¹ हे यहोवा बचा लअ, काहे कि एक भी भक्त नाही रहल; मनुष्यन में से भरोसेमंद लोग लुप्त हो गयल हयन। ² सब मनुष्य अपने पड़ोसी से झूठा बात कहअलन; उ चापलूसी के होंठन से दु रंगी बात करअलन । ³ यहोवा सब चापलूस होंठन के अउर ओ जीभ के जऊने से बड़ा बोली निकलअला *काट डलिहन। ⁴ उ कहअलन, "हमने अपने जीभ ही से जीतबला, हमने क होंठ हमने के ही वश में हव; हमने पे के शासन कर सकी?" ⁵ दीन लोगन के लुट जाए, अउर दरिद्रन के कराहअ के कारण, यहोवा कहत हयन, "अब हम ऊठबला, जेकरे पे उ फुँकारत हयन ओके हम चैन विश्राम देबला।" ⁶ यहोवा क वचन पवित्र हव, ओ चांदी के जइसन जवन भट्ठी में माटी पे तायल गयल,अउर सात बार निर्मल करल गयल हो*। ⁷ तोंही हे यहोवा ओनकर रक्षा करबअ, उ सब के ई काल के लोगन से हमेशा के बदे बचाए रखबअ । ⁸ जब मनुष्यन में बुराई क आदर होला, तब दुष्ट लोग चारों तरफ अकड़त फिरअलन।