¹ Na enyi be kpo ŋu ɔ ɔ mi a kpe eji ayi gbe na eklie jijɛ vide do xo wu! vɔɔ ɛɛn mi nɔ xo ji. ² Ŋu le ɔwu hwan nu do mita kɔ ɔwuhwan Mawumɛ ɔwuhwan ŋusun lokpo wɛ ŋusɔ ɔgɔ mi na na ma kpe eji ayi mi na kristo di kɛn tugbelɛ le ɔlɔji kesin ³ Vɔɔ ŋu le vɔn nu be éta ŋu nyɔ o a mi ye e susu a caka alilɛ alilɛ le eji mɛ kinkɔn ke na kristo le kannu lr mi siɔ ɖikɛn ke na edaan yi ayi do blɛ eva a kesin. ⁴ Na emɛɖe ba le donu yesu bu ewɛn tɔn vo na ke na mi do sanɔ a lo na mi yi gbigbɔ bu kenɛɛ etɔn vo ke na mi yi sa mi nɔ do ji nɔ yii ŋwɛnɖe. ⁵ Ŋu bui be mi ye emɛ zinzɔn gbo xɛn ɔ ye ŋu gogo nuti na mio. ⁶ Na emlɔ ŋu nyɔ exo lilɔ oa ŋu nyɔ enu eyɔ mi de exeɔ xlɛ le enu ye tɛtɛ mɛ le aka ɖekpekpe ji. ⁷ Alo ɔgɔ wɛ ŋu jɛ ke na ŋu hwe xo ɖe ɔ do kɔ mi do sɔn ɔji gan emɛ na ŋu do Mawu e wɛn nyɔɛn ɔ na mi ɔ xɔsu wɛ ma yii? ⁸ Ŋu yi enu le eha bibɔ bu ye si lwɔn yi ɔxɔsu le ye si do ba sɛn mi. ⁹ Gan emɛ na ŋu nɔ mide ɛyɛ ŋu nɔ chian mɛ ɔ mlɔ ŋŋu tafu emɛ̀tio do nɔ vi ye ke nɛ elɛ le Make do nia do ba na ŋu enu kenɛ edɛn ŋuɔ ye le enu tɛtɛ mɛ ɔ yé kpɔn xo ji nywɛɖe le mi ye ɔlɔmɛ eyɛ ŋugɔ a hɛn ke. ¹⁰ Do zɔn xonugbo kristo tɔn ke nɛ élé xo mɛ ɔ jiɔ ŋu kan do eji emɛti. ŋu le egbedenu be emɛti ŋuma yi ɔji dudu exota xeɔ le xɔsi le achaï. ¹¹ Nyikɔ utu do emlɔ ŋu ɖon linlwɔn na mi ɔ Mawu nyɔ.! ¹² Vɔɔ ŋuga awasii eyɛ ma wasï dokeson ji ma do su emɔ ne ɛmɛ na ele emɔ kan nu do mi wu ye yee eɖekikɔ ye ɔ ŋu ɖo alé ti do mi jio. ¹³ Lɛ lo enakpla ɛmɛɛ tɔ wɛ emɛ xɛnɔ ye nyi ezan watɔ emɛ blɛtɔ ye ye awi ɖi kɛn apɔ solo kristotɔn. ¹⁴ Exɛn ɔ ŋu nyi enu kpaca ɛmɛ ɖo ɛlɛ gba ŋutɔ nɔ ɔfo awu ɖikɛn ɛwɛn zangun zogbɛn tɔn kesin . ¹⁵ Ŋu nyi enu kpaca ɛmɛ be ezan wa yi ye le wa nu di ɛmɛ jijɔ ye e kpikpo mu ɔ cile di yee zan wiw. ¹⁶ Ŋu gɔ vɔ le lɔ nu be ɛmɛ ti ŋu ka kpɔn ŋu do kpɔn enu ma nyɔtɔ o eyɛ na mi le yi nu u do yi enu ma nyɔtɔ ɔ mlɔ can ma yi go viɖe . ¹⁷ Enu na ŋu le lɔ nuɔ kɔ ɔ do kando eji be ŋu le kɔ nu xo ɖe ɔ emlɔ ŋule lɔ mi ɖi Mawu tɔn o vɔɔ eha nɔ. ¹⁸ Do ɛmɛ susu le ye mɛ ye