¹ Salmon yanŋ nba ne mant man k cie yanii yanii kula . ² Jiin a mɔb k muat n tankpinn! k maan a lonm man k i gal daama. ³ A nibilu man k tie nan bonnu nubit nie k a sann tie talali nba k b mii ne L paake tien k Sakpaanbit ne luona. ⁴ Jii min k baal nanin a buol! k tin cial ! k a sii tie n kpanbal, k jiin k kua nanin a diuk ni k tin saan ki mɔk palpienn nan kpinkpanmuk a yaa paak, k nyu k gbuo ki luonn lieb. L tie mɔniie nan sapaam kul luona. ⁵ Jelusalem sapaam, n bɔne ŋaan n fan, n bɔna nan kedal niib lanbont nie.ŋaan fan nan nanjont nba juaan kpanbal salomo ŋaak ni ne. ⁶ Laa goli gbanan bon te ne yanni, k maan yennu cua k bonn n gbanant ne. N naa bonpɔi wutua bu duo n paake, k b te k n gu-ubtilonti kpaab ne n tilonti kpaab ne n jik fit k guuli. ⁷ Fin nba k n pal luona wantin saninba k a sa saan nan a pei k bin ŋman. sianinba k b saa foi yensiik ni; Bia paake k n sii tie nan wunba bot nea pekpalei ne buoli? ⁸ Fin nba mantik k tie puo ŋannɔ puok kul sinsiigni, a kii mi maa kpaal pei sianinba, fan nyi ki waa pei bukaa; k kpaal a buunii k lii kpia pei ne lanbont. ⁹ N yuak a te k jab nan tannanŋ nba tuu te faalaon tanjalona nba daal tantolit ne niamua bianŋinba. ¹⁰ A kpianii mantik fan nan tutua paa k a tulu fan nan tuliat nba ŋan nie. ¹¹ T saa Jii salin salinmona nan salinpiena k ŋanm laam k tula. ¹² Kpanbal kal u yial ninŋe, ŋaan k u talali na nubl k kuann. ¹³ N lontua ne dua n biaa paake, k nubil nan bonnu nubit nba k b yi mil ne. ¹⁴ N lontua ne tie nan tipuut nba be daan tiini kpant nba be Engedi nie ¹⁵ N lontua, a mantik fan paa, a mantik fan! a ninbina ne mantik k nyili k fan nan ŋmanjelpieni ne. ¹⁶ N lontua a mantik k fan, a mantik k maant n pal! t dindua buol fan nan muat nie. ¹⁷ T ŋaak jaantalik sii tie kpeki, k l sanpaapo daat si tie nasei.