¹ Sibɛ ɔ, ɔyɔ hvisiɛn le Mawu e emenuvivɛ kena le Yesu klisime mè. ² Yi enukplamè kena ɔsé le xokemɛ ɔ, le kŋnudeto susu e ɔŋkusinmè ɔn, na emè kikɔn ɖeye eme kikon kena yeyé can ye atinŋu kplaye u emè bu ye. ³ Ɖuaya godo ŋu ɖikinklisin Yesu é a huan futɔɖo adodoe ɖɔgbé. ⁴ Sɔja kena le wanu a huan bo le kannu be beye ezan a sɔgbe le ɔŋmè na ye exuetɔ ahuanga, ŋu nɔn wa zan bu hu sɔja zan o. ⁵ Kesin kewɛ ɔwezu dotɔ kena le ɔwezu donu na éŋu do ɔwezu ɔ do jijɔ jio ye ŋu kpéji a yi ɔji ɖuɖu gbayi cɔn nè o. ⁶ Eglé lɛtɔ kena lɛgblé ɔwɛ a ɖu egbé nu kunɔn tantɛn. ⁷ Bu exo kena ŋule lɔnu ɔn mè kpɔn, kpɔtuɛye ɔtɔhonɔn a na a tɔn jɛ mè. ⁸ Ɖo ɔŋu kusin Yesu klisu Davidi ɔkunkan mèvi kena Mawu fɔn le eku, do zɔn do ewɛn nyɛn kene kena ŋu do ɔji. ⁹ Ewɛn nyɛn xiɔ wutu wɛ ŋu ɖu aya do kaka ye do doŋu egan, ɖikin nuvuɛn vatɔ dɔgbé. Vɔ Mawu éxoɔ ye ŋu doé egan o. ¹⁰ Eyɔ wutu ŋu doji le enu ye tɛtɛ mè do émè cician ye wutu, na yéye can yekpɔn xwlɛngan kena le Klisu Yesu mè ɔn gɔdo gigo hinhlon tɛtɛ tɔnyi. ¹¹ Exiɔ nyi exo dodoe: na mi ku gɔdoé ɔ mi a gɔ nɔ egbɛ gɔdoé. ¹² Na mi ɖu aya gɔdoe ɔ mi an ɖu ega can gɔdoe na mi gbɛ ɔ éyɔ cana gbɛ mi. ¹³ Na miŋu nyi honugbomè o a, eyɔ nyi honu gbomè, ɖo éŋukpeji agbɛ eɖeo. ¹⁴ flin enu xiɔ na emè siamè, gbɛ na yele Mawu eɔŋu kɔn bé ye ni jo exo dindɔn do yeŋu doale de hu émè nale nalesenu ye eci clɔn. ¹⁵ Dovivɛ nu na ayi weɖe yi xlɛ Mawu ɖikɛn emè na do ɔdɔ edo gɔdo ezan watɔ kena ényan ŋu nɔn wa ɖɔgbé, ezan watɔ kena nɔn ma xonugbo ɔ pɛpɛ dogbé. ¹⁶ Jodavɛ gbigbleye do, ɖoyenɔn na emèyé ŋu gɔ nɔn vɔn Mawu o. ¹⁷ Ye enukplamè nɔnɖu emè ɖikɛn abi vivo dɔgbé. Emè xiɔnye mè wɛhimenio gɔdo filto le. ¹⁸ Emè xiɔn yé ɔyebu emɔn le xonu gbo ɔmè, ye bolilɛ emè susue xɔse e ɔŋkusin mè cɔn a wan na do yenɔn le lɔnubé fifɔn le ku nɔn bayi. ¹⁹ Ganke Mawu édodoe sinsinɛn ye le ete ma huan mahuan: Jesido nale en wɛnyi exoxiɔ Mawu nyɔ emè kena myi etɔn yé gɔdo emè ɖekpekpe kena nɔn ylɔ Mawu enu e nyin kɔ nè tɔn le enu kpotoé wiwa mè. ²⁰ Ŋnyin sika gɔdo klosalo e ésunjin nu dodo kpoŋ wɛ nɔn nɔn ɔhue gboyé meo, ɔtin tɔn gɔdo baba tɔn can nɔn nɔn a wan. Eɖeyé ɖo yɛyi yea zan ye le enu jɔnu owiwa egan mè, kpɔtɔɛ yele na zinzan vɔvɔ le ɔxe mè. ²¹ Eyɔwutu ɔ na emè ɖe lɛ eɖe bo kɔnle enu xiɔtɔye mè ɔ a nyi enu zinzan dodoe kena bubu jɛ godo, kena jɛ na ɔwuétɔ e zinzan kena sɔgbe na ezan zantan tɛtɛ wiwa. ²² Gbɛ ɖekajɛ mè enu nyiwan na yé na ajɛ enu jijɔ wiwa, yisé, ewan nyin, fifa egodo, gɔdo emè teyɔnu Mawu le eji mè kinkɔn mè ye wu. ²³ Jo sukunɔn gɔdo yakamè hokansédo. Nyɔnɛn bé a jlexe nɔn hɛn do ba. ²⁴ Ŋusɔgbe be Mawusɛntɔ anɔn wa ajle o, vɔ anɔn wa blɛ o gɔ do emè tɛtɛkeŋkeŋ, etɛn ŋ kplanu, a bo hɛn adodoe le enu vɛn wiwa mè. ²⁵ Egbé blɛ o wɛ a do nɔn kpla nu eme kenu nɔn fɔn adan do Mawu ho ɔ wuyé. Eta ŋu nyɔn o Mawu a naye a luɔ edɛn, na ye a nyɔn honugbo ɔ. ²⁶ Na ye afɔn le ye ɖe mè, na ye a volɛgba, kena wliye, do wasi ganmɛn ɔntɔye, le ejlo wiwa é emɔn titlɛ mè.