¹ -La thoa zêm ju-la,te gâiê lamaiz de Galileia,e mãmã dji jezi te ka fe phuezãs laba. ² Jezi ke djisipulo-iela ie ãvite osi pu sa lamaiz-la. ³ I,kã ue djivẽ-la fini,mãmã dji jezi dji:ie pa gãiẽ djivẽ ãko . ⁴ Jezi hepõn:pukisa upa ka vini kote mo,jãm?mo lokaziõ pãko hive. ⁵ So mãmã dji siavito-iela: zot fe tut sa ki li ka dji. ⁶ Te gãiẽ laba sis pot dji hox ki judeu-iela ,te ka ize pu ie sãtxifike,xak un dji ie te ka txiẽbe kathevẽ i sã vẽ lit. ⁷ Jezi dji:"zot plẽ tut sa pot-iela ke djilo".Ie plẽ-iela juk juk la so misu. Ẽbe li dji pu siavito-iela:"tihe un mo so pu pu zot pote pu xef dji cerimonia-la". ⁸ Ẽbe kõsa ie fe. ⁹ Kã ue xef dji cerimonia-la gute dji djilo thãsfomẽ ã djivẽ,Li pate save dji kote li te ka vini(mẽ siavito-iela ki tihe djilo-la ie te save).Li aple noivo-la. ¹⁰ Li dji:"tut ofui phomiẽ bõ djivẽ-la,dji-la out kalite djivẽ-la,kã ue tut sa mun-iela ki ie ãvite hete su.U ke sehe bõ djivẽ-la". ¹¹ Sa phomiẽ sin-la,jezi fe la caná dji galileia,kote li mãnifeste i li mõthe so glória,i tut so siavito-iela discipulo khe la su li. ¹² Aphue dji sa,jezi ,so mãmã,so fue-iela ie ale pu kafahnaum ie hete laba pu un de ju. ¹³ Pak dji judeu-iela deha te ka phox,ẽbe jezi ale pu jerusalem. ¹⁴ Kã li hive lãdã templo li kõthe boku mun ki te ka vãde bef,mutõ,hãmie. ¹⁵ Jezi fe un ian dji kod,li fe ie sotxi tut pu deho dji templo,ãsam ke ie mutõ,i ie bef-iela;Li kate tut ie lajã ate,i li xavihe tut ie tab-la. ¹⁶ Li dji pusa ki te ka vãde hãmie-iela :"zot tihe tut sa bagaj-iela dji isi,sot pa fe kas dji mo papa kumã un magazẽ". ¹⁷ So discipulo-iela siavito-iela xãje dji sa ke ekhi:"pokosiõ dji u kaz fini ke mo.'' ¹⁸ Lãmem,xef dji judeu-iela hepon:"ki sin u ka mõthe pu mo ki u ka fe sa bagaj-iela?". ¹⁹ Jezi hepon:moka fini dethi ke sa templo kaz dji adohasiõ, i ã thoa ju mo ka hu leve ãko". ²⁰ Ẽbe judeu-iela dji:"sa templo pote kahãt sis ãnẽ pu leve,i u ka dji ke u ka leve ã thoa ju?". ²¹ Mẽ li te ka pale dji templo ,ki a so phop ko. ²² Mẽ aphue ki li hesusite dji lamo-la, so discipulo-iela siavito-iela xõje dji sa ki li te dji,i ie khe lasu pahol dji bõdjie ki jezi dji. ²³ Kã li te la jerusalem, lãdã fet dji pak,boku mun khe lasu so nõ,pase ie ue sin i mihak ki li te ka fe. ²⁴ Mẽ jezi pa te gẽ kõfiãs lasu-ie,pase li te konet ie tut. ²⁵ Pate buezẽ pies mun pale suje om-la;pase li mem te konet sa ki te lasu om-la.