1 A daa want a mɔnŋ wonn po, k maan a k mi daal manŋ nba sa fit mal linba k tula . 2 Sua i piaka, ŋaan k l da tie a nob ka, li saaua-e, ŋaan da tie a mogbana ka . 3 Tann tie linba kpaï-e, k tanbiini mun bia kpai. ŋaan bonjatl nba sa baal nan daamii nba kpai k cie liel. 4 Wutuol bant nan tonu nan biilu-e, ŋaan ŋme tan sa set bkankan ma funfunn buolnii. 5 Yinyiienŋun ŋmaktl-e sɔ k cie bunbonnin nasainyuat. 6 A yuak danɔ set want nan lombe i ni, ŋaan dataak tankpin muati tie bunbonti-e. 7 Wunba di k gbuo tabt taal siet-e, ŋaan wunba k kon mɔkua,u la jiiet nba ton kul l tu nann-e. 8 Nan nuanŋ nba siet kɔkt nan u tieɔk ne, l tie n ne-e nua mun tu siet k fɔkt nan u binbe buol. 9 Kpan nan talaali manŋt pale, k nasinyuak, kpaanmi nba siitaa tu mann-e. 10 A daa nyikt a yaak nan a baa yuak, k daa kua a ninja ŋaakni daal nba ka be daami ni, a ŋakpiak-e sɔ a ninja nba fɔk nana. 11 N bija, i tie yandaanɔ, k n palman, k man tan fit k jiin wunba piak k biilin. 12 Subindaanua tu donŋ la bonbiil k cial k bɔl bi monŋ, binba k duki ŋannin too sonm k saa-e sa mablin. 13 Jiin u liant, k maan u set sua puol k sonmua wa, jiin u mɔkint, saannm na paak. 14 Li tie k sua tien u lua yet ŋannin nan kpian paali sannyafaal l tie nan motont ne-e. 15 Nyuntektuk tukint k tuut daal nba k saak baa-e, k puo kunkonkonnua bontitiet tie n ne-e. 16 Wunba fit sennua senn wonŋo, k bia kub kpannyunme u niponŋni. 17 Nan kut nba ŋat kut ne, l tie n ne-e nua-e tu donn nua wutuol. 18 Wunba got ŋaanŋ fanu tan sa mua l luoanna, k wunba mun bia gu u tunt tua fanu tan sa la baakla. 19 Nan fa tu got nyun ni k la nunm po ne, l tie n ne-e nulua i got u palni u tu la u monŋ binbenŋe. 20 Kpiien tinŋ nan mu buotuk nba kanban gbie ne, l tie n ne-e nulua nungoltin k gbent. 21 22 Gbiilu ntie likli yale, k daanɔ tie liktann yak, ŋaan b tu bu nulua u benbenŋ paak-e. Yuo nba ka tan sa lek tuol kmɔk dudukt daanua tuol sunsuk ni nan togbiannu na, ŋaan u na lek kan nyi u ni. 23 A mi a bonkobt fanu, tulin a tebuk a bonkobt, 24 K maan mɔkint k woi yuo kul ka, nan mun bia k be mɔk mɔk nan mɔk mɔk. 25 Mɔkuoot nyi, k mɔbluk put, k juat ni mɔpaaŋ n pia. 26 Pejai benu tie bi bi lanta-e, k wajï mun ya benu tie kpaab daanu-e. 27 Wanaant biin sa kpaan a jiieta, nan a ŋaak niib, nan a ŋaak tuuontuna nba tie puob na gotl.