1 Salomun baljokit nba k juda kpanbal Ezekias niib din dian na. 2 Yennu yudant buali boonna, k kpanbal yudant tie bin kpaan boonna. 3 Sanpaak nan u fakint ,tinŋ nan u siimu, k kpanbala pal ni sua kan fit kua. 4 Nyint jakint lik tann ni, k sakultua saa kul sialu. 5 Nyint tundaannua kpanbal tuann, k u doo diannu ni balmunpaku sii be . 6 A daa dont a monŋ kpanbal tuann, k daar niijaanna yial ni . K maan liŋan bin yeta : 7 8 baat in na! Nan bin tan busiima kpanbal bija tuaann. K a tan daami linba k a saa pak, li tie k a lua paana maan 9 Kɔnin a monŋ paak a lua bool ni, ŋaan daafitl a lua gbina, 10 Nan wuu tan maan gbatb, k bann a fei, a sanbuk jik mɔk piinu 11 Nan salmmuana nba paa likili salimpeena pakk fan bannunba na, li tie inna mun maanminba k bii pakil fanu. 12 Nan salimmuna banŋ nan lii tuliat nba fan bianŋinnba na, li mun tie inna nan baa too manŋ tuba k gbin bannetua kpayaakit. 13 Nan saakaana nba mei biaŋinnba bonjauŋ yoo na, li mùun tie inna toomi nba ban maan k tul wunba tuu mua ; k toomi manŋ too maa u canba pal. 14 Nan sanpagbant nba too fikit nan wunŋ ŋaan saak kanba na, lii tie inna mun nan niilua nba puont moopoti ŋann k gbiant. 15 Nan kandonn wutol yian saa fil lebit kpanbal bija dudukit, k moomant saa fit yel kpaba. 16 Fii la siat, fiin di linba saa ŋanŋa, k a tan saa mann di gbo k k tan si. 17 Ii saa yom yom a ŋankpiak ŋaak, k u taa saamiata, ki jik loonna maan. 18 Nan gbaajal, juk balik nan piinu nba tie bieŋinba na , li tien ne mun niilua nba di faak siala wulua po. 19 Nan nŋann nba cable nan taagbial nba tun bieŋinba na inna lolbiit daannua binbenŋ tun daalbil daal. 20 Kliat u liatl waat daal, kuo k muan jian nŋan fiak ni, tie nan fan yin yaŋmaani k tul palbil daannua. 21 Konmiimɔk a daataak, tulmua wuni nŋunŋuluk u mɔkua tulmua nŋu wun nŋu. 22 K maan li tie nan sankuanna muu na ka paant wun yul paak, k k mɔk gbennu tan saa paa li pauk. 23 Nan in ninmu nba tuol yonnu binba poo na ,wɔnŋ nba nŋi in nuganŋ poo baat nan saak na, lii tie inna jelinn nba fufut dont wutuol. 24 Li ŋan fii dua muapin yelk ni, k cie fiitaa ki bee nan puo kunkonkonnuk . 25 Nan nyin maasin ŋan nan niilua nba baat na, in na baalisaani nba nyi banfaakil baalŋan. 26 Nan bunbun gbil kal nan nyu nba puk bunbun mob nyu nba too gbit nan bienŋinba na, inna niiŋannua mun tie yoo nba k u tuo niitunŋ maan. 27 Daa di siat bonciann, ŋaan ii kpaan lie palmann , ŋanna tie yuddant . 28 Nan doopienu nba paal ŋan k mɔk joon gul kal na , lii mun tie in na niilua nba k yie wmunŋ