ATCHAMADO_BEN-wci_ezr_text

Ta 5

¹ Nyagblɔɖitɔ́ Agai ku Ido bé vi Zakari wó gblɔnyaɖi ne Yudatɔ́ yiwó le Yuda dua ku Yerusalem dua mea le Israel Mawu bé nyikɔ́ me. ² Eye Setiel be vi Zorobabel ku Yozadak bé vi Yosua wó có éyé wó dje Mawu be aƒéá tutu le Yerusalem. Eye Mawu bé nyagblɔɖitɔ́wó le wó gbɔ́ le kpékpéŋ le wóŋtí. ³ Le gaƒoƒo má mea, tɔa góɖó bé dukplɔtɔ́ Tatnai ku setar-Boznai gbaku wótɔwó vá wógbɔ́ gblɔ né néwó bé: mekaé ɖemɔ́ né mi bé mia tu aƒé ya eye mia ɖɔ gliawó ɖo? ⁴ wógba gblɔ né wó bé: Ameyiwó le xɔa tumá be nyikɔwó ɖé? ⁵ Vɔa Mawu be ŋkú le yudatɔ́wó bé ameciciwó dji. Eyé wó ɖe así wó wó yi dɔa dji co gayime wó ŋlɔ wómá ɖóɖó Dario váséɖe gayime wó xɔ wómá co dɔa ŋ́tí. ⁶ Wómá yi tɔgodo bé duakplɔtɔ Tatnai, Seltar-Boznai, ku wótɔ Afarsatɔ́ yiwó le tɔagodo wó ŋlɔa yé nyi: ⁷ Fiɔ Dario, mi dogbe niwo. Mi ⁸ Mi yi Yuda nútóáme le Mawu gã bé aƒéáme wó le étum ku kpé gãwó éyé atíwó le gliawó me; edɔa le zɔ̃ɖem kábakaba le wó bé alɔme. ⁹ Mi biɔnya ameciciwó éyé mi gblɔ né wó bé wó bé: Amekae ɖemɔ́ né mi bé miatu xɔa eye miaɖɔ gliawó ɖó? ¹⁰ Mi bíɔ wóbé nyíkɔ́wó éyé mi ŋlɔ wóbé tatɔ́wó, bé nyíkɔ́wó bé nadjesiwó. ¹¹ Ɖóŋti yi wó na mí́ yé nyé be: djiƒó ku anyigbã wɔtɔ́a bé dɔcɔviwó minyí éyé mitrɔ́ le Mawu bé aƒé yi wótu cãvayi eƒe gbógbóɖé wóéya tum Israel bé fiɔ gã ɖé tui éyé be wu énu cã váyi. ¹² Vɔa éyi miá tɔtɔ́wó do djikú ne djiƒówó bé Mawua vɔ megbéá, édéwó asi né kaldéatɔ́ Nebukaɖnéza Babilone bé fiɔ, ameyi né gbã Mawu bé gbeɖóxɔa eŋe be kplɔ dukɔa yi klúvínyínyí me le Babilone. ¹³ Gake le Babilonia bé fiɔ Kores bé ƒe tútúgbã mea, fiɔ Kores ɖegbe bé wóátrɔ tu Mawu bé gbédóxɔa. ¹⁴ Éyé Sika ku klosalo bé nuzázã yiwó Nebukadneza lɔ́ co Yerusalem bé gbeɖóxɔa me yi Babilonia bé gbedóxɔa mea, efiɔ Kores ŋ́tɔ́ trɔ́ ɖewó ɖá le Babilonia bé gbeɖoxɔa me éyé be cɔ́wó ná ŋutu yi wóyɔ́na bé Sesbazar ameyi be ɖó dukplɔtɔ́a, ¹⁵ éyé be gblɔ ne Sesbazar be: lɔ núzazã náwó yi kɔ le Yerusalem bé gbeɖóxɔa me éyé ne wóatrɔ́ tu Mawu bé aƒéa le gieké be nɔ le Yerusalem cã váyia. ¹⁶ Sesbazar ma yé va ɖo Máwú bé aƒéa bé gɔme ɖókpéwó anyi le Yerusalem; co káká ga máme vaséɖé égbea wó le étum éyé wómé wú énu o. ¹⁷ Fiafia né fiɔ lɔa néná wóáca fiɔ bé núwláƒé le Babilonia ákpɔ́ bé fiɔ Kores na gbedasi bé wóátu Mawu bé aƒéa le Yerusalem mɛɛ. Éyé fiɔ né gblɔ yibé djidji né mí co nya má ŋ́tí.