1 Yennu ŋmaktl kpanbal dudukt nan waa t kpennu puub biaŋba nae. 2 A saa fit dukii nan linba kul ka tun na tuoke, ŋaan ii tien nan wunba bikint pal kul dudukt manŋ tie yennu-e. 3 Fi-i tun linba tuok b bia ŋan ŋanne tien yennu palpienn k gal fan tulua piinii. 4 Tuonbiit danm kalinbaandam nan b dont in monnŋe diab, linba na tie yanbonme. 5 Lolin a lola fanu k a tan saa la nyuat bonciann, ŋaan fi-i tie yian yian a kan ban la k lin janŋa. 6 Mɔkint nba k a tɔkin faak sonu k luon na l kan yann k wa k l fiit tiana kun mɔb, niŋ, ŋaan yaat, k a konŋil. 7 Tondanm tuobiite tuu kpib, k maan baa yet bin tun linba tuok na paak. 8 yanbondanm na toki sɔnŋmalmae ŋaan binba k mɔk biit na tuun linba tuoke. 9 Fii dua nanyelpo sua nan fin nan puo baltuoluk n taan diiuk. 10 Tuonbiit danm na mɔk niɔŋ yuo kul nan biit tumu, k k tiin sua ninbaauk. 11 Kalinbaandaanua-i la tubdatu yuo nba nan binba k mɔk dudukit na, ŋaan bi tuu tumii yame, wunba mɔk yame boant linba k b tumiiɔ na. 12 Yennu tie palpienn daanuae, u mi linba tuun tuonbiit danm ŋei niŋ k saa buont tuonbiit danm manŋ. 13 Fi i yet fan gbiint nandanua mɔnii, a mɔnŋ tan sii bui k luon sonmil, k sua kan gbati . 14 Sua-i donn wutuol a paak, ŋaan k a bol turua paab, u wutuol manŋ saa maake. 15 Balmɔni tuomi tun yuo nba, niganm na tuu mɔk palpienne, ŋaan nibiit na ŋanin yan tuu pute. 16 Wunba yien dudukŋant, kuun sie l daanua tanmɔb niŋe k guu-u. 17 Fi i be a yamani, ki nyu daan, kidi jeŋant nba k a luon, a kan ban mɔkiti. 18 Tuonbiit danm nae tuu tan ŋmat di biak nba k b lolin niŋanm paak na. 19 Fi i be muuk niŋe ŋan nan fii be nan puo nba tie baltuotuk, k bia mɔk bunbulnii. 20 Yandanm mɔkint be-e yuo kul k di b yamani, ŋaan jatit ŋanin tuu di b likilii kule, bi i la yuo nba. 21 I mɔk lonm nan yentinu, k a saa fɔkit, ŋanne k a lieb saa tuula baakl k bia dia fanu. 22 Kinkɔnnu nba mɔk yan saa fit duo nba k panŋ danm guu na. nyannua, k bit lu juonpaara nba k b duo na paak. 23 Fi i luon faa daa kua daamii niŋ fan suol a mɔk nan maan nba k a piak. 24 Wantin wunba tie japadanua, k n wanna nan u tie kalinbaan danuae, nan dontin monŋ daanuna, nan ningotkangbuok daanua. 25 gbannyak daanua nba yien fuon na kpi u mɔnŋe. 26 U kpan kal dukii waa bo sii mɔk linba poe, ŋaan palpienn danm ŋanin nii yaae, k piin paab nan bulcint. 27 Yennu k luon tuonbiit danm malunŋ nba k tiennua na, mantik yuo nba k b baal nann nan dudukbiit. 28 Sua k tie faak daanua siara yada, ŋaan wunba piak balmɔni b gbiin u maame. 29 Palpienn danm na ŋanin mi b mɔnŋ po, ŋaan tuonbiit danm na tuu kpann niib nan b ŋan. 30 Nisaalik yanfuon, nan bannu nan ninyentil kul, ŋaan l kan fit sonmua lii tie k yennu k taa u po. 31 A saa fit lon taamii k bobin a fin saan kunkɔnn, ŋaan yennu-e tien nyannu.