¹ यहोवा क स्तुति करा! यहोवा क धन्यवाद करा, काहे की उ भला हयन; अऊर ओनकर करूणा सदा क हव! ² यहोवा के पराक्रम के कामन क वर्णन के कर सकला, या ओनकर पूरा गुणानुवाद के सुना सकला? ³ का ही धन्य हयन ऊ जवान न्याय पे चललन, अऊर हर समय धर्म क काम करअलन ⁴ हे यहोवा अपने प्रजा पे क प्रसन्नता के अनुसार हमके स्मरण कर, हमरे उद्दार के बदे हमार सुधी लअ, ⁵ कि हम तोहरे चुनल हुए का कल्याण देखी, अऊर तोहरे प्रजा के आनंद में आनंदित हो जाई; अऊर तोहरे निज भाग के संग बढाई करअ पाई ⁶ हम त अपने पुरखन के समान पाप कईले हई*; हम कुटिलता कईली, हम दुष्टता कईले हई! ⁷ मिस्र में हमार पूरनियन तोहरे आश्चर्यकर्म पे मन नाहीं लगईलन, न तोहरे अपार करुणा के याद रखलन; ओन समुद्र के किनारे, अर्थात लाल समुद्र के किनारे पे बलवा कईलन। ⁸ तबो ओन अपने नाम के निमित्त ओनकर उध्दार कईलन, जेसे ऊ अपने पराक्रम के प्रगट करअ। ⁹ तब ओन लाल समुद्र के घुड़ुकलन अऊर उ सुख गयल; अऊर ऊ ओनके गहिरा जल के बीच से माना जंगल में से निकाल ले गईलन । ¹⁰ ओन ओनके बैरी के हाथ से ऊबरलन , अऊर शत्रु के हाथ से छुड़ा लेहलन। ¹¹ अऊर ओनकर शत्रु जल में डूब गईलन; ओम्में से एक भी ना बचलन। ¹² तब उ लोगन ओनके वचन के विश्वास कईलन; अऊर ओनकर स्तुति गावअ लगलन। ¹³ लेकिन उ झट ओनके कामन के भूल गईलन; अऊर ओनकरे युक्ति के बदे ना ठहरलन। ¹⁴ ओन जंगल में आति लालसा कईलन अऊर निर्जल स्थान में परमेश्वर क परीक्षा कईलन। ¹⁵ तब ओन ओनके मुंह मांगल वर त देहलन, लेकिन ओनके प्राण के सुखा देहलन। ¹⁶ ऊ लोग छावनी में मूसा के, अऊर यहोवा के पवित्र जन हारून के विषय में डाह कईलन, ¹⁷ जमीन फट के दातान के निगल गयल, अऊर अबीराम के झुंड के निगल लेहलन। ¹⁸ अऊर ओनके झुंड में आग भड़क उठल; अऊर दुष्ट लोग लौ से भस्म हो गईलन। ¹⁹ ऊ लोग होरेब मे बछड़ा बनइलन, अऊर ढलल मूर्ति के दंडवत कईलन । ²⁰ ऊ लोग परमेश्‍वर क महिमा, के घास खायेवाला बैल क प्रतिमा में बदल डललन*। ²¹ ऊ अपने उद्धार करता परमेश्वर के भूल गईलन, जे मिश्र में बड़ा-बड़ा काम कईले रहलन। ²² ओन त हाम क देश में आश्चर्यकर्म अऊर लाल समुद्र के तट पे भयंकर काम कईले रहलन। ²³ येही से ओन कहलन कि हम येनकर सत्यानाश कर डालित अगर हमार चुनल मूसा जोखिम के स्थान में ओनके बदे खड़ा न होतन ताकि हमरे जलजलाहट के ठंडा करअ कहीं अईसन न हो कि हम ओनके नष्ट कर डाली। ²⁴ ऊ लोग मनभावन देश के निकम्मा जनलन, अऊर ओनके वचन के विश्वास ना कईलन। ²⁵ ओन अपने तंबू में कुड़कुड़ईलन, अऊर यहोवा क कहल ना मनलन। ²⁶ तब ओन ओकरे विषय में शपथ खईलन कि हम एनके जंगल नाश में ना करबला, ²⁷ अऊर एकरे वंश के अन्यजातियन के सम्मुख गिरा देबला, अऊर देश-देश में तितर-बितर करबला ²⁸ ऊ बालपोर देवता के पूजअ लगलन अऊर मूर्दन के चढ़ावल पशुअन क मांस खाये लगलन ²⁹ ऊ लोग अपने काम से ओनके गुस्सा दिलइलन, अऊर मरी ओनके मे फूट पड़ल । ³⁰ तब पीनहास उठ के न्यायदण्ड देहलन, जेसे मरी थम गयल । ³¹ अऊर इ ओनके लेखे पीढ़ी से पीढ़ी तक हमेशा के बदे धर्म गिनल गयल ॥ ³² ऊ लोग मरीबा के सोता के पास थी यहोवा क गुस्सा भड़कइलन, अऊर ओकरे वजह से मुसा क हानि भयल ; ³³ काहे कि ऊ लोग ओनके आत्मा से बलवा कइलन, तब मूसा बिना सोचले बोल उठलन । ³⁴ जउने लोगन के बारे में यहोवा ओनके आज्ञा देहले रहलन, ऊ सब के ओन नाश ना कइलन, ³⁵ भलुक ओही जातियन से हिलमिल गइलन अऊर ओनके व्यवहार के सीख लेहलन; ³⁶ अऊर ओनके मुर्तियन क पूजा करअ लगलन, अऊर ऊ ओनके बदे फंदा बन गयल । ³⁷ भलुक ऊ सब अपने बेटा बेटियन के पिशाचन बदे बलिदान कई देहलन ; ³⁸ अऊर अपने निर्दोष बेटा बेटियन क खून बहइलन जेके ऊ सब कनान के मूर्तियन पे बलि कइलन, एही बदे देश खून से अपवित्र हो गयल । ³⁹ अऊर ऊ सब खुद अपने काम के वजह से अशुद्ध हो गइलन, अऊर अपने काम के वजह से व्यभिचारी भी बन गइलन ॥ ⁴⁰ तब यहोवा क गुस्सा अपने प्राजा पर भड़कल, अऊर ओनके अपने निज भाग से घिन्न आयल ⁴¹ तब ओन ऊ सब के अन्यजातियन के वश में कई देहलन, अऊर ओनकर दुश्मन लोग ओनके पे हुकुम चलईलन । ⁴² ओनकर दुश्मन लोग ओनके पे अन्धेर कईलन, अऊर ऊ सब ओनके हाथ के नीचे दब गईलन । ⁴³ बार बार ओन ओनके छुड़इलन, लेकिन ऊ सब ओनके विरोध में युक्ति करत गइलन, अऊर अपने अधर्म के वजह से दबत गईलन । ⁴⁴ तब भी जब जब ऊ सब क चिल्लाइब ओनके कान में पड़ल, तब तब ओन ऊ सब के संकट पे नजर डललन ! ⁴⁵ अऊर ऊ सब के भलाई बदे अपने वाचा के याद करके अपने अपार करुणा के अनुसार तरस खईलन, ⁴⁶ अऊर जे ऊ सब के बन्धुआ करके ले गयल रहल ऊ सब से ओन पे दया करईलन ॥ ⁴⁷ हे हमार परमेश्वर यहोवा, हमार उद्धार करा, अऊर हमके अन्यजातियन में से एकट्ठा करलअ, कि हम तोहरे पवित्र नाम क धन्यवाद करी, अऊर तोहार स्तुति करत के तोहरे विषय में बड़ाई करअ ॥ ⁴⁸ इस्राएल क परमेश्वर यहोवा अनादिकाल से अनन्तकाल तक धन्य हयन ! अऊर सब प्रजा कहा "आमीन!' यहोवा क स्तूति करा ॥