¹ Nuɖo e be mlɔ ŋugɔ ábá mide, na xo biba a, ŋu ka ɖo akpɔ na mio. ² Ɖo, na ŋu do ɔŋuzinzin akpɔ na mi ɔn e mɛ nɛwɛ a do ejijwɛ na ŋu, hugan ɛme ke na emlɔ ŋutɔ ŋudo ɔŋzinzin mɛo ? ³ ŋu exyɔ ke ɖoxwlan mi be na ŋuba ɔ mlɔ ŋu gɔ akpɔ le emɛ kena ado jijwɛ na ŋu ye de o: ŋu ɖo jido xyɔ do mi wu be, xo jijwɛ ɔ nyi mi ye tɛtɛ tɔn. ⁴ Do aya ɖuɖu susu kɔdo eji e vivɛ sise susu mɛ wɛ ŋu ŋwlan xwema xyɔ ɖoxwlan mi le kɔ do aɖasin susu. Ŋu nyi na mi a ɖo akpɔ o, vɔ ɔ na mia nyɔ linlwɔ kena ŋuɖo na miɔ esusumɛ. ⁵ Nɛ ɛmɛɖe hɛn akpɔ doba ɔ. ŋu nyi emlɔ kpo eɖo akpɔ wu o, vɔ ɔ na ŋugɔ lɔ be ɛɛn hunu owa, le akpa ɖet‌ɩɔ mi ye mɛtɛtɛwɛ. ⁶ Exo kena miye edomɛt‌ɩsusu al ɔna kesin emɛ nɔsu xoxo, ⁷ Exɛntɔ wuɔ mi yi ikɛ ɛ, na mia fa ɔkɔn ni bohun, na akpɔ ŋugɔ aɖo kesin emɛ‌ɩke hunu o. ⁸ Eyɔ wutu ɔ ŋule lɔ nu na mibe mia gbɔjwɛ ɖe linlwɔn yi xlɛ. ⁹ Ɖo exeɔ wutu ke ŋu wlan xwema ɖoxwlan mi na miakpɔn be mise ɔtonu le enu ye tɛtɛ mɛ jaa. ¹⁰ Emɛ kena eyi enu ɖe yikɛ ɔ, mlɔ can ŋu yi kɛ ɛ na emlɔ eyɔ ɔ ŋuyi enu ɖe yikɛtutu ŋu yii kɛ do mi ye wu le Kristo ɔŋumɛ. ¹¹ Kesin ɔ lɛgbagbo ŋumakpǝn eɔ le mi wu o ɖo mi ŋu ɖan e ayi ɖiɖo yeo. ¹² Na ŋuba Troa na ma ba do Yesu eŋwɛn nywɛn ɔn, eyɛ enyɔ Tɔhonɔ hun agbo ɔ gboo ɖe naŋu be mawa ezan le eflɛn ɔ, ¹³ Mlɔ ŋukpɔn gbɔjwɛ le sunsun mɛ o ɖo mlɔ ŋukpɔn xo nɔvi Tito o. Exwɔ wutu wɛ ŋusiɔ eyɛ ŋudota Makedonia. ¹⁴ Ekpɛ wɛ jɛ na Mawu kena enɔ na ɔji ɖuɖu ɔ wu mi gasyagamɛ le Kristo mɛ enɔ zɔn miji nɔ ɖe Kristo xlɛ le fiɖekpekpe ɖikɛn kena lifin nɔ ɖe hwinhwɛn kaka ɔ na kesin. ¹⁵ Le xonugbo lilɔ mɛɔ mile nyinu Kristo be hwɛnhwɛ nywɛ Mawu le amɛke na gaanwo ye kɔdo kenɛ crɔn ye domɛ. ¹⁶ na emɛ ɖe ye ɔ mi nyi eku e hɔnhlɔn kena enɔ na eku a, na amɛbu ye ɔ mi nyi hwinhwɛ ke na enɔ na egbe a ɔ Eyɛ emɛ nɔwɛkpeji eyɛ jɛ na enu xyɔ ye o ? ¹⁷ Ɖo mi ŋule ɖikɛn emɛsusu ke na ele ekɔlɛnu le Mawu exogbɔn o vɔ ɔ ɛmɛke na e eɖo anukwaɖe be vevedodo ye mi yin eyɛ́ minyi, Mawutɔn ye. Mile exolɔnu le Kristomɛ, le Mawu ɔkusimɛ.