¹ Kena ajɔgbe finfyan xeɔye le misiɔ ɛmɛ vivɛ ye mina mia kɔn mi ye eɖe ye wu le agbaza kɔ do gbigbɔ ejwixixo tɛtɛmɛ na mia na mi ye ekinkɔn nyi nyi azɔn nywɛɖe le Mawu sisi mɛ. ² Mì na mi emɔ le miye ejimɛ mi ŋu ƒɛ ɔgɔ do ɛmeɖe o. ³ Emlɔ ŋule lɔnu exeɔ a do do ehwɛ do ɛmɛtio, do ŋulɔ na mi san be, mile mi ye ejimɛ̀, le ɛgbɛ kɔdo eku mɛ. ⁴ Ŋuɖo jido gboo ɖe do miwu, mi nyi ego yinu gboɖe naŋu, nu jwɔ kɔdo ɔkɔnfifa ŋujwɔ kɔdo jijwɛ susu le mi ye ayaɖuɖu tɛtɛ mɛ. ⁵ Ɖo kena mi ba Makedonia mi ŋu kpɔn jijwɛ ti o, vɔ mikpe efun le enu susu mɛ. Ɔvun wiwa le gbangban gbe, vinvɔn le eji mɛ. ⁶ Vɔ ɔ M‌awu kena enɔ fa eji na emɛke na ehwe ye eɖe ye ɔ fa ɔkɔ na mi, kɔdo Tito ebiba ⁷ ŋu nyi kɔdo ebiba ɖóɖó ò v ɔɔ kɔdo ɔkɔnfifa kena ekpɔn le mide ɔ can. Elɔ ke na mi jro vivɛ ɖe be mian kpɔn ŋu ɖo‌‌ ɔ miye avi vivi ye kɔdo kena mi sɔgbe a hwlɛn xota ɖo ɔ nami exe ɔ na ŋukpɔn jijwɛ dokpe. ⁸ Ɖo na ŋu do ɔxomɛsin na mi san can mɛ ɔn, ŋu vɛ na ŋuo, ŋukpɔn be na egɔ nyi ganmɛ viɖe can ɔ xwema xɛnɔ do ɔxomɛsin ma mi. Enu na evɛ na ŋu ɔ kpo exɛn. ⁹ Vɔ ɔ, syɛ ɔ eji le jɔnuu, ŋu nyi ɔxomɛsin kena edo lan mɛ na miɔn wutu o, vɔ ɔ ɔxomɛsin ɔ hɛn Ɛdɛn lilwɔ doba na mi. Ɖo akpɔɖomi do zɔn do Maawu ɔjro ji na be mi ŋu wa enu nyinyran ti kɔdo mi o. ¹⁰ Ɖo ɔxomɛsin ɔdo zɔn do Maawu ɔjro jio, nɔ na edɛn lilwɔ nɔ hɛn hwlɛngan doba eyɛ ŋuɖo a vɛna mi o. Vɔ ɔ ɔxo do y ɔe nu ɔn nɔ hɛn eku do nɔ ba. ¹¹ Sibɛ ɔ, mi kpɔn naɖe na ɔxomɛsin do zɔndo Maawu ɔjrɔjiɔ le ezan wanu le mi ye edodo mɛ ɛɛn. Mi ye ŋutɔ ye mi kpɔn mi ye ɔji cici kɔ ɔjro nyɔɛ ɖa. Ɛmɛ ɖe eta hwinhwlɛn do evɔɛn ta Mawu vinvɔn, ɔjro vivɛde vivɛ do ɔto dindɔn do evɔɛn ta ! Le exo xeɔ kea mɛ̀ ɔ mi ye ŋutɔ ye ɔ, mi ɖe ke na mi ye ewuju kɔnɖo ɔ xlɛ. ¹² Eyɔ utu ɔ, na ŋuwlan xwema ɖoxwlan mi ca emlɔ ŋu wlɛn do ɛmɛ na ejɛ ɔgɔ do wuo, vɔ ɔ na mi ye e cɛncɛn mɛ le Mawu ɔkusimɛ. ¹³ Exeɔ wutu mikpɔn ɔkɔnfifa do, bɔdo mi ye ɔkɔnfifa xeɔ wutuɔ, mikpɔn ejijɔɛ gbooɖe do Tito ejijwɛ u, ɖo egbigbɔ kpɔn gbɔjwɛ le miye tɛṭɛ de ¹⁴ Ɖo na ŋu yi mi do yi ego viɖe le ɔkusimɛ ɔn mlɔ ŋu enya o, vɔ ɔ ɖikɛn kena milɔ enye tɛtɛ le xonu gbo mɛ ɔ.Kesin kewɛ mi ye ego yiyi le Tito ɔkusimɛ ɖa ! alɛ zun xo nugbo. ¹⁵ Na ele flin nu mi ye ɔtɔnu sise ɔ, na ɖe na mi ye tɛtɛ mi yi kɔdo ɔvinvɔn kɔdo sisi ɖo ɔ mi ye enu gɔ nɔ hɛn eji nii do hugan. ¹⁶ eji le jɔ nu ŋu be makpeji a ɖo jidodo miwu le enu tɛtɛ mɛ.