¹ यहोवा क स्तुति करा! काहे कि अपने परमेश्वर क भजन गावल अच्छा हव, काहे कि ओन मनभावना हयन, ओनकर स्तुति करल उचित हव। ² यहोवा यरूशलेम के फिर बसावत हयन, ओन निकाल हअल इस्राएलियन के इकट्ठा करत हयन। ³ ओन खेदित मनवालन के चंग करअलन अऊर ओनके घाव पे मरहम-पट्टी बाँधअलन। ⁴ ओन तारन के गिनअलन, आउर ओम्मे से हर एक क नाम रखअलन। ⁵ हमने क प्रभु महान आउर अति सामर्थी हयन; ओनकर बुद्धि अपरम्पार हव । ⁶ यहोवा नम्र लोगन के संभालअलन अऊर दुष्टन के भूमि पे गिरा देवेलन। ⁷ धन्यवाद करत के यहोवा क गीत गावा; वीणा बजावत के हमने के परमेश्वर क भजन गावा। ⁸ ओन आकाश के बालदन से भर देलन, अऊर धरती के बदे बरसात के तईयारी करअलन, अऊर पहाड़न पे घास उगावअलन। ⁹ ओन पशुअन के अऊर कऊअन के बच्चन के जे पुकारला, खाना दे लन। ¹⁰ न त ओन घोड़ा के बल के चाहअलन अऊर न आदमी के ताकतवर पैरन से खुश हो लन; ¹¹ यहोवा अपने डरवईयन ही से खुश हो लन मतलब ओनसे जे ओनकरे करुणा पे आशा लगईले रहअलन। ¹² हे यरूशलेम, यहोवा क प्रशंसा करा! हे सिय्योन, अपने परमेश्वर क स्तुति करा! ¹³ काहे कि ओन तोहरे फाटकन के खंभन के दृढ़ कईले हयन; अऊर तोहरे सन्तानन के आशीष देहले हई। ¹⁴ ओन तोहरे सीमा में शान्ति देवेलन, अऊर तोहके उत्तम से उत्तम गेहूं से तृप्त करअलन। ¹⁵ ओन धरती पे अपने आज्ञा क प्रचार करअलन, ओनकर वचन अति वेग से दऊड़अला । ¹⁶ ओन ऊन के तरे हिम के गिरावअलन आऊर राखी के तरे पाला बिखेरअलन। ¹⁷ ओन बरफ क टुकड़ा गिरावअलन, ओनकरे करल हुअल ठंड के के सह सकअला? ¹⁸ ओन आज्ञा देखके ऊ सब के गलावअलन, ओन हवा बहावअलन तब पानी बहअ लगअला। ¹⁹ ओन याकूब के आपन वचन, अऊर इस्राएल के अपने विधियन अऊर नियम के बतावअलन। ²⁰ कऊनो अऊर जाति से ओन अईसन बर्ताव नाहीं कईलन; अऊर ओनके नियमन के अऊर लोग नाहीं जनलन। यहोवा क स्तुति करा।