Eta 1

1 Pɔlu Yesu Klisu ezanyitɔ, dozɔn Mawu ejomè, do zɔn egbɛ e ɔjɔgbé fifian kena le Yesu Klisu mè ɔnji 2 ŋu le wlan nu weman xiɔ doxwlan Timɔté, xo vi vivɛ. Emɛnu vivɛ gɔdo ɔŋzinzin kuna emè gɔdo fifa, kena lɛ le Mawu, etɔ gɔdo tɔhonɔn Yesu Klisu deɔ nɛ nɔn gɔdo yé ekpɛdida na Mawu. 3 Ŋu le donu ekpɛ na Mawu emè kena ŋu le sɛn nu ɖikɛn xotɔgbo ye dɔ gbe, le jimèn kinkɔn me ŋu le donu ɔŋkusin weji ga si a gamè, le xoɖɛ mè kle gɔdo Azan. 4 Na ŋuɖo ɔŋkusin we adasin ye jiɔ, e nɔn jloŋu be ma bakpɔn ɔnna ma dokkɔn jɔɛ. 5 Ŋu le ɖonu ɔŋkusin yisé a dodoé wétɔ ji yisé kena nɔn wenɔn loyis gɔdo wé nɔn Enike si tantɛn ɔn, ŋuyisé be ele ɔyɔcan wesi. 6 Eyɔ wutu ɔŋule flin nu nɔn be a na Mawu enu mina kena le wèmɛn do zɔn xo ɔlɔɖo eta nɔnji, nè nɔn egbè le wemè. 7 Ɖo ŋu nyu ɔvivɔn egbigbɔ Mawu na mio, vɔ hinhlɔn gɔdo wannyi gɔdo emèɖéji ɖuɖu e gbigbɔn wɛ ena mi. 8 Eyɔ utu ɔ é yan ni ka wɔ, do tɔhonɔn ekunu ɖiɖé gɔdo emlɔn kena nui é gankpa mè nɔn tɔ wu o. Vɔ ɖu aya gɔdoŋu do ewɛn zantan ɔwu do zɔn do hinhlɔn kena Mawu nɔn ji. 9 Mawuhlɛn migan eboylɔmi bé mi an nyi ye tɔn. Ŋu wasiexiɔ do ezan na mi wasi o wutu o, vɔ do zɔn Yesu kliso jigbɔxue egbèɔ do jɔ. 10 Sibɛɔ, eɖé xlɛ do zɔnxwlɛn gantɔ klisu Yesu ebibamè, eme kenagu eku, bodo maku gbeɖe doba kinklin nu dozɔn ewɛn nyɛn ɔnji. 11 Ewɛnnyɛn xiɔwututu Mawu ɖo ŋu ewɛn dotɔ gɔdo ezanyitɔ gɔdo enuklamé tɔ. 12 Enuxiowutu wɛ ŋu le aya xiɔ ye ɖunu do. Vɔ enyan ŋu wa ŋ ɖoŋu nyɔn emè kena ŋu yisé ɔŋu deji dewu be akpɔn enu kena yeyi do asi naŋɔ ji kakja baba kojɔ ɖiɖo zan gbé. 13 Exo aodoe kena ɔse le xonuɔn hɛnye do ejimè, na a myi kpon de we nayé do ɔɖo do le yisé gɔdo ewannyi kena le Klisi Yesu me ɔ mè. 14 Gbigbɔ kikɔn kena le mi mè ɔn nɛ na na hinhlɔn wu ɔna ahɛn enukplamè nyɔnɛn kena yeyi do ɔlɔme nɔnwu. 15 Ɔmɔn enu je ewubé emè kena le azia yetɛtɛlɛkɔ le ɔgɔdo ŋu, figɛló gɔdo hɛnmɔgenè can le yemè. 16 Tɔhonɔn nɛ kuŋzinzin na onesiforo éxuedo ɖo enɔn do hinhlɔnwuŋ ganmè ganmè, eganmenɔntɔ kena ŋunyi ɔn ŋu nɔn wanya nini o. 17 Vɔ ganmena eba Rɔma ekanŋu gɔdo vivɛnu dido, ebokpɔnŋu. 18 Tɔhonɔn Yesu nè na akpɔn ɔŋzinzin kuna eme mawu tɔn yi le kojo ɖiɖo zangbé ye nyɔn ɔn gan ŋuji.