1
Puo nba mantik fan k gal puo lieb kul na , a yuak na saan lie ? sɔnjolaɔnŋ poe , k a yuak manŋ tɔk ni ? K kpann'ɔ k tulau .
2
N yɔnanmɔnŋ na saan u kpaab ninŋa . K l tie sianm nba k tipuut be na , u kpaa-pei kpaab na nie , ŋaan ji tikii tipuuk na .
3
Mi ne yen n yuak , k u muun yen'n ; u kpaa u pei tutubila na nie .
4
N yuak nba k n mantik luon'ɔ na fan nan Tilsa duo na e, , k bia fan nan ielusalem nba fan bianŋ nba na . ka fant mantik mɔk yaalituk .
5
Fii goliin , a nianŋ tuu kuame k dian . a yut na liane , k tie nan buuni nba tuu yab , k nyi Galaat kunkok paak k siik bianŋ nba nae .
6
A nyaana na pien k tie nan pebulunŋ nba k b daa wulib nae ; k naan nan yenna k fokiti , k l kul liel paak .
7
A tankpinna nba saalk duok na nyiliie .
8
Kpanbali lekii mɔk puo saakab piinluob nan puobit piiniin , nan sapaanm nba kaa kanni .
9
ŋaan fin kuae k n luon , k a mantik ŋan k tie nan ŋmann na . Fine tie a naa bonpoyenmil , k tie naa bilonkak . K puo saakab nan puobt yiin yanni k kpakit la
10
ŋmie tan nyilii nan sanyiɔk ni yenputkaɔ na ? U mantik yien k tie nan yennu na , kuo k tie nan ŋmaalik nba yien nyiɔk bianŋ nba na
11
N sik maan got tibisie kpaab na ni , k bia got fapant nba be daan tiina paak , k bia got tipuuk nba be t bontlia paak na .
12
Fine te k a nianŋ kuan k n jekl nan tɔb tantuluk ŋmakt tua na .
13
Su l mit sapaamɔ , jen'n ! k waa siak , k tii golii a . Bia paake k ii luon k sulamit sapaamɔ i waa siaak nba niib banlie taanun siaki ?