le kɔ nu ye eɖe le agbaza enu wiwa mɛ emlɔ ca ŋu le kɔnu xode kosin tɔn . ¹⁹ Mi ye na enyi enunyɔtɔ ye mi nɔ yi enu manyɔtɔ ye ca. ²⁰ Na ɛmɛ ɖe yi mi do wasi kluviɔ de le hɛn nu mi ye etɔn yi gble ɔ yi mi de le wasi nu enu na evɛ ye ɔ na emɛ egbe sin siɛn nɔɔ ɖe na emɛɖe gɔ xo ɔkusimɛ nɔ yii kesin . ²¹ Enya wɛ nyi ŋudo le lɔ nui mi ɖe mi ye egbɔjɔ gbɔjɔ ye yi xlɛ mii ganke enu na gbɛtɔ akpéwu a lɔɔ ŋu lɔ ɛ ɖi enu a nyɔ tɔ kesin emlɔ can un le nui do kesin. ²² Heblutɔ ye wɛ ye nyi? Emlɔ canɔ Izraɛliviye wɛ mi nyi? Emlɔ can; mi nyi Abraxamu ejiji mɛ vi ye can wɛ? Emlɔ can. ²³ Ezanwatɔ kristo tɔn ye wɛɛ mi nyi ? ŋu le lɔ nui ɖi ɛmɛ na ŋule édé mɛ o késin ŋu hugan wu exɛn ɔ na egɔ nyi ezan wi wa hu gan can a; na egɔ ny xixo hugan ye mɛ canɔ egankpamɛ ni nɔ hugan ye mɛ can ɔ ganɖe ye mɛ le dangbo emɛ ɔ fɔ ku eku tɔn ye mɛ . ²⁴ J atɔn wɛ ŋu yi éba egban vɔ a cɛn nɛ lokpo hwe le kanɖe mɛ le jufu ye. ²⁵ Jɔtɔn wɛ ye xo un vivɛ ɖe kɔ do éba j ɔ lokpo ye li ɛkpɛn un, j ɔtɔn ŋu nɔ kutɔku ehunɔ swɔ un nɔ eku edomɛ awan gbingban lokpo azan lokpo. ²⁶ Xo hwɛn zizɛ eji eji ye mɛ ŋu byɛ ɔfɔku etɔ tɔn ye mɛ le gbe vun emɛhutɔ ye mɛ le ɔ fɔku xoto tɔn ye mɛ le ɔfɔku enu ma ɖi tɔ ye tɔn mɛ le ɔfɔ ku etoxo ye tɔn mɛ le zogbe ye ji ɔfɔ ku ye mɛ le exu ɔfɔku ye mɛ le nɔvi ɛmɛflutɔ ye ɔfɔ ku mɛ, ²⁷ Le tagba jijɛ xo zan tɔn ye mɛ ɔ mlɔ ŋuɖo bɛxwe o le ɔŋlɔn ma dɔ ye mɛ le xovɛ kɔdo sinkɔ ci mɛ ye mɛ kɔ do ɔnu bibla maxlɛ maxlɛ ye mɛ le ɔ vivɔ kɔdo a ma cici mɛ. ²⁸ Mi ŋu gɔ alɔ éɖé éyé o le awan gbin gban lokpo lokpo ye mɛ ɔ ɔgun ehabibɔ ye e hyanɔ ɔ nyi agban le xoji. ²⁹ Emɛ ne wɛ ma gbɔjɔ vɔ mlɔ ŋu gbɔ jɔ o? ɛɛn nɔ ba na awan jijɛ eyɛ mlɔ ŋu nɔse vivɛ wɛ? ³⁰ Na enyi be ma kɔ xoɖe ɔ gbɔ ji gbɔ jɔ mɛwɛ ma kɔ xo ɖe le. ³¹ Mawu na enyi etɔ na ɔxwetɔ yesu na ye do ni ka ka do sɔn nyǝ be emlɔ ŋu nɔ ɖu ɛlɛ oo. ³² Le Damasi acɛkpatɔ ɔxɔlu kenɛ enyi Avɛsta ke nɛ enɔ cɔ damasiatɔ ye eto na ado wli ŋu .. ³³ Vɔ ɔye li ŋu do ekɛn mɛ do zɔn sɛflɛnu do zɔn egliɔ wu do sɔn eyɛ ŋu do si le ye e ɔlɔ mɛ.