¹ हे यहोवा परमेश्वर सच्चाई क वचन सुना, हमरे पुकार के ओर ध्यान दअ हमरे प्रार्थना क ओरी जवन निष्कपट मुँह से निकलअला कान लगावा! ² हमरे मुकद्दमा क फैसला तोहरे सामने होवअ! तोहार नजर न्याय पे लगल रहअ! ³ अगर तू हमरे दिल के जँचतअ; अगर तू रात के हमार परीक्षण करतअ, अगर तू हमके परखतअ त कुछ भी खोटापन न पईतअ; हमरे मुँह से अपराध क बात न निकली। ⁴ मानवीय कामन मे हम तोहरे मुंह के वचनन के जरिये* अधर्मियन के रस्ता से ख़ुद के बचाए रख्खे। ⁵ हमार पाँव तोहरे रस्ते मे स्थिर रहल, फिसलल नाहीं। ⁶ हे परमेश्वर, हम तोहसे प्रार्थना कइले हई, काहे कि तू हमके उत्तर देबअ। आपन कान हमरे ओरी लगाके हमार विनती सुन लअ। ⁷ तू जवन अपने दहिने हाथ के जरिये अपने शरणागतन के ओकरे विरोधियन से बचावलअ,आपन अद्भुत करुणा दिखावा। ⁸ अपने आँखन के पुतली के जइसन सुरक्षित रखा*; अपने पंखन के तले हमके छिपाए रखा, ⁹ उ दुष्टन से जवन हमरे पे अत्याचार करअलन, हमरे प्राण के दुश्मनन से जे हमके घेरले हुए हव। ¹⁰ उ लोग अपने दिल के कठोर कइले हयन; उ सब के मुंह से घमंड क बात निकलला। ¹¹ उ लोग पग-पग पर हमके घेरले हयन; उ हमके जमीन पे पटक देवअ बदे घात लगाये हुए हयन। ¹² उ वो शेर के तरे हयन जवन अपने शिकार क लालसा करअला, अउर जवान शेर के जईसन घात लगावे के जगह मे बईठल रहला। ¹³ उठा, हे यहोवा! ओकर सामना करा अउर ओके पटक दअ! अपने तलवार के बल से हमरे प्राण के दुष्ट से बचा लअ । ¹⁴ आपन हाथ बढ़ाके हे यहोवा, हमके मनुष्यन बचावा, मतलब सांसारिक मनुष्यन से जेनकर भाग एही जीवन में हव, अउर जेनकर पेट तू अपने भण्डार से भरअलअ*। उ बाल-बच्चन से सन्तुष्ट हयन; अउर शेष सम्पत्ति अपने बच्चन बदे छोड़ जालन। ¹⁵ परन्तु हम त धर्मी होके तोहरे मुख क दर्शन करब ला जब हम जागब ला तब तोहरे स्वरूप से सन्तुष्ट होब ला। (भज. 4:6-7 , 1यहू.3:2)