¹ Èmlɔ lɔlu ŋutɔ, ŋule biɔ nu mi, zɔn Kristo e ɔdɔmɛfa, kɔdo e ɔdɔmɛnyɔɛn emlɔ nɛ nyi emɛ bɔbɔɛ, na ŋu le mi ye e dòdò mɛ ɔ, vɔ̀ ɔ nɔ wa glegbe nu do mita, na ŋule dindɛnxwe. ² Ŋu le kuku ɖe nu na mi be, mi ŋuka zin xɔji, na ŋu ba mide ɔ, na ma wa glegbe nu asuka wiwa xotɔn xlɛ ɛmɛ ye nɛ enɔbube, mi nɔ zɔn le agbazamɛ ɔ mɛ ɔ. ³ Nɛ enyi be, le xonugbo mɛ, mi le ɛgbɛgbɛ le agbazamɛ co ɔ, miŋu le ahwan wanu do zɔndo agbazaji o. ⁴ Kpoŋu ɔ! miye ahwan wanu ye ŋu nyi agbazatɔn o vɔɔ ye ɖo hinhlɔn sɔn Mawu de, kenɛ enɔ hɔ enu sinsiɛn ye xu awanɔ hinhlɔn xcɔ wɛ mi do nɔ gba ego yiyi e sunsun ye xu awan. ⁵ Kɔ do hinhlɔn jijra tɔn ke ye tɛtɛ nɛ enɔ cite do Mawu enyinyɔ wutu ɔ. Minɔ do egan susu ye tɛtɛ na ye a se ɔtonu na Kristo. ⁶ Eyɛ mi sɔgbe adɔn ɔ̀to na ɔtotritɔye tetɛ, na mi ɖe ɔlɔ le mi ye éɖe ye wu tɛtɛ, le ɖonu ɔto Kristo. ⁷ Miwli ɔkusi do enu ke ye na mi wu! na emɛ de kan do eji be ye nyi Kristo tɔnɔ, na egɔ bui éxè ɔ le eɖemɛ be, ɖikɛn kene enyi Kristo tɔn lɛ̀xɛn. ⁸ Na ŋugɔ yi hinhlɔ kena tɔhonɔ̀ na mi, na mi ye ekpla yiyi ŋu nyi na miye ecincrɔn o a, le ego yinu hunu, ŋutɔ canɔ, enya ŋu ma waŋu o. ⁹ Emlɔ ŋu jro be ma wa ɖikɛn ŋu le ɔvinvɔn do nu na mi kɔ do xo xwema ye kesin ò. ¹⁰ Ɖo emɛ ɖe ye nɔ lɔ be: "exwemaye nɔ ɖo kpɛnkpɛn, éyɛ ye nɔ siɛn, enɔ nyi emɛ bɛɖɛ ɖe kpoŋu, eyɛ éxò lilɔ ye cán ŋu nɔ xlɛ enu gbóo ɖe ò. ¹¹ Ɛmɛ na eɖo susu xɛnɔ, nɛ nyɔ exeɔ nywɛɖe be, emɛ ŋumɔ na mi nyi le exo lilɔ mɛ ɔ, le mi ye exwema ye mɛ̀ gan emɛ na mi ŋu le mide o a, kesin emɛ ɔ ke wɛ mi nyi le mi ye e wana ye mɛ, na mi le mide can. ¹² Ɖo, miŋu xa axlɛ miye eɖeye do èmɛ na enɔ kafu ye eɖeye mɛ o, alo ayi miye eɖe ye a jlɛ do ye u o. Vɔ, ke na ye yi ye e eɖeye do wasi ejisɛnu na ye e eɖe ye, eyɛ ye yi yee eɖe ye le jlɛ nu do ye ŋutɔ ye ɖe wu ɔ, exɛnɔ hue do ye. ¹³ Mi yè ɔ, mi ŋu ma yi go tran mɔ ò vɔɔ, mia yi i, zɔn do jijɛnu ke na Mawu ma na miɔ ji be mia ba kaka mi de ɔ can. ¹⁴ Ɖo mi ŋu zɔn mi ye ejijɛnu xe ɔ wu hunu, ɖikɛn miŋu kpe eji ba de kesin o mi yi Kristo eŋwɛ nyɔɛn ɔ, doba mi ye can mi de. ¹⁵ Mi ŋu le yi nu go zɔn emɛ, le emɛ buye ezanwiwa ye wutu o, vɔ, mi kan do eji be, miye exɔse le hwɛn nu ɔ, mi ye ezan ahwɛn sɔ ɔji le miye e dodo mɛ, do zɔn do miye e jijɛ kan ɔji. ¹⁶ Na mia do ewɛn ŋɔɛ ɔ le awanzan kenɛ le mi ye ɔgodo ɔye can ji, na mi ŋuka yi ego le ezan na ye nɔ wa, le emebu e zanwaxwe ye o. ¹⁷ Emɛ nɛ élè ego yinu ɔ, nɛ yigo le tɔhonɔ mɛ. ¹⁸ Eŋnyi ɛmɛ nɛ eɖékpɔn nu ŋtɔ́ wɛ akafu eɖé o vɔ ɛmɛ nan ɔxwetɔ ezɔn kɛdɛ wɛ a kpa egbe nan.