1
N puoyuokil , n salkpenŋ , n kua n kpaab ni waa , n pɔ n baali nan bonnunubit nba k b yi Miil nae , n di siat nan sagbente , n nyun tiluana daan nan naabim . n yuatinba , ii di nan , kinlyu man nan yaa tan saa gbuo nan lom .
2
N dual k guanne wa ŋaan daami daamiit k l daamiit ninŋ k n yuak kuon gann. ŋaan yien na : n yuak , a ŋan paa ! a tie ŋmanpienŋ nie . luotle gann k man kua , k maan malin bolk n yula , k n yut ji kpie nan nyiok sunsɔnmien .
3
N yuak n tiata bia paaki ye k n saa ŋmaat k yuo ? N wul n taa waa bia paaki ye k n sa te k lin joki nii ?
4
N lontua tun nuu gaan fanŋ ni wa , k l manyin bonciann nan wa nakinin ne .
5
K n fiil a man luot gann k n lontua n kua ; bonnunubbt nba k b yi Miil na pɔl n niin, k n niibila nba saank sii ganluotl , k l ji yat k nubl .
6
K n luot gann na k tul n lɔntua ; ŋaan sua kudonŋ k siet k botima . k n lek luon man gbat u kunkɔl . K n lik lomɔ , ŋaan k ki lau ; k n yiinɔ k ki gbaat k u tuon .
7
Binba lin nyiɔk k guu duo na taan cetin ; k faa k tulin danŋ ; k guula nba be duo ne iuonn buol na liat n liafuok.
8
N pol k maati selusalem tieb , ii la n lontua i saa maatɔ be ? i saa paakɔ k n yial lonm baatuk o .
9
Puo nba mantik fan kb gaal puolieb kul na , a lontua na mɔk bɔkitu nan jalieb nba ne waa ? K t saa taan k pol nan fnii
10
N lontua na pien k ŋaan ; bii got niib tusa piig ni u be u kuɔe , u k taa nan lieb .
11
U yul tie kutmonte ; k u mogbana ŋaalii , k u bon nan naakpabonŋ na .
12
K u ninbinaa faan nan ŋmanpieni nba be mɔk kpinŋ na . k tie nan ŋmanaa nba k b wulib naabiin k b ji sie k foi b yan ni ne .
13
U kpiani ninŋ mɔk fant nk tie nan kpaab nba gbie nan kpinfaat nan baali na . k u mogbana tie nan tipuuk nba k b mii Miil talali nyun na .
14
u nii na pil bonnyinnyilaa k b tabin li paak , k u gbannant tie nan luobnyana nba ŋali bianŋnba na , k nyili nan tanbiinyinyilaa na ;
15
Ku taa tie nan tanpien nba caa k tie jaantil k b sikin salma tuota ni na . K u panŋ tie nan linba kpekii ne
16
K u mogbana na muatu man , k u gbanu kul po ŋaan , selusalemn puob ! n lontua nba tie bianŋnba na .