¹ Hakalia ho vi, Nɛhɛmìà ho ɛnuhowó. Lɛ Kisla ho wrɛtià mɛ, lɛ épé blavɛ gɔa mɛn à, gakɛmɛ ŋlé Suso ho édu gã mɛà, ² Nɔvignéwo domé tɔ ɖika ké gnikɔ gni Anani kudé amedéwo va yudéà. Ŋwɔ biabia kudé yudatɔwo ké woléawo ŋti kudé yérusalɛm ŋti. ³ Oɖo yinti nam bé: amékéwo léawo kpɔtɔ lɛ guwuŋ tchabgé ŋ'kpé kudé baɖa ŋgbé va wɔadji wo; Yéruzalɛm ho glikpa mu yi hɔntruawo bizo kɛŋkɛŋ. ⁴ Ŋnagni yi fãvi yi tchi énuzinzin mɛ ŋkéké gbogboɖé ké ésé égna kiawo kɛŋkɛŋ. Ŋbranu yi ŋdogbéɖa le Mawu jipo vi tɔ ho ŋkumɛ, ⁵ Yi ŋgblɔ bé: Oh!Mawumavɔ, Jipo Mawu, Mawugan kudé ŋsɛntɔ, éwo léna dé ɛnu blablawo nuti, yi gbé kpɔna énublanui na amékéwo kpata lɔnawo yi lé na ésédédé woa dé alɔmɛ! ⁶ Kpɔ yi naɖo éto gbédodoɖa ké subɔlawowo lé glɔ nawo gakiamɛ, ŋkéké kudé ézan ɖé éviwo Israɛlviwo nuti, yi lé dé kuku dé Izraɛl viwo ho énuvɔ̃, énuvɔ̃ ké miwɔ ɖé ŋtiwo; ɖobé égné kudé tata gné ho aho miwɔ énuvɔ̃ ɖé énutiwó. ⁷ Mija agɔ lé nutiwó, mimu ɖo éto wó, mimu wɔ ɖé ésé kudé dodo ké oŋlɔ na subɔlawo Mosé à ŋti o. ⁸ Ɖo ŋku égna ké ogblɔ na subɔlawo Mosé, bé négblɔà dji. Né égni bé miwɔ énuvon a, makankan mi dé améwo mé; ⁹ Vɔ né égni bé mi trɔva gbɔ gnéa, yi mi lé ésé dédé gnéawo dé asimɛà yi miwɔ dé wɔa djia, né migbé lé jipo ho wlawla ho tchan, mabɔ ɖo toho ɖika yi makplɔ mi va toho ké ŋtcha né mi bé mia nɔa lé ŋkɔgné mé. ¹⁰ Ogni dukɔn wo kuɖé subɔlawowo ké ohɔ plɛ kuɖé ŋsɛn gan wo kudé alɔwo sésɛaŋ. ¹¹ Ah! Axotɔ ɖo étó subɔlawo wo ho gbéɖoɖawo kudé subɔlawo ké dji la vɔn ŋkɔwo ho égbéɖoɖawo! Na édjidudu sɔbɔlawo yi né kpɔ amenuveve le ŋucua ho ŋkɔ le ŋkɔwomé! Ŋgni éfiɔ ho djɔla.