1
Djipi kumasmã,ate pahol;ipahol-la te ke Bõdje;i pahol a te Bõdje,
2
I li te djipi kumsmã ke Bõdje.
3
Tut bagaj-iela vini dji li,i sã li ãiẽ pate ke fet.
4
La li te gãiẽ lavi,i lavi-la ate lime dji om-iela.
5
Lime ka limẽ la suku,i suku-la pa ka bai kõt ke li.
6
Te gãiẽ un om ki Bõdje voie i so nõ a jã.
7
Li vini kumã tẽmuẽ pu pale zafe lime,pu tut mun khe lasu li .
8
Li pate sa lime,mẽ li vini ãvi pale dji lime.
9
Ia te lavehite lime, ki ka klehe tut on,a ki ka hive lasu late.
10
Li te lasu tã,i li fe tã-la,mẽ tã-la pa hekõnet-li.
11
Li vini pusa ki a te sopa,i sopa-iela pa husuel.
12
Mẽ sa-iela ki husuvel,ki khe lasu so nõ,li bai ie povua pu ie tonẽ pitxit dji Bõdje.
13
Ki pa fet dji djisã,nẽ dji plezi dji laxe,nẽ dji plezi dji om-iela
14
I pahol tonẽ laxe i hete la no mitã,i no ué so Gloria,kumã gloria dji unigenito dji papa,plẽ ke graça i dji laverite.
15
jã ka pale dji li i ka pale dji vue hot; Sa a kika vim aphue dji mo i plis hot dji mo,pase ate ãvã dji mo.
16
pase so plenitude no tut husuve graça ãle graça.
17
mē lua-la ie bai dji Moisés, mē graça i lavehite vini dji Jezi khi.
18
Pies mun para gē ué Bõdje.A hē li kisa Bõdje ki te deha ãsam lá bha dji papa,sa ki mõthel.
19
I sa a temuē dji Jã,kã judeus voie dji Jerusalém sacerdote i levita ie te tho ãvi dumãdel; a ki mun u?
20
Lidji biē kle i pa mãto,mē li kõfese:mo pasa Jezi khi.
21
Ēbe ie dumãdel"ki mun a u,ēbe ? u sa Elias "? li hepon;" mo pasa".Ei dji: " u sa profeta?".Li hepon nõ".
22
Ēbe ie dji:"dji no a ki mun a u,pu no bai lahepõs pusa ki voie no.A kisa u kadji dji u nem mem"?
23
Li dji:"Mo sa vué dji sa ki hele la deserto;hãje ximẽ dji sẽie;kumã profeta Isaias dji.
24
I Sa-iela ki ie te voie ate dji fariseus.
25
I ie dumãdel;ẽbe ,pukisa u ka batxize,si u pasa Jezi khi,i nẽ Elias i nẽ profeta.?''
26
Jã hepon-ie ''mo ka batxize ke djilo ;la zot mitã,jãiẽ un mum ki zot pa konet.
27
Sala a ki kavin aphue dji mo,dji ki mo pamehite dji desatar so kod dji so savat''
28
.Sa bagaj-iela fet la Betânia,lá out bo dji Jordão,kote Jã te ka batxize.
29
La out ju,Jã ue Jezi ka hive obol li ,dji;''usa pitxit dji bõdje ki ka txihe pexe dji tã-la.
30
A dji li ki mo pale ;'sa ki ka vin aphue djimo i plis hot dji ki mo.ki te deha lasu tã ãvã mo.
31
Mo pa te konet-li,mẽ,pu te mõthel la Isaias.mo te ka vini batxize ke djilo''.
32
Jã pale;''mo ue sẽtesphui te ka de san dji la lahosiel kumã un pijõ,i poze lasu li.
33
Mo pate kõnet-li;mẽ sa ki voie-mo batxize ke dji lo,dji pu mo ;sa mun ki ke ue sẽtesphui de san i hete lasu li ,sala a ki ka batxize ke sẽtesphui.
34
Mo ue lavehite ki sala a pitxit dji Bõdje''.
35
La uot ju,Jã te laba ãko ke de djiso djisip;
36
li ue Jezi ka pase,li dji;''mẽ la pitxit dji Bõdje!''.
37
De djisip-iela kute kisa Jã dji,i ie pase maxe deie Jezi.
38
Jezi tonẽ,li ue ki ie te ka deiel li dji pu ie;''a kisa zot le ? ie hepon;Met,kote u ka hete?''.
39
Li dji pu ie;''vini i ue.'' ie ale,i,ie ue kote Jezi te ka hete;i ie hete ke li la sa ju-la,pase deha te ka hive lo djizem
40
André fue dji Simão Pie,ate un ki kute Jã pale i ie maxe deie Jezi.
41
Li kõthe phomẽ so phop fue,Simão,i li dji ''no kõthe Messias''kia Jezi khi''.
42
Li potel pu Jezi.ka gade pu li,Jezi dji ;''u sa Simão,pitxit dji Jã.u ke aple ato Cefas ki ka dji Pie''.
43
La out ju,kã Jezi ale pu Galileia,li kõthe Filipe li djil;''vini deie mo''.
44
Filipe ate dji Betsaida,pei dji André i pie.
45
Filipe kõthe Natanael li dji pu li ;sa ki a lua dji Moises i profeta ie ekhi,no thuvel,Jezi pitxit dji josé,dji Nazare''.
46
Natanael du mãde;''puve vini kek bagaj bõ dji Nazare?''.Filipe hepon;''vini i ue''.
47
Jezi ue Natanael ka hive phox ,li dji puli;''mẽ esi un Israelita ki pa gãiẽ mãto!''.
48
Natanael dumãdel;''dji kote u kõnet mo?''.Jezi hepon;ãvã Filipe te apleu,mo u éu kã u te fika ãba fidjie''.
49
Natanael hepon:''Met ,usa pitxit dji bõdje! usa Hue dji Israel!''.
50
Ẽbe Jezi dji : ''pase mo djiu ki mo te ueu ãba fidje,u ka khe? u ke ue bagaj plis gho dji ki sa.
51
La lavehite la lavehite mo ka dji pu zot ki zot ke ue lahosiel-la luvui,i Zãj-iela dji Bõdje ka mõte i desan la su pitxit dji om''.