¹ Kena mi nyi ezanwatɔ ye kɔdo Maawu ɔ, mile danu mìye càn be, maka yi Maawu emaje ɔ vɔvɔ o ² Ɖo élɔ̀ be: ŋuɖo ɔto ye, do ɛmɛhwenu eyɛ ŋu do ye ɔlɔ le hwlɛngan azan gbè. kpɔn ɖa sibɛ wɛ nyi maje eganmɛ, kpɔnɖa sibɛ wɛnyi hwlɛnga azangbe ³ Mi ŋu jro ana ɔfɔklɛn nuɖe le enuti mɛ o, na ye ŋuka kpɔn exoti alɔ do miye e devi za an wu o. ⁴ Bohun le enuye tɛtɛ mɛɔ, mi nɔ ɖe mi ye eɖe ye xlɛ ɖikɛn Maawu emɛsɛntɔ ye kesin minɔ do vivɛnu ŋutɔ le jɔgbe vwɛn ye mɛɔ le ayaɖuɖu ye mɛ ɔ̀, le vinvɔn ye mɛ le ehyan ye mɛ le vivɛ sise ye mɛ. ⁵ Le xixo ye mɛ, le gankpa ye mɛ le zingigi ye mɛ minɔ do eji le enutikɔ ye mɛ, le ɔnubibla ye mɛ ⁶ Miye ejimɛ nɔ́nɔ̀ kinkɔn mi nɔ ɖe Maawu e nunyinyɔ xlɛ, minɔ hɛn ɛmɛ blɛ oo, mi nɔ wa ŋdɔ mɛ nywɛ. Gbigbɔ kinkɔn ɔ le kɔdo mi. Mi nɔ lwɔn emɛ le xonugbolilo mɛ̀. ⁷ Mi nɔ lɔ xonugbo le Maawu e hinhlɔn mɛ. Enujijɔ wiwa a hwanwanu wɛ mido nɔ hwlɛn mi ye eɖeye ta. ⁸ Emɛ ye nɔ mi ɖoxwlan ɔji, vɔ gɔ n‌ɔ do mi vlo, ye nɔ kafu mi vɔ gɔ nɔ ɖi gbɔ mi, ye yi mi ɖikɛn ɛlɛlotɔye kesin ganke minyi xonugbotɔ ye ⁹ Ɖikɛn emɛna ye ŋu nyɔ o kesin ganke ye nyɔ mi: Ɖikɛn ɛmɛ ye nɛ eku kesin ganke kpɔnɖa milɛ egbɛ̀ ye nɔ xomi, ganke ye ŋu nɔ hu mio. ¹⁰ ye nɔ na, mi ɖekpekpe gan mɛ, ye bube mi nyi wamɛnɔye ganke mi le wanu, emɛ susu le lɛ nu zun ɔdɔkunnɔ ye bui be mi ŋu ɖo enutio, ganke miɖo enu tɛtɛ. ¹¹ Mi lɔ exo na mi faa, Korɛntitɔ ye mi ye eji ye le hùnhun ɖo awan na mi ¹² Mi ŋusu mi ye eji ye do mio, mi ye wɛ su mi ye eji do ¹³ Ŋule exo lɔ nu na mi ɖikɛn xovi ye kesin, mi wasi ɖikɛn mi ye kesin, na mi ye can ɔ, mia hun mìye eji ye na mi faa. ¹⁴ Mikanɔ do maxɔsetɔ ye éhà o. Ɖo eha dido ke na ele jijɔ nyinyi kɔdo esɛn ji dida do domɛ alo xomɛɖido ke na ele kinkɔn kɔdo ɔzuvlu domɛ ɔ ? ¹⁵ Ekan cicá nɔwe wɛle Kristo kɔdo ɛlɛgba mɛ o ? alo cicà nɔ we wɛle xɔsètɔ kɔdo maxɔset‌ɩdomɛ o ? ¹⁶ Ekan dido nɔwe wɛle Maawuxɔ kɔdo lɛgba ye e. Cɛ̀ncɛ̀n mɛ ò ? Ɖo Mawu egbɛgbɛ exɔ wɛ minyi ɖikɛn kena Mawu lɔ ɛ ɔkesin be: ma nɔ ye e dodo mɛ, eyɛ ma zɔn le ye e edo domɛ. Ma nyi yé é Maawu eyɛ ye e a nyi xo to. ¹⁷ Eyɔ wutu ɔ, mitɔn le ye e ecɛ̀ncɛ̀n mɛ na mia klan kɔ do ye kesin wɛ Tɔhonɔ lɔ. Mika tɔ asi makɔn ma kɔn ò, eyɛ emlɔn ɔ ma yi mi. ¹⁸ Eyɛ ma nyi mi ye etɔn, eyɛ mia nyi xo evi ŋusun ye kɔdo evi nyɔnu ye na ŋu. Kesin wɛ Tɔhonɔ hinhlɔn tɛtɛtɔ̀ ɔ lɔ lɛ xɛn.