¹ हे परमेश्वर क लड़कन, यहोवा क, हाँ, यहोवा ही क गुणानुवाद करा, यहोवा के महिमा अउर सामर्थ्य के सराहा। ² यहोवा के नाम क महिमा करा; पवित्रता से शोभायमान होके यहोवा के दण्डवत् करा। ³ यहोवा क आवाज बादलन के ऊपर सुनाई देला; प्रतापी परमेश्वर गरजअलन, यहोवा घने बादलन के ऊपर रहअलन। ⁴ यहोवा क वाणी शक्तिशाली हव, यहोवा क वाणी प्रतापमय हव। ⁵ यहोवा क वाणी देवदारन के तोड़ डालअला; यहोवा लबानोन क देवदारन के भी तोड़ डालअलन। ⁶ यहोवा लबानोन के बछड़न के जईसन अउर सिर्योन के सांड के जईसन उछालअलन। ⁷ यहोवा क वाणी आग के लपटन के चिरअला*। ⁸ यहोवा क वाणी वन के हिला देला, यहोवा कादेश के वन के भी कँपावलन। ⁹ यहोवा के वाणी से हिरनियन क गर्भपात हो जाला। अउर जंगल मे पतझड़ हाेला; अउर ओनकरे मंदिर मे सब केहू "महिमा ही महिमा" बोलत रहअला। ¹⁰ जल-प्रलय के समय यहोवा विराजमान रहलन; अउर यहोवा हमेशा के बदे राजा होके विराजमान रहअलन। ¹¹ यहोवा अपने प्रजा के बल देईहन; यहोवा अपने प्रजा के शान्ति क आशीष देईहन*।