¹ Pɔlu, Yesu Kristo e emɛzinzɔn zɔn Mawu ɔtro ji, kɔdo nɔvi Timote le le wlanu xwema xe ɔ ɖoxlan Mawu ehabibɔ ke na élè korɛnto kɔdo ɛmɛkinkɔn ke ye tɛtɛ ke nɛ élè Akayi blèbu ɔ. ² Mawu mi ye etɔ kɔ Yesu Kristo nɛ na mi, maje kɔ fifa. Pɔlu do ekpɛ na Mawu ³ Yea na gigò Mawu, mi ye Tɔ̀honɔ̀ Yesu Kristo étɔ̀, kenɛ enyi ɔŋusinsin kuku étɔ̀ kɔdo maje tɛtɛ e Mawu, ⁴ Emɛ na enɔ fa ɔkɔn na mi le mi ye ayaɖuɖu ye tɛtɛ mɛ na mya kpe eji afa ɔkɔn na emɛ le mi ye ayaɖuɖu ye keŋ niɛ, zɔn do ɔkɔn fifa ke ye ji na Mawu fa ɔkɔn na mi do zɔ̀n. ⁵ Ɖikɛn kena Kristo ayaɖuɖu sule mi mɛ ɔn késin ke wɛ, zɔn Kristo ji ɔ. Mì yè ɔkɔnfa a asu lɛ xɛn. ⁶ Nɛ enyi be mi le ɖu nu aya. Mi ye ɔkɔfifa kɔ do mi ye ehwlɛnga utu wɛ, nɛ enyi be ye le fanu ɔkɔn na mi ɔn, mi ye ɔkɔnfifa ke na enɔ na mi eji dido le mi ye ayaɖuɖu ke ye mɛ na mi ye can mile zɔn nu ye utu wɛ. ⁷ Eyɛ mi ye emɔ kpinkpɔn ɔ. Xinnɔ awando miji, Eyɛ ke na mi nyɔ be mi ma mi ye ayaɖuɖu ɔ, kesin ke wɛ ámà mi ye ɔkɔn fifa a can. ⁸ Ɖo xonɔvi ye, mlɔn ŋu jro be mi an dan ɔfɔku kénɛ̀ ̀èkpè mi le azi o: Emɔ miji, eyɛ mi bɛ huke na mya kpeji akpe ye ji ɔ, eyɛ mi ŋu gɔ nyɔ be mya ci ɛgbɛ ŋutɔ càn ò. ⁹ Ɛ̀ɛ̀, mikan do eji le mi ye eɖe ye mɛ be, mi ye ekuzan nɔ bà kesin ɔn, mi ŋugɔ kpeji doji mi ye ŋutɔ ye eɖe wu ò, vɔ ɔ, ɖo Mawu kéna enɔ fɔn ɛmɛku ku ye ɔ wutu. ¹⁰ Mawu wɛ hwlɛn mi gan le eku xyɔ mɛ, eyɔ ke gɔ a hwlɛ̀n mi gàn, eyɛ mi yi mi ye ɔkusi ɖiɖo ye ɔ iɖo eji. ¹¹ Ke na mi ye can mi do ɔlɔ, le kwe finfan mɛ do me ye eta ɔ, acɛ ke na ye na mi do zɔndo Emɛ susu alénina jiɔ, nɛ na ɛmɛ susu nɛ do ɛkpɛ do mi ye eta. ¹² Do mi ye e goyiyiɔ wɛ nyi mi ye ejijigbe e ɖase kenɛ eɖu do miwu be: Mizɔn le Mawu e ɛmɛ kinkɔn nyinyi kɔdo vivɛ donu mɛ le xixe xyɔ mɛ, ŋu nyi le agbaza e nu nyinyɔ mɛ o. Vɔ lè Mawu e mase mɛ, vivɛ ɖe ɔ, le mi ye e dodo mɛ̀. ¹³ Do mi mnu le ŋwlannu exɔ bu ɖo xwlan mi, hu enu ke na mi le xlɛ nu, eyɛ mi le senu egbɔ̀n mɛ ɔn ò, ŋu le e mɔ kpɔn nu be, myase exo kena mile nu ɔn mɛ̀ keŋu keŋu. ¹⁴ Ɖo ɔ, mise emɛ viɖe be, miye wɛ nyi mi ye e gòyiyi ɖikɛn kena mi ye can mi nyi mi ye etɔ̀n, le mi ye e Tɔhonɔ Yesu e kojoɖo zan ɔn gbe ɔ kesin ɔn, ¹⁵ Le kinkan do eji xyɔ mɛɔn,ŋu ɖo be, ma ba mi ye de tantɛn, na mya kpɔn jijwɛ, jɔwe, ¹⁶ Na ma zon miɖe sɔn Makedonia, na ma gɔ lɛkɔ le Makedonia, ba mi de, na mya zɔn ŋu ɖoxwlan Yudea. ¹⁷ Exyɔ ɔn, enu na ŋuɖo be ana wa ɔ, ŋuɖo e etamɛ mabu wɛ ? Alo enu na ŋu ɖo ɔ, ŋuɖo e do zɔn do agbaza ji, lɔ̀ "Ɛ", kɔ do "ye", ɖo ekpwɛ ɔ̀ ? ¹⁸ Vɔ ɔ, Mawu nyi xo nugbo be, miye exo na mi lɔ na mi ɔn ŋu nyi "Ɛn", kɔdo "o", ɖo kpwɛ ò. ¹⁹ Ɖo Mawu évi Kristo Yesu, ɛ̀mɛ̀ xe ewɛn na mi do le mi mɛ ɔn, zɔn mlɔ kɔ Silvanò kɔdo Timoteo ji ɔ, ŋu nyi "ɛn" kɔdo "o" do kpwɛ o: vɔ ɔ, "ɛn" kpoŋu wɛ nyi, sɔn ɔgbɔn mɛ jijɛ ɔ. ²⁰ Eyɛ Mawu e ajɔgbe finfyan ye tɛtɛ nɔ nyi "ɛn" le Yesu mɛ. Exyɔ wutu wɛ zɔn eyɔ ke ji ɔ, milɔ "amɛ̀n" na Mawu e gigo. ²¹ Emɛ kena eli mi kɔdo mi le Kristo mɛ. Eyɛ eɖo an=mi eta na mi ɔn, wɛ nyi Mawu ²² Mɛnɛ egɔ yi ejesido yi ɖo mi wu ɔ. Eyɛ egɔ na mi gbigbɔ ɔ e awoba na le miye eji ye mɛ. ²³ Mawu nyi xo ɖasefo, na ŋu le lɛlo na mi, ewutu mlɔ ŋugɔ lɛ kɔ bá Kòrɛ̀ntó ò. ²⁴ Ŋu nyi be mi jro azin kena mi ɖo a xɔse do mi ji o. Vɔ mile ezan wanu kɔdo mi, na mya kpɔn jijwɛ, ɖo mi lètè goŋu le xɔse mɛ̀.