¹ हे यहोवा, हम तोहके पुकरले हई; हमरे बदे फुर्ती करा! जब हम तोहके पुकारी, तब हमरे ओरी कान लगावा! ² हमार प्रार्थना तोहरे सामने सुगंध धूप, अउर हमार हाथ फइलाईब, साँझ क अन्नबलि ठहरअ (प्रका 5:8, प्रका 8:3,4, नीति 3:25, 1 पत 3:6) ³ हे यहोवा, हमरे मुँह पे पहरा बइठावा; हमरे होठन के दुआर क रखवाली करा! (याकू 1:26) ⁴ हमार मन कऊनो बुरा बात के ओरी मत फिरे दा; हम अनर्थकारी आदमीयन के संग्गे, दुष्ट कामन में ना लगी, आऊर हम ओ लोगन के स्वादिष्ट खाना में से कुछों न खाईं! ⁵ धर्मी हमके मरिहन त हमरे पे करुणा मानल जाई ,आउर ओन हमके डंटिहन त इ हमरे कपारे पे क तेल ठहरी हमार कपार ओसे मना न करी दुष्ट लोगन के बुरा कामन के विरुद्ध हम लगातार प्रार्थना करत रहब। ⁶ जब ओ लोगन क न्यायी चट्टान के ऊपर से नीचे गिरावल गइलन, त ऊ लोग हमार वचन सुन लेहलन, काहे कि ऊ मीठ हव। ⁷ जइसे हल जमीन में चलअ से ढेला फूटअला, ओइसहीं हमने क हड्डीयन अधोलोक के मुँह पे बिखरावल गयल हव। ⁸ लेकिन हे यहोवा प्रभु, हमार नजर त तोहरे ही ओरी लगल हव; हम तोहार ही शरणागत हई; तू हमार जान जाए न दा! ⁹ हमके ओ फंदा से जवन उ लोग हमरे बदे लगईले हयन आउर अनर्थकारियन के जाल से हमार रक्षा करा! ¹⁰ दुष्ट लोग अपने जाल मे खुद ही फँसअ आउर हम बच निकली।