, हमरे सहायता के बदे फुर्ती करा! 14 जे हमरे प्राण क खोज में हयन, उ सब लज्जित होंवअ; अउर ओनकर मुँह काला होवअ अउर उ पीछे हटावल अउर निरादर करल जाएँ जे हमरे नुकसान से खुश होला। 15 जे हमसे “आहा, आहा,” कहअला, उ अपने लज्जा के मारे विस्मित होंवअ। 16 लेकिन जेतना तोहके खोजअलन उ सब तोहरे कारण हर्षित अउर आनन्दित होंवअ, जे तोहार करल हुअल उद्धार चाहअलन, उ हमेशा कहत रहंअ “यहोवा क बड़ाई होवअ!” 17 हम त दीन अउर दरिद्र हई, तभो प्रभु हमार चिंता करअलन। तू हमार सहायक अउर छुड़ावअ वाला हयअ; हे हमार परमेश्वर देरी मत करा।