¹ यहोवा हमार ज्योति अउर हमार उद्धार हयन; हम केसे डरी*? यहोवा हमरे जीवन क दृढ़ गढ़ ठहरल हयन, हम केकर भय खाई? ² जब कुकर्मियन जवन हमके सतावत अउर हमसे झगड़ा रखत रहलन, हमके खा डालअ बदे हमरे पे चढ़ाई कईलन, तब उहअ ठोकर खाके गिर पड़लन। ³ चाहे सेना भी हमरे विरुद्ध छावनी डालअ, तभो हम न डेराइब; चाहे हमरे विरुद्ध लड़ाई ठन जाए, ओ दशा में भी हम हियाव बाँधले निश्चित रहबला। ⁴ एक वर हम यहोवा से मंगले हई, ओही के खोज मे लगल रहबला; की हम जीवन भर यहोवा के भवन मे रहअ पाई, जेसे यहोवा के मनोहरता पे नज़र लगईले रही, अउर ओनकरे मंदिर मे ध्यान करल करी। ⁵ काहे कि ओन त हमके विपत्ति के दिन में अपने मण्डप में छिपईले रखिहन; अपने तम्बू के गुप्त जगह में ओन हमके छिपा लेईहन, अउर चट्टान पे चढ़ईहन। ⁶ अब हमार सिर हमरे चारों तरफ के दुश्मनन से ऊँचा होई; अउर हम प्रभु के तम्बू में आनन्द क बलिदान चढ़ाईबला"; अउर हम गाईब अउर यहोवा के बदे गीत गाईबला ⁷ हे यहोवा, हमार शब्द सुना, हम पुकारत हई, तू हमरे पे दया करा अउर हमके जवाब द। ⁸ तू कहले हयअ, “हमरे दर्शन क खोजी होवा”। ए बदे हमार मन तोहसे कहत हव, “हे यहोवा, तोहरे दर्शन क हम खोजी रहबला।" ⁹ आपन चेहरा हम से मत छिपावा। अपने दास के क्रोध करके मत हटावा, तू हमार सहायक बनल हयअ। हे हमार उद्धार करअ वाले परमेश्वर हमके त्याग न द, अउर हमके छोड़ न द! ¹⁰ हमार माता-पिता त हमके छोड़ देहले हयन, लेकिन यहोवा हमके सम्भाल लेईहन ¹¹ हे यहोवा, आपन मार्ग हमके सिखावा, अउर हमरे द्रोहीयन के कारण हम के चौरस रस्ता पे ले चला। ¹² हमके हमरे सतावअवालन के इच्छा पे न छोड़ा, काहे कि झूठा साक्षी जे उपद्रव करअ के धुन में हयन, हमरे विरुद्ध उठल हयन ¹³ अगर हमके विश्वास न होत की जीवितन के धरती पे यहोवा के भलाई के देखब, त हम मूर्छित हो जाईत। ¹⁴ यहोवा क बाट जोहत रहा; हियाव बाँधा अउर तोहार दिल दृढ़ रहअ; हाँ, यहोवा ही क बाट जोहत रहा